Titus 3:6 - Perjanjian Baru Bahasa Melayu Maluku Utara

⁶ Tuhan Allah kase Dia pe Roh Kudus pa torang talebe-lebe, karna Yesus Kristus mati untuk kase slamat pa torang.

Titus 3:6 Referans Kwoze

Roma 5:5

Kong karna torang so baharap deng yakin pa Tuhan Allah, torang tau, torang tara akan kecewa karna Tuhan Allah akan kase samua yang Dia janji. Torang so tau itu butul karna Tuhan Allah so kase Roh Kudus yang bakarja di torang pe hati sampe torang bole rasa Dia pe sayang yang basar.

Kisah Para Rasul 10:45

Di situ, ada orang-orang Yahudi yang so percaya pa Yesus, dorang datang dari Yope sama-sama deng Petrus. Waktu dorang lia banya orang bukang Yahudi tarima Roh Kudus, dorang jadi herang, karna dorang bolong perna lia Roh Kudus tacura pa orang-orang bukang Yahudi.

Yohanes 16:7

Tapi butul, lebe bae Kita pigi, itu untuk ngoni pe bae. Barang kalu Kita pigi, Kita mo kase Roh Kudus supaya tolong pa ngoni. Tapi kalu Kita tara pigi, Roh Kudus itu tara akan datang pa ngoni.

Yohanes 1:16

Dia pe sayang pa torang tara perna abis-abis. Kong karna Dia pe sayang itu, Dia tara berenti-berenti kase Dia pe bae pa torang samua.

Titus 1:4

Titus, torang dua sama-sama percaya pa Yesus Kristus, jadi kita anggap ngana so sama deng kita pe ana sandiri. Kita minta pa Tuhan Allah, torang pe Bapa, deng pa Kristus Yesus yang kase slamat pa manusia, supaya kase yang bae pa ngana, deng salalu biking ngana pe hati tetap tenang.

Efesus 4:2

Ngoni pe hidup musti bagini: tara basombong, tara kasar pa orang, deng salalu sabar. Biar ada orang yang biking sala pa ngoni, jang capat mara, barang ngoni so baku sayang.

Efesus 3:8

Dari samua yang so jadi Tuhan Allah pe umat, kita ini suda yang paling tarada arti apa-apa. Tapi biar bagitu, Tuhan Allah kase Dia pe bae pa kita untuk kita kase tau Kabar Bae tentang Yesus Kristus pa orang-orang bukang Yahudi. Kita kase tau pa dorang tentang sagala hal yang talebe-lebe, yang Dia so rencana mo kase pa orang yang percaya pa Dia.

Roma 8:2

Barang, Roh Kudus itu suda yang biking torang bole hidup satu hati deng Yesus Kristus. Roh Kudus itu tolong pa torang supaya torang tara iko dosa pe mau lagi yang biking torang mati tapisa deng Tuhan Allah slama-lamanya.

Kisah Para Rasul 2:33

Skarang, Tuhan Allah so angka pa Dia kong kase tampa yang terhormat, pa Tuhan Allah pe sabla kanan. Tuhan Allah so kase Roh Kudus pa Yesus, sama deng Tuhan Allah so janji dari dulu. Kong Roh Kudus itu Dia so kase pa torang skarang, itu yang ngoni so dengar deng lia pa torang di sini.

Yohanes 7:37

Waktu so hari terahir di hari raya Pondok Daong itu, pas di acara puncak, Yesus badiri kong bilang deng suara kuat, “Sapa saja yang aus, mari dia datang pa Kita supaya Kita kase minum.

Yohanes 4:10

Turus Yesus bilang pa dia, “Kalu ibu tau sapa sebenarnya yang minta minum pa ibu, deng pe bagus apa itu yang Tuhan Allah mo kase pa ibu, pasti ibu yang mo bale minta minum pa Kita kong Kita mo kase aer yang bisa biking manusia hidup.”

Roma 2:4

Ngoni so tau Tuhan Allah pe hati itu bae skali, Dia itu sabar deng Dia pe sayang itu tara abis-abis. Tapi jang ngoni pandang enteng kong bilang kata, ngoni so butul jadi tara usa suda ngoni bertobat. Pasti ngoni so tau, Tuhan Allah pe sabar deng pe bae pa ngoni itu ada dia pe maksut, Dia mau supaya ngoni bertobat.

1 Timotius 6:17

Timotius, ngana musti kase inga pa orang-orang kaya di dunia ini, supaya jang dorang basombong deng jang cuma baharap pa dong pe harta saja. Barang, harta di dunia ini, hari ini ada, tapi beso so abis. Dorang yang kaya itu musti baharap pa Tuhan Allah. Tuhan Allah kase pa torang apa yang torang perlu. Dia yang kase samua pa torang sampe talebe-lebe, supaya torang bole rasa samua itu.