Titus 3:5 - Perjanjian Baru Bahasa Melayu Maluku Utara

⁵ Tuhan Allah kase slamat pa torang, bukang karna torang so biking barang yang butul, tapi itu karna Dia sayang pa torang. Deng Roh Kudus pe kuasa, Dia biking torang jadi bersi dari torang pe dosa-dosa, la torang pe hubungan deng Tuhan Allah jadi baru, sama deng torang lahir ulang.

Titus 3:5 Referans Kwoze

2 Timotius 1:9

Tuhan Allah yang so kase slamat pa torang dari dosa-dosa deng Dia pangge pa torang untuk jadi Dia pe umat sandiri la hidup deng hati bersi. Dia biking samua itu bukang karna torang ada biking yang bae, tapi karna Tuhan Allah pe mau deng karna Dia pe hati bae pa manusia. Memang, dari dulu waktu Tuhan Allah bolong biking dunia ini, Dia so sayang pa torang, jadi Tuhan Allah biking rencana Kristus Yesus datang di dunia.

1 Korintus 6:11

Deng ada babarapa dari ngoni yang dulu pe kalakuang tara bae bagitu. Tapi skarang so tarada, karna Tuhan Allah so kase bersi pa ngoni dari dosa. Tuhan Allah so biking ngoni jadi Dia pe umat sandiri deng biking ngoni jadi orang yang tara sala pa Dia pe muka. Tuhan Allah biking samua itu karna Tuhan Yesus Kristus so mati untuk kase slamat pa torang, deng karna Roh dari torang pe Tuhan Allah bakarja di ngoni pe hati.

1 Petrus 3:21

Banjir basar itu, kalu skarang bole kase sama deng baptisan. Baptisan itu pe tujuan bukang untuk kase bersi ngoni pe badan dari yang kotor, tapi untuk minta pa Tuhan Allah supaya kase bersi ngoni pe hati dari dosa. Baptisan itu jadi tanda, Tuhan Allah so kase slamat pa torang karna Yesus Kristus so mati kong hidup ulang.

1 Petrus 1:3

Puji suda pa Tuhan Allah, Dia itu torang pe Tuhan Yesus Kristus pe Bapa. Dia pe rasa kasiang pa torang basar skali, sampe Dia kase pa torang hidup yang baru waktu Dia so kase hidup ulang pa Yesus Kristus. Kong karna itu, torang bole baharap deng percaya sunggu-sunggu pa Dia.

Roma 12:2

Jang ngoni iko dunia ini pe mau. Lebe bae ngoni kase biar la Tuhan Allah ruba ngoni pe pikiran jadi baru supaya ngoni pe kalakuang me beruba. Karna deng ngoni pe pikiran yang baru, ngoni bole tau Tuhan Allah pe mau: yang bagus, yang butul, deng yang biking Dia pe hati sanang.

Efesus 2:4

Tapi Tuhan Allah pe rasa kasiang pa torang itu basar skali. Karna itu, Dia sayang skali pa torang.

Efesus 5:26

Yesus Kristus mati, supaya torang Dia pe jemaat bole jadi Dia pe umat yang bersi dari dosa karna torang so dengar Dia pe firman deng torang so dapa baptis.

Roma 11:6

Dia tara pili pa dorang karna dong pe bae. Barang, kalu Tuhan Allah pili pa dorang cuma karna dong jaga biking barang yang bae, itu berarti, Tuhan Allah tara kase Dia pe bae yang cuma-cuma pa dorang, tapi itu cuma Dia mo balas dorang pe bae.

Ibrani 4:16

Karna itu, jang torang tako lagi, tapi mari suda torang badekat untuk berdoa pa Tuhan Allah, torang pe Raja yang pe hati bae. Torang berdoa pa Dia itu, supaya Dia tolong pa torang sampe torang tarima Dia pe rasa kasiang deng Dia pe bae, pas di waktu yang torang perlu.

Kolose 3:10

Kong skarang ngoni yang so jadi percaya, ngoni pe hidup so beruba jadi baru, kong lebe hari Tuhan Allah lebe tamba ruba turus-turus ngoni pe sifat la jadi sama deng Dia pe sifat. Dia biking bagitu la ngoni bisa lebe tamba kanal pa Dia.

Galatia 2:16

Tapi biar bagitu, torang tau, Tuhan Allah biking orang jadi tara sala pa Dia pe muka bukang karna dorang iko aturan di lima kitab Musa, tapi karna dorang percaya pa Kristus Yesus. Karna itu, torang orang Yahudi, torang me percaya pa Kristus Yesus supaya deng torang pe percaya itu, Tuhan Allah biking torang jadi orang yang tara sala pa Dia pe muka, bukang karna torang ada biking aturan-aturan di lima kitab Musa. Karna di Kitab Suci ada tatulis bagini, “Tara ada orang yang jadi butul pa Tuhan Allah pe muka gara-gara dia ada biking aturan-aturan di lima kitab Musa.”

Roma 3:20

Barang, tarada satu orang yang jadi orang yang butul pa Tuhan Allah pe muka karna dia iko aturan-aturan di lima kitab Musa. Mala dari aturan itu, torang jadi tau, torang berdosa.

1 Petrus 2:10

Dulu, ngoni itu bukang Tuhan Allah pe umat, tapi skarang ngoni so jadi Dia pe umat. Dulu ngoni me bolong tarima Tuhan Allah pe rasa kasiang, tapi skarang ngoni so tarima Dia pe rasa kasiang itu.

Efesus 4:23

Tapi kase biar suda Tuhan Allah ruba ngoni pe hati deng pikiran,

Roma 3:28

Jadi, ini dia pe maksut: Tuhan Allah biking torang manusia jadi orang yang tara sala pa Dia pe muka, bukang karna torang so iko aturan di lima kitab Musa, tapi karna tong so percaya pa Yesus Kristus.

Roma 9:11

Waktu ana dua itu bolong lahir, kong dorang bolong tau biking barang yang bae deng yang jahat, Tuhan Allah so bilang bagini pa Ribka, “Ngana pe ana yang bongso nanti mo jadi tuang pa dia pe kaka.” Tuhan Allah pe maksut supaya torang bole lia, Dia pili bukang iko apa yang dorang dua ada biking, tapi iko Tuhan Allah pe mau.

Lukas 1:78

Torang pe Tuhan Allah rasa kasiang pa torang. Karna itu, Dia datang dari sorga kase slamat pa torang. Dia pe datang itu, akan jadi sama deng matahari pagi kaluar

Lukas 1:54

Dia bantu pa orang-orang bangsa Israel, bangsa yang Dia so pili untuk biking apa yang Dia suru, Dia bantu pa dorang karna Dia inga Dia pe janji untuk kase tunju Dia pe rasa kasiang

Lukas 1:50

Tuhan Allah kase tunju Dia pe rasa kasiang pa orang yang tako pa Dia, dari turunan yang satu sampe turunan yang laeng.

Titus 3:4

Biar torang so jahat bagitu, tapi Tuhan Allah sayang pa torang kong kase tunju Dia pe bae pa torang sampe torang bole dapa slamat dari torang pe dosa-dosa.

Roma 9:30

Karna itu, torang bole bilang bagini: orang-orang yang bukang Yahudi, dorang tara berusaha supaya jadi orang yang butul pa Tuhan Allah pe muka. Tapi, biar bagitu, ada dari dorang yang percaya pa Yesus Kristus sampe Tuhan Allah biking dorang itu jadi orang yang tara sala pa Dia pe muka.

Roma 9:16

Jadi, kalu Tuhan Allah pili orang, Dia tara iko manusia pe mau, atau manusia pe usaha biking barang yang bae, tapi iko Tuhan Allah pe mau supaya Dia bole kase tunju Dia pe rasa sayang pa orang-orang.

Roma 4:5

Tapi torang tara bagitu. Torang jadi orang yang tara sala pa Tuhan Allah pe muka, bukang karna torang pe suar lala, tapi karna torang percaya pa Dia. Dia itu yang biking torang jadi orang yang tara sala pa Dia pe muka, bukang karna torang jaga biking barang yang butul, tapi karna torang pe percaya pa Dia. Dia itu yang bole biking orang yang malawang Dia pe parenta jadi orang yang tara sala pa Dia pe muka.

Lukas 1:72

Tuhan mo biking bagitu, karna Dia tara lupa yang Dia janji pa torang pe orang tua dulu-dulu. Dia inga Dia pe janji yang kudus itu deng cara kase tunju Dia pe sayang pa dorang.

Ibrani 6:6

Kong biar dorang so tau deng rasa samua itu, dorang so kase tinggal dorang pe percaya pa Dia, jadi tara mungkin mo pimpin bale pa dorang untuk bertobat. Barang, deng dorang kase tinggal dong pe percaya itu, dorang sama deng so kase salib ulang pa Anak Allah deng kase malu pa Dia di muka umum.

Matius 3:11

Kita baptis pa ngoni deng aer, tanda ngoni so bertobat kong iko pa Tuhan Allah. Tapi abis kita ini, ada satu Orang yang mo datang, Dia pe kuasa lebe basar dari kita. Kong mo jadi Dia pe suru-suru yang bawa Dia pe sandal saja me, kita tara pantas. Dia itu nanti yang mo baptis pa ngoni pake Roh Kudus deng api.

Roma 11:14

karna kita harap deng kita pe tugas ini, kita bisa biking kita pe sudara orang Yahudi yang satu bangsa deng kita jadi cemburu. Barang kalu dorang lia ada orang dari bangsa laeng dapa slamat, sapa tau deng bagitu, ada dari dorang yang bole percaya la dapa slamat lagi.

Ibrani 10:22

Dia so biking torang pe hubungan deng Tuhan Allah jadi bae-bae ulang, jadi mari suda torang datang pa Tuhan Allah deng hati yang tara ragu deng percaya butul-butul pa Dia. Barang, torang pe hati so jadi bersi dari yang jahat, deng tong pe badan so dapa kase bersi deng aer bersi.