Titus 3:12 - Perjanjian Baru Bahasa Melayu Maluku Utara

¹² Titus, kita mo suru pa Artemas atau Tikhikus pigi ka sana pa ngana. Kalu dia so sampe, ngana berusaha capat-capat datang kamari pa kita di kota Nikopolis, karna kita so ambe keputusan la mo tinggal di kota itu selama musim dingin ini.

Titus 3:12 Referans Kwoze

2 Timotius 4:9

Timotius! Ngana berusaha capat-capat datang pa kita.

Kisah Para Rasul 20:4

Ada babarapa orang yang iko pa Paulus. Dorang itu: Sopater dari kota Berea (dia itu Pirus pe ana), Aristarkhus deng Sekundus dari kota Tesalonika, Gayus dari kota Derbe, Timotius, deng dua orang dari daera Asia Kecil yang pe nama Tikhikus deng Trofimus.

2 Timotius 4:21

Ngana berusaha datang kamari sebelum musim dingin. Ebulus, Pudes, Linus, Klaudia, deng samua orang percaya laeng di sini, kirim salam pa ngana.

2 Timotius 4:12

Kita so suru pa Tikhikus pigi ka sana pa ngana di kota Efesus.

1 Korintus 16:6

Kong di Korintus, kita mo tinggal sadiki lama deng ngoni atau mungkin kita mo tinggal di situ selama musim dingin, supaya abis musim dingin ngoni bole bantu pa kita untuk kase turus kita pe perjalanan di mana kita mo pigi.

Efesus 6:21

Sudara-sudara, kita mau ngoni me tau kita pe keadaan deng apa yang kita biking di sini. Jadi, kita kirim Tikhikus pigi pa ngoni supaya dia kase tau pa ngoni kita pe keadaan ini. Tikhikus itu, torang pe sudara yang sama-sama percaya deng yang torang sayang, kong dia lagi setia layani pa Tuhan.

Kolose 4:7

Sudara-sudara, nanti Tikhikus yang kase tau kita pe kabar pa ngoni. Tikhikus itu torang pe sudara yang percaya, yang torang sayang. Dia setia biking apa yang Yesus Kristus suru, deng dia itu torang pe tamang karja yang sama-sama karja untuk Tuhan.