Titus 3:11 - Perjanjian Baru Bahasa Melayu Maluku Utara

¹¹ Barang, ngana tau, orang yang pe pikiran bagitu memang so tara iko apa yang butul. Dia pe dosa yang kase bukti, dia sala. Itu berarti dia sandiri yang hukum dia pe diri sandiri.

Titus 3:11 Referans Kwoze

Ibrani 10:26

Barang, kalu torang so tarima Kabar Bae tentang Yesus Kristus, turus torang masi sangaja biking dosa lagi, nanti so tarada lagi korban persembahan untuk hapus torang pe dosa itu.

Kisah Para Rasul 15:24

Torang tulis surat ini, barang torang dengar ada babarapa orang dari torang pe jemaat di Yerusalem yang so pigi pa ngoni. Kong dorang kase ajar pa ngoni deng dong pe ajaran sandiri yang biking bingung deng biking ngoni pe hati tara tenang. Padahal torang tara perna suru orang-orang itu pigi pa ngoni.

Yohanes 3:18

Sapa saja yang percaya pa Anak Allah, orang itu tara mo dapa hukum. Tapi sapa saja yang tara percaya pa Anak Allah, Tuhan Allah so kase sadia dia pe hukuman, karna dia tara percaya pa Anak Allah yang cuma satu ini.

Lukas 19:22

Kong raja itu bilang pa dia pe orang karja itu, ‘He, ngana orang karja yang jahat! Kita mo hukum pa ngana sama deng apa yang ngana ada bilang. Ngana tau kita ini orang karas: kita jaga ambe barang yang bukang kita punya, deng jaga pete hasil kobong yang kita tara tanam.

Titus 1:11

Orang-orang yang bagitu, ngana musti larang pa dorang supaya jang dong ajar lagi ajaran yang tara butul itu. Barang, dorang so biking kaco banya keluarga deng dong pe ajaran itu. Padahal dorang itu mangajar cuma karna mau dapa doi.

2 Timotius 2:14

Timotius, kase inga pa orang-orang percaya apa yang kita so bilang pa ngana. Bilang pa dorang sunggu-sunggu pa Tuhan Allah pe muka, dorang tara bole baku malawang tentang kata-kata pe arti, karna tarada guna, deng cuma mo biking kaco pa orang-orang yang dengar.

Roma 3:19

Samua tulisan itu ada di Kitab Suci. Torang so tau, aturan di lima kitab Musa itu Tuhan Allah kase supaya torang orang Yahudi iko. Jadi deng aturan itu, ada kase jelas, tarada satu orang yang bole bilang, dia itu so butul pa Tuhan Allah pe muka. Samua orang di dunia pantas dapa hukum dari Tuhan Allah.

Kisah Para Rasul 13:46

Tapi Paulus deng Barnabas barani skali mangada pa orang-orang itu kong bilang, “Memang Tuhan Allah yang suru la torang kase tau kamuka Tuhan Allah pe firman pa orang-orang Yahudi. Tapi ngoni tara mau percaya, jadi deng bagitu, ngoni so nilai ngoni pe diri tara pantas mo dapa hidup deng Tuhan Allah slama-lamanya. Jadi, skarang torang mo pigi pa orang-orang yang bukang Yahudi supaya mo kase tau Tuhan Allah pe firman itu.

Lukas 7:30

Tapi orang-orang Yahudi dari aliran Farisi deng guru-guru agama, dorang tara kase dong pe diri untuk dapa baptis dari Yohanes, jadi deng bagitu, dorang tara tarima Tuhan Allah pe rencana untuk dong pe hidup.

Kisah Para Rasul 23:25

Abis itu, komandan batalion itu tulis surat la dorang mo kase di gubernur Feliks. Surat itu pe isi bagini,

Titus 1:14

Kong togor pa dorang supaya jang dengar lagi orang Yahudi pe carita-carita dulu-dulu yang tara guna deng aturan-aturan dari orang-orang yang so tara iko ajaran yang butul.