Titus 3:1 - Perjanjian Baru Bahasa Melayu Maluku Utara

¹ Titus, ngana musti kase inga pa orang-orang percaya supaya dorang salalu dengar-dengaran pa pemerinta deng pa sapa saja yang berkuasa. Kong dorang me musti salalu siap biking apa saja yang bae.

Titus 3:1 Referans Kwoze

Matius 22:21

Dorang jawab, “Raja basar Roma pe gambar deng pe nama.” Kong Yesus bilang pa dorang, “Kalu bagitu, kase suda pa raja apa yang ngoni musti kase pa dia, deng kase suda pa Tuhan Allah apa yang ngoni musti kase pa Tuhan Allah!”

Ibrani 13:21

supaya Dia kase pa ngoni samua yang ngoni perlu la ngoni bisa biking Dia pe mau, deng supaya Yesus Kristus bakarja di torang pe hati la biking torang mampo biking Tuhan Allah pe hati sanang. Puji deng hormat suda pa Dia sampe slama-lamanya! Amin.

2 Timotius 2:21

Bagitu lagi deng anggota jemaat. Kalu ada yang berenti biking jahat, Tuhan mo pake orang itu untuk biking Dia pe tugas-tugas yang kusus. Tuhan biking orang itu jadi Dia pe umat sandiri, kong Tuhan sanang pake pa orang yang bagitu, karna orang itu so siap mo biking samua karja yang butul.

2 Timotius 1:6

Tempo hari waktu kita taru tangan untuk kase berdoa pa ngana, Tuhan Allah kase karunia satu pa ngana untuk biking Tuhan Allah pe karja. Jadi kita kase inga pa ngana supaya pake bae-bae karunia itu untuk biking Tuhan Allah pe karja.

1 Timotius 5:10

deng orang-orang musti tau dia itu orang bae-bae. Dia urus dia pe ana-ana bae-bae, suka tarima orang laeng di dia pe ruma, jaga layani pa orang-orang yang percaya pa Tuhan, deng jaga bantu pa orang-orang susa. Jadi dia itu salalu biking bae pa samua orang.

Titus 2:14

Dia yang so serakan Dia pe diri untuk mati la kase bebas pa torang dari torang pe dosa. Dia biking torang pe hati jadi bersi, sampe torang jadi Dia pe umat sandiri yang suka biking barang yang bae.

1 Timotius 4:6

Timotius, ngana musti kase ajar hal-hal itu turus pa orang-orang percaya supaya dorang jang iko ajaran sesat. Kalu ngana kase ajar samua itu, ngana so jadi Kristus Yesus pe pelayan yang bae. Ngana pe percaya me akan jadi kuat karna ngana iko turus ajaran yang butul yang orang ajar pa ngana dari dulu.

1 Timotius 2:2

Torang musti kase berdoa pa raja-raja deng pa pemimpin-pemimpin laeng, supaya torang bole hidup aman deng baku bawa bae-bae. Deng bagitu, torang bole hidup iko Tuhan Allah pe mau deng torang pe kalakuang yang pantas untuk orang yang so percaya pa Tuhan.

1 Korintus 15:58

Jadi sudara-sudara yang kita sayang, ngoni pe percaya musti tetap kuat. Jang kase biar ada yang pengaru pa ngoni sampe ngoni ragu deng ngoni pe percaya itu. Ngoni karja turus untuk Tuhan butul-butul, karna ngoni tau, apa yang ngoni biking untuk Tuhan itu tara akan parcuma.

2 Petrus 1:12

Kong biar ngoni so tau samua itu, deng ngoni so kuat iko Tuhan pe ajaran yang ngoni so dengar, kita tetap mo kase inga turus pa ngoni.

Titus 3:8

Samua yang kita so kase ajar ini butul, kong itu bagus deng ada guna untuk samua orang. Kita mau ngana bilang deng tegas ajaran ini pa samua orang yang percaya pa Tuhan Allah, supaya dorang berusaha butul-butul biking barang yang bae.

Kolose 1:10

Barang, kalu ngoni so tau Tuhan Allah pe mau, ngoni akan hidup deng kalakuang yang pantas dapa sebut orang yang percaya pa Tuhan, kong ngoni akan biking Dia pe hati sanang. Ngoni me akan biking hal-hal yang bae turus-turus, deng ngoni me akan lebe tamba kanal pa Tuhan Allah.

Filipi 1:11

Kita minta lagi supaya Yesus Kristus bakarja di ngoni pe hati la ngoni bole biking barang yang butul pa Tuhan Allah pe muka. Turus orang-orang mo puji deng hormat pa Tuhan Allah karna dorang lia yang ngoni so biking itu.

Efesus 2:10

Barang, Tuhan Allah yang biking torang jadi manusia yang pe hidup so tara sama deng dulu lagi karna torang so satu hati deng Kristus Yesus. Tuhan Allah kase torang hidup deng cara yang baru supaya torang bole biking barang yang bae, yang Dia so rencana dari dulu untuk torang.

Yudas 1:5

Samua yang kita bilang ini ngoni so tau, tapi kita akan kase inga lagi: Tuhan Allah pasti kase hukuman pa orang yang biking jahat. Dulu, Tuhan Allah kase bebas pa orang-orang Israel dari bangsa Mesir yang jaja pa dorang, tapi abis itu, dari dorang ada yang tara percaya lagi pa Tuhan, jadi Dia kase mati pa dorang itu.

Titus 3:14

Torang pe orang-orang yang percaya musti rajin biking yang bae supaya bole tolong orang laeng pe keperluan hari-hari. Deng bagitu, dong pe hidup ada dia pe guna.

2 Timotius 2:14

Timotius, kase inga pa orang-orang percaya apa yang kita so bilang pa ngana. Bilang pa dorang sunggu-sunggu pa Tuhan Allah pe muka, dorang tara bole baku malawang tentang kata-kata pe arti, karna tarada guna, deng cuma mo biking kaco pa orang-orang yang dengar.

Titus 1:16

Dorang bilang kata, dorang kanal pa Tuhan Allah, padahal dong pe kalakuang itu kase tunju dorang itu tara kanal pa Dia. Orang-orang yang jahat bagitu, dorang tara iko Tuhan Allah pe mau, deng tara mampo biking barang yang bae.