Titus 2:5 - Perjanjian Baru Bahasa Melayu Maluku Utara

⁵ dorang hidup iko Tuhan pe ajaran, dorang pe hati bersi pa Tuhan pe muka, dorang mampo ator dong pe ruma tangga bae-bae, dorang pe hati bae, deng dorang dengar-dengaran pa dong pe laki. Kalu dorang pe hidup bagitu, orang tara dapa alasan untuk kase tara bae Tuhan Allah pe firman.

Titus 2:5 Referans Kwoze

Kolose 3:18

Ngoni bini-bini, ngoni musti dengar-dengaran pa ngoni pe laki, karna itu memang pantas untuk parampuang yang so percaya pa Tuhan.

1 Timotius 5:10

deng orang-orang musti tau dia itu orang bae-bae. Dia urus dia pe ana-ana bae-bae, suka tarima orang laeng di dia pe ruma, jaga layani pa orang-orang yang percaya pa Tuhan, deng jaga bantu pa orang-orang susa. Jadi dia itu salalu biking bae pa samua orang.

Efesus 5:33

Jadi bagini: laki musti sayang dia pe bini sama deng dia sayang pa dia pe diri sandiri. Bagitu lagi deng bini, bini musti hormati dia pe laki.

Kisah Para Rasul 9:36

Di kota Yope, ada orang percaya satu yang pe nama Tabita. Dalam bahasa Yunani dia pe nama Dorkas. Tabita itu orang yang percaya pa Yesus. Dia jaga biking hal-hal bae deng jaga tolong pa orang-orang yang susa.

1 Timotius 6:1

Tiap orang karja yang so percaya pa Yesus, dorang itu musti hormati pa dong pe tuang yang so bili pa dorang. Deng bagitu, orang-orang yang tara percaya pa Yesus tara dapa alasan mo kase tara bae Tuhan Allah pe nama deng torang pe ajaran.

1 Korintus 14:34

Sama deng orang-orang yang so jadi Tuhan Allah pe umat di samua jemaat jaga biking: waktu bakumpul baibada deng jemaat, parampuang-parampuang musti dudu tenang. Tara bole bicara deng musti dengar apa yang pemimpin ada bilang. Itu sama deng aturan-aturan yang ada di lima kitab Musa.

1 Korintus 11:3

Tapi ada yang kita masi mo kase inga pa ngoni lagi: yang jadi kapala pa samua laki-laki yang percaya, itu Yesus Kristus. Kong yang jadi kapala pa parampuang yang percaya, itu laki-laki. Baru, yang jadi kapala pa Yesus Kristus, itu Tuhan Allah.

Roma 2:24

Itu sama deng yang so tatulis di Kitab Suci bagini, “Gara-gara ngoni orang-orang Yahudi pe kajahatan sampe orang-orang bukang Yahudi kase tara bae Tuhan Allah pe nama.”

Kisah Para Rasul 9:39

Pe dengar bagitu, Petrus langsung pigi sama-sama deng dorang. Pe sampe di Yope, dorang antar pa Petrus di kamar di lante atas, tampa yang dorang taru Talita pe mayat. Turus janda-janda yang ada di situ badekat pa Petrus, kong deng mamanangis dorang kase tunju pa Petrus baju-baju deng pakeang laeng yang Tabita biking waktu dia masi hidup.

Roma 14:16

Karna itu, biar yang ngoni mo biking itu ngoni rasa butul, tapi kalu ngoni pe sudara yang percaya rasa itu tara bae, lebe bae jang ngoni biking itu, supaya jang ngoni pe nama jadi tara bae.

Titus 2:4

Deng bagitu, dorang bole kase ajar pa parampuang-parampuang yang masi muda supaya sayang dong pe laki deng dong pe ana-ana,