Titus 2:2 - Perjanjian Baru Bahasa Melayu Maluku Utara

² Ngana kase ajar pa laki-laki yang so tua supaya dorang mampo batahang diri, deng dong pe kalakuang musti bae yang biking orang hormati pa dorang. Dorang musti tau bawa diri bae-bae, percaya kuat pa Tuhan, deng sayang pa orang laeng. Biar susa me, dorang musti tetap iko pa Tuhan.

Titus 2:2 Referans Kwoze

Galatia 5:23

tara kasar, deng kuasai diri sandiri. Tara ada aturan yang kase sala orang yang hidup macam bagitu.

1 Petrus 4:7

Hari kiamat so dekat. Karna itu, ngoni musti kuasai ngoni pe diri, deng ngoni pe pikiran musti tenang supaya ngoni bisa berdoa.

1 Timotius 3:11

Bagitu lagi deng dorang pe bini. Dorang pe kalakuang me musti bae yang biking orang hormati pa dorang, deng dorang me tara jaga kase busu orang laeng pe nama. Dorang musti mampo batahang diri, deng orang bisa percaya pa dorang dalam hal apa saja.

1 Petrus 5:8

Ngoni musti kuasai ngoni pe diri deng bajaga-jaga! Barang Iblis, yang jadi ngoni pe musu itu, dia sama deng singa yang bajalang kasana-kamari bacari makanang la mo talang manta-manta.

Titus 1:13

Apa yang nabi so kase tau itu butul. Jadi ngana musti tegas kase inga pa dorang supaya dorang butul-butul iko ajaran yang butul saja.

1 Timotius 3:2

Karna itu, ada sarat-sarat untuk orang-orang yang pimpin jemaat. Dorang itu pe cara hidup musti bagini: hidup butul, dia pe bini cuma satu, dia bisa batahang diri, dia tau ator hal bae-bae, dia sopan, dia suka tarima orang di dia pe ruma, dia pande mangajar,

1 Tesalonika 5:8

Tapi torang ini orang yang hidup di tarang, jadi apa yang torang biking itu musti bae. Torang musti kuasai tong pe diri, deng musti percaya pa Tuhan deng sayang pa orang laeng. Kalu torang biking bagitu, nanti torang pe percaya kuat sama deng tentara yang pake baju besi. Torang lagi musti baharap deng yakin pa Tuhan Allah untuk torang pe keslamatan, sama deng torang ada pake helem di kapala.

Roma 12:3

Tuhan Allah kase Dia pe bae pa kita, sampe Dia so pili pa kita. Karna itu, kita kase nasehat pa ngoni bagini: jang ngoni pikir tinggi-tinggi tentang ngoni pe diri. Tapi lebe bae ngoni pikir yang pas tentang ngoni pe diri, iko ngoni pe percaya yang Tuhan Allah so kase pa ngoni satu-satu.

1 Petrus 1:13

Jadi karna ngoni so tau Kabar Bae itu, ngoni musti siap biking hal-hal yang bae, ngoni musti kuasai ngoni pe diri, deng ngoni musti baharap deng yakin Tuhan akan kase Dia pe bae pa ngoni waktu Yesus Kristus datang ulang.

1 Korintus 15:34

Jadi, ngoni musti sadar butul-butul, kong jang biking dosa lagi. Karna ada dari ngoni yang bolong kanal pa Tuhan Allah. Kita bilang bagitu la ngoni jadi malu kong bertobat.

2 Petrus 1:6

Turus kalu ngoni so tau apa yang Dia suka, ngoni lagi musti kuasai ngoni pe diri. Turus kalu ngoni so kuasai ngoni pe diri, ngoni me musti tetap percaya pa Dia biar dapa siksa. Kong biar lagi ngoni dapa siksa, ngoni me musti hidup iko Tuhan Allah pe mau,

Titus 2:7

Kong Titus, ngana lagi pe kalakuang musti bagus, supaya ngana bole jadi conto pa dorang. Kalu ngana mangajar, musti deng hati yang bersi deng sunggu-sunggu.

Titus 1:8

Tapi dia musti suka tarima orang laeng di dia pe ruma, deng suka hal-hal yang bae. Dia me musti tau bawa diri bae-bae, hidup butul pa Tuhan Allah pe muka, hidup cuma iko Tuhan Allah pe mau, deng mampo batahang diri.

1 Timotius 3:4

Dia me musti tau ator bae-bae dia pe keluarga, deng dia pe ana-ana me musti hormati deng dengar-dengaran pa dia.

1 Timotius 1:5

Kita kase nasehat ini pa ngana, dia pe tujuan supaya orang-orang percaya baku sayang. Torang bisa baku sayang kalu torang pe hati so bersi, torang pe hati tau apa yang butul, deng tong so butul-butul percaya pa Tuhan.

1 Tesalonika 5:6

Jadi torang musti bajaga-jaga deng kuasai torang pe diri. Jang sama deng orang laeng yang cuma tidor turus.

Filipi 4:8

Jadi sudara-sudara, ini kita pe nasehat terahir yang kita mo bilang pa ngoni. Ngoni musti pikir turus-turus samua yang ada guna macam bagini: samua yang butul, samua yang pantas orang hormati, samua yang adil, samua yang tara biking ngoni berdosa, samua yang bae, samua yang bagus yang orang suka mo kase carita, deng samua yang pantas untuk orang puji. Ngoni musti pikir turus samua itu.

2 Korintus 5:13

Barang, ada yang bilang torang sama deng orang yang tara waras waktu kase tau Kabar Bae tentang Yesus Kristus. Tapi tara apa, yang penting torang biking apa yang Tuhan Allah mau la Dia dapa puji. Kong ada lagi yang bilang torang waras waktu kase tau Kabar Bae tentang Yesus Kristus, itu me bae, karna yang torang biking itu untuk ngoni pe bae.

1 Korintus 9:25

Samua orang yang iko lomba, kalu mau dapa hadia, dorang musti latihan bae-bae deng jaga diri bae-bae, biar hadia itu tara akan tahang sampe slama-lamanya. Tapi torang yang percaya pa Tuhan Yesus, torang nanti dapa hadia, kong hadia itu sampe slama-lamanya. Jadi, torang musti tahang diri.

Kisah Para Rasul 24:25

Paulus me bicara tentang bagimana supaya orang mo hidup butul pa Tuhan pe muka, tentang bagimana mo jaga diri la tara biking dosa, deng tentang hari kiamat, waktu Tuhan mo adili pa samua orang. Pe dengar itu, gubernur Feliks jadi tako kong bilang, “So bole dulu, kong pigi suda skarang. Nanti kalu ada waktu, baru kita mo pangge ulang pa ngana.”

Lukas 8:35

Abis itu, orang-orang dari kota deng kampong-kampong di dekat situ datang untuk lia apa yang jadi. Dorang datang pa Yesus kong lia orang yang kemasukan so dudu di dekat Yesus pe kaki, dia so bae kong dia so pake baju. Pe lia itu, dorang jadi tako.

Markus 5:15

Waktu orang-orang itu datang pa Yesus, dorang lia orang yang kemasukan itu ada dudu di situ, dia so bae kong dia so pake baju. Dapa lia dia so bae, dorang jadi tako.

1 Timotius 3:8

Bagitu lagi diaken-diaken yang jaga bantu di jemaat. Dorang pe cara hidup musti bagini: kalakuang bae yang biking orang hormati pa dorang, tara munafik, tara pangmabo, deng tara gila doi.

1 Timotius 1:2

Timotius, torang dua sama-sama percaya jadi kita so anggap ngana itu sama deng kita pe ana sandiri. Kita minta pa Tuhan Allah torang pe Bapa, deng pa Kristus Yesus torang pe Tuhan, supaya kase yang bae pa ngana, sayang pa ngana, deng salalu biking ngana pe hati tetap tenang.

1 Timotius 1:10

yang baseks sabarang, laki-laki yang baseks deng laki-laki, yang jaga pancuri orang kong jual untuk biking dia jadi orang karja, yang pangbafoya, yang jadi saksi yang tara butul, deng yang jaga biking hal-hal yang tara baku cocok deng ajaran yang butul.

1 Timotius 1:14

Mala, torang pe Tuhan kase Dia pe bae pa kita talebe-lebe, sampe kita jadi percaya pa Dia, deng jadi sayang pa orang laeng. Samua itu karna kita so hidup satu hati deng Kristus Yesus.

1 Timotius 5:1

Timotius, kalu ada laki-laki yang lebe tua dari ngana biking sala, jang ngana togor deng karas pa dia. Tapi nasehat pa dia palang-palang, bicara bae-bae sama deng ngana bicara pa ngana pe papa sandiri. Bagitu lagi deng ana laki-laki muda, ngana musti nasehat pa dorang bae-bae sama deng dorang itu ngana pe ade sandiri.

Filemon 1:9

Tapi kita inga ngana pe sayang pa orang-orang percaya. Karna itu, kita tara mo suru-suru pa ngana, tapi kita lebe suka minta pa ngana. Kita ini so tua, deng apalagi skarang kita me ada dapa kase maso dalam penjara karna kita kase tau tentang Kristus Yesus pa orang-orang.