Titus 2:15 - Perjanjian Baru Bahasa Melayu Maluku Utara

¹⁵ Titus, ngana musti kase ajar samua itu pa orang-orang percaya. Ngana kase smangat pa dorang la dorang tamba percaya pa Tuhan, deng togor pa dorang yang sala. Tuhan so kase kuasa pa ngana untuk kase ajar pa dorang, jadi jang ada orang yang pandang enteng pa ngana.

Titus 2:15 Referans Kwoze

2 Timotius 4:2

kase tau Tuhan Allah pe firman pa orang-orang. Ngana musti salalu siap kase tau firman itu di tiap waktu, biar orang mau dengar atau tarada. Kalu dorang biking sala, ngana togor pa dorang la dorang berenti. Turus ngana kase kuat dong pe hati la dong iko ajaran yang butul. Deng sementara ngana biking samua itu, ngana musti kase ajar bae-bae pa dorang deng sabar.

Titus 1:13

Apa yang nabi so kase tau itu butul. Jadi ngana musti tegas kase inga pa dorang supaya dorang butul-butul iko ajaran yang butul saja.

1 Timotius 5:20

Kalu dia butul biking dosa, ngana musti togor pa dia di samua orang percaya pe muka. Deng bagitu, orang percaya laeng jadi tako biking dosa.

Matius 7:29

karna Dia mangajar pa dorang deng kuasa, tara sama deng dorang pe guru-guru agama Yahudi yang ahli lima kitab Musa.

Markus 1:22

Orang-orang di situ yang dengar Dia pe ajaran jadi herang, karna Dia mangajar pa dorang deng kuasa, tara sama deng guru-guru agama Yahudi yang ahli lima kitab Musa.

Lukas 4:36

Pe lia itu, samua orang yang ada di situ jadi herang kong baku bilang bagini, “Bukang maeng Dia pe kata-kata, hebat skali! Dia pake Dia pe kuasa untuk user setang-setang kaluar dari orang kong dong langsung kaluar!”

Markus 1:27

Samua orang yang ada di situ jadi herang, sampe dorang baku bilang, “Ee, coba ngoni perhatikan bae-bae! Ini ajaran baru! Dia bicara deng kuasa, sampe setang-setang me iko Dia pe parenta.”

1 Korintus 16:11

Jadi, jang ada dari ngoni yang pandang enteng pa Timotius! Tapi ngoni tolong pa dia, supaya dia bole kase turus dia pe perjalanan deng slamat, sampe dia bole bale ulang pa kita. Karna kita di sini ada tunggu pa dia sama-sama deng torang pe sudara-sudara laeng yang percaya.

1 Petrus 4:11

Ambe conto bagini, kalu ada orang yang dapa karunia untuk kase tau Tuhan Allah pe firman pa orang-orang, dia musti pake karunia itu supaya orang mangarti Tuhan Allah pe firman. Kalu ada orang yang dapa karunia untuk bantu pa orang, dia pake karunia yang dia pe kekuatan dari Tuhan Allah itu untuk tolong pa orang. Jadi, pake karunia yang ada pa ngoni itu bae-bae la orang bole puji deng hormat pa Tuhan Allah. Tuhan Allah dapa puji karna ngoni itu Yesus Kristus pe umat. Tuhan Allah itu memang hebat deng Dia pe kuasa ada sampe slama-lamanya. Amin.