Biblia Todo Logo
Bib sou entènèt

- Piblisite -




Titus 2:10 - Perjanjian Baru Bahasa Melayu Maluku Utara

10 Dorang tara bole ambe dong pe tuang pe barang, biar cuma sadiki. Dorang musti biking barang yang bae supaya dong pe tuang percaya pa dorang. Kalu dorang jujur bagitu, orang laeng jadi suka deng torang pe ajaran yang dari Tuhan Allah. Tuhan Allah itu yang kase slamat pa torang.

Gade chapit la Kopi




Titus 2:10
29 Referans Kwoze  

Bagitu lagi deng ngoni. Ngoni musti biking hal-hal yang bae supaya orang-orang dapa lia apa yang ngoni biking itu kong puji deng hormat pa Tuhan Allah, ngoni pe Bapa yang ada di sorga.”


Ngoni pe kalakuang musti bagus di orang-orang yang tara kanal pa Tuhan Allah pe muka, supaya kalu dong bicara tara bae tentang ngoni kong bilang kata, ngoni jaga biking barang yang jahat, dorang tau itu tara butul karna dorang akan dapa lia ngoni pe kalakuang-kalakuang yang bagus. Jadi, waktu hari kiamat kong Tuhan Allah datang ulang, dorang akan puji deng hormat pa Tuhan Allah.


Tiap orang yang so tara iko Yesus Kristus pe ajaran, kong iko ajaran laeng, dia itu so tara hidup satu hati deng Tuhan Allah. Tapi orang yang iko Yesus Kristus pe ajaran, dia itu so hidup satu hati deng Tuhan Allah, torang pe Bapa, deng Yesus Kristus, Anak Allah.


Sudara-sudara, karna Tuhan so kase Dia pe bae yang basar itu pa torang, jadi ini nasehat dari kita yang skarang ada di penjara gara-gara kita jaga biking apa yang Tuhan suru. Tuhan so pangge pa ngoni la iko pa Dia, jadi kita bilang pa ngoni supaya ngoni hidup butul sama deng yang pantas untuk orang yang so iko pa Dia.


deng hati yang bersi. Deng bagitu, orang-orang yang jaga bicara tara bae tentang ngoni karna ngoni percaya pa Yesus Kristus, dorang akan malu sandiri karna yang dong bilang itu tara butul.


Kong pas di waktu yang Tuhan Allah so tentukan, Dia kase tau Kabar Bae itu la orang tau cara mo dapa hidup deng Dia slama-lamanya. Kabar Bae ini yang Tuhan Allah so kase percaya pa kita la kita kase tau pa orang-orang. Tuhan Allah itu yang kase slamat pa torang.


Ajaran ini dari Yesus Kristus torang pe Tuhan. Kalu iko ajaran itu, torang hidup iko Tuhan Allah pe mau. Tapi ada orang yang tara percaya torang pe ajaran itu, kong bawa ajaran yang sesat. Sapa yang kase ajar ajaran yang sesat,


Tiap orang karja yang so percaya pa Yesus, dorang itu musti hormati pa dong pe tuang yang so bili pa dorang. Deng bagitu, orang-orang yang tara percaya pa Yesus tara dapa alasan mo kase tara bae Tuhan Allah pe nama deng torang pe ajaran.


Kong untuk torang yang jadi Tuhan Allah pe orang-orang karja itu, torang musti setia biking apa yang Tuhan Allah suru, la torang ini bisa dapa percaya.


Orang yang dapa percaya untuk hal-hal kacil, dia akan dapa percaya untuk hal-hal basar. Turus, orang yang tara dapa percaya untuk hal-hal kacil, dia me tara dapa percaya untuk hal-hal yang basar.


Yesus bilang lagi, “Kalu ada orang karja yang pande deng setia, dia pe tuang angka pa dia jadi kapala untuk kase makang pa dia pe orang-orang karja yang laeng pas di dia pe waktu.


Penatua-penatua jemaat yang biking dong pe tugas deng butul, dorang itu pantas dapa hormati deng kase honor dua kali lipa, lebe-lebe lagi deng dorang yang rajin kase tau Kabar Bae dari Tuhan Allah deng mangajar di jemaat.


Timotius, salam dari kita Paulus, Kristus Yesus pe utusan yang orang sebut rasul. Kita jadi rasul, itu karna iko Tuhan Allah deng Kristus Yesus pe parenta. Tuhan Allah itu yang kase slamat pa torang, deng Kristus Yesus itu yang jadi torang pe harapan.


Jadi sudara-sudara, ini kita pe nasehat terahir yang kita mo bilang pa ngoni. Ngoni musti pikir turus-turus samua yang ada guna macam bagini: samua yang butul, samua yang pantas orang hormati, samua yang adil, samua yang tara biking ngoni berdosa, samua yang bae, samua yang bagus yang orang suka mo kase carita, deng samua yang pantas untuk orang puji. Ngoni musti pikir turus samua itu.


Jadi yang penting skarang, ngoni musti hidup deng cara yang pantas untuk orang-orang yang so percaya Kabar Bae tentang Yesus Kristus, supaya nanti kalu kita pigi lia pa ngoni, atau kalu kita bolong sempat pigi pa ngoni, kita bole dengar, ngoni samua tetap kuat percaya deng satu hati, deng ngoni me sama-sama bakarja karas kase tau Kabar Bae itu pa orang-orang supaya dorang lagi bole jadi percaya.


Sebenarnya Yudas bilang bagitu bukang karna dia peduli pa orang-orang miskin, tapi karna dia papancuri, dia jaga ambe dari dorang pe doi kas yang dia pegang.


Kita pe hati sanang skali, karna Tuhan Allah yang kase slamat pa Kita.


Zakharia pe ana itu lebe hari lebe tamba basar, turus Tuhan biking dia pe hati lebe tamba kuat. Bagitu dia so basar, dia tinggal di padang gurun, tampa yang sunyi deng jao dari kampong, sampe dia mo biking pelayanan pa orang Israel, baru dia kase tinggal tampa itu.


Biar torang so jahat bagitu, tapi Tuhan Allah sayang pa torang kong kase tunju Dia pe bae pa torang sampe torang bole dapa slamat dari torang pe dosa-dosa.


Swiv nou:

Piblisite


Piblisite