Titus 1:9 - Perjanjian Baru Bahasa Melayu Maluku Utara

⁹ Dia musti pegang butul-butul Tuhan pe ajaran yang dia so dapa, supaya dia mampo kase nasehat pa orang laeng iko ajaran itu, deng dia me bisa kase mangarti pa orang-orang yang suka lawan ajaran yang butul supaya dorang jadi yakin deng ajaran itu.

Titus 1:9 Referans Kwoze

2 Tesalonika 2:15

Jadi sudara-sudara, ngoni musti tetap iko turus pa Tuhan! Pegang bae-bae samua ajaran yang torang so ajar pa ngoni, bae itu yang torang bilang langsung deng yang torang bilang deng surat.

2 Timotius 1:13

Jadi Timotius, iko saja ajaran yang ngana so dengar dari kita. Ajaran itu butul deng bisa jadi conto la ngana kase ajar pa orang laeng. Ngana musti percaya turus pa Yesus deng sayang pa samua orang, itu yang jadi bukti ngana jadi satu deng Kristus Yesus.

1 Timotius 6:3

Ajaran ini dari Yesus Kristus torang pe Tuhan. Kalu iko ajaran itu, torang hidup iko Tuhan Allah pe mau. Tapi ada orang yang tara percaya torang pe ajaran itu, kong bawa ajaran yang sesat. Sapa yang kase ajar ajaran yang sesat,

1 Timotius 1:10

yang baseks sabarang, laki-laki yang baseks deng laki-laki, yang jaga pancuri orang kong jual untuk biking dia jadi orang karja, yang pangbafoya, yang jadi saksi yang tara butul, deng yang jaga biking hal-hal yang tara baku cocok deng ajaran yang butul.

Wahyu 3:3

Karna itu, ngoni inga suda turus ajaran yang ngoni so dengar deng tarima itu waktu ngoni baru percaya pa Kita. Ngoni musti iko ajaran itu deng bertobat suda. Kalu ngoni tara bertobat, Kita mo datang hukum pa ngoni. Kita mo datang kage-kage sama deng papancuri, deng ngoni tara tau tempo apa Kita datang.

1 Timotius 1:15

Kata-kata yang kita mo bilang ini, butul skali. Ngana musti tarima deng percaya deng hati yang sunggu-sunggu bagini, “Kristus Yesus datang di dunia untuk kase slamat orang berdosa.” Kong dari samua orang yang perna biking dosa, kita ini suda yang paling banya biking dosa.

Titus 2:1

Tapi Titus, ngana kase ajar suda pa orang-orang la dorang iko ajaran yang butul.

Titus 1:11

Orang-orang yang bagitu, ngana musti larang pa dorang supaya jang dong ajar lagi ajaran yang tara butul itu. Barang, dorang so biking kaco banya keluarga deng dong pe ajaran itu. Padahal dorang itu mangajar cuma karna mau dapa doi.

2 Timotius 4:3

Ngana musti rajin biking itu karna akan ada dia pe waktu, orang-orang tara mau dengar lagi ajaran yang butul. Mala dorang cuma mo pangge guru-guru agama yang dorang suka. Guru-guru itu mo bilang pa dorang hal-hal yang dorang suka dengar saja supaya cuma iko dorang pe mau.

1 Tesalonika 5:21

Cuma, ngoni musti cari tau bae-bae pasáng itu la tau kalu itu butul-butul dari Tuhan ka tarada. Kalu memang itu butul dari Tuhan, ngoni musti iko itu sunggu-sunggu.

Wahyu 3:11

So tara lama lagi Kita mo datang. Jadi jaga turus ngoni pe percaya pa Tuhan Allah supaya hadia makota yang Dia mo kase pa ngoni itu tarada orang yang mo rampas.

Wahyu 2:25

Tapi ajaran yang ngoni so percaya itu, pegang deng iko turus sampe Kita datang ulang.

Yudas 1:3

Sudara-sudara yang kita sayang, sementara kita tulis surat pa ngoni tentang slamat yang torang so tarima, kita rasa ada yang musti kita tulis kamuka, supaya ngoni berusaha butul-butul untuk tetap batahang deng ngoni pe percaya. Kong ngoni pe percaya itu musti iko Tuhan Allah pe ajaran yang Dia so kase satu kali untuk slama-lamanya pa torang yang so jadi Dia pe umat.

2 Timotius 2:25

Kalu ada orang yang malawang torang pe ajaran itu, torang musti ajar pa dia bae-bae deng hati yang tara sombong. Torang biking bagitu karna sapa tau, Tuhan Allah kase kesempatan pa dorang untuk bertobat la Tuhan mo ruba dorang pe cara bapikir, sampe dorang bole tau ajaran yang butul.

2 Timotius 2:2

Ngana so dengar samua ajaran yang kita ajar pa orang banya. Ngana musti kase ajar ajaran itu pa orang laeng yang ngana bisa percaya deng yang pande mangajar. Deng bagitu dorang jadi tau kong ajar lagi ajaran itu pa orang laeng.

1 Timotius 4:9

Kata-kata itu butul deng pantas torang percaya.

1 Timotius 1:19

Barang, ada babarapa orang yang so tara iko lagi yang butul yang dorang tau itu, sampe dorang so tara percaya lagi pa Tuhan.

Kisah Para Rasul 18:28

Barang, di orang banya pe muka, Apolos barani baku ambe pendapat deng orang-orang Yahudi yang tara percaya pa Yesus. Dia kase tunju bukti dari Kitab Suci, Yesus itu Mesias suda, Raja yang Tuhan Allah janji mo kase slamat pa manusia.

1 Korintus 14:24

Tapi kalu di situ ngoni samua kase turus pasáng yang Tuhan Allah kase tau pa ngoni, kong waktu itu orang yang tara percaya atau orang dari luar jemaat maso, turus dong dengar apa yang ngoni bilang, dong akan sadar dong so biking dosa, deng dong lagi sadar dong pantas mo dapa hukum.

2 Timotius 3:14

Tapi Timotius, ngana musti pegang turus ajaran yang butul yang ngana so tarima deng percaya butul, karna ngana kanal orang-orang yang kase ajar pa ngana, deng ngana percaya pa dorang.