Titus 1:8 - Perjanjian Baru Bahasa Melayu Maluku Utara

⁸ Tapi dia musti suka tarima orang laeng di dia pe ruma, deng suka hal-hal yang bae. Dia me musti tau bawa diri bae-bae, hidup butul pa Tuhan Allah pe muka, hidup cuma iko Tuhan Allah pe mau, deng mampo batahang diri.

Titus 1:8 Referans Kwoze

1 Timotius 3:2

Karna itu, ada sarat-sarat untuk orang-orang yang pimpin jemaat. Dorang itu pe cara hidup musti bagini: hidup butul, dia pe bini cuma satu, dia bisa batahang diri, dia tau ator hal bae-bae, dia sopan, dia suka tarima orang di dia pe ruma, dia pande mangajar,

Titus 2:7

Kong Titus, ngana lagi pe kalakuang musti bagus, supaya ngana bole jadi conto pa dorang. Kalu ngana mangajar, musti deng hati yang bersi deng sunggu-sunggu.

1 Yohanes 5:1

Tiap orang yang percaya Yesus itu Kristus, Raja yang Tuhan Allah pili, orang itu Tuhan Allah pe ana. Deng sapa saja yang sayang pa Tuhan Allah, orang itu pasti sayang pa Tuhan Allah pe ana-ana.

1 Yohanes 3:14

Kalu torang sayang torang pe sudara yang percaya, torang tau torang so tara hidup tapisa dari Tuhan Allah lagi, torang so hidup deng Tuhan Allah slama-lamanya. Tapi sapa yang tara sayang dia pe sudara yang percaya, dia pe hidup tetap tapisa deng Tuhan Allah slama-lamanya, macam deng orang yang so mati.

1 Timotius 6:11

Tapi Timotius, ngana itu so jadi Tuhan Allah pe umat. Jadi jang ngana badekat deng hal-hal yang tara bae. Ngana musti berusaha hidup butul pa Tuhan Allah pe muka, iko Tuhan Allah pe mau, tamba percaya pa Yesus, tamba sayang pa orang laeng, tetap tahang hadapi macam-macam susa, deng tara kasar pa orang laeng.

1 Timotius 4:12

Jang kase biar orang pandang enteng pa ngana gara-gara ngana masi muda. Tapi lebe bae, ngana jadi conto pa orang percaya pake ngana pe bicara, ngana pe kalakuang, ngana pe sayang pa orang laeng, ngana pe percaya pa Tuhan, deng lagi ngana pe cara hidup yang bersi pa Tuhan Allah pe muka.

1 Tesalonika 2:10

Waktu torang ada sama-sama deng ngoni, torang hidup iko Tuhan Allah pe mau, biking barang yang butul, deng tara biking sala apa-apa pa ngoni orang-orang yang percaya. Ngoni so lia deng mata kapala sandiri, bagitu me deng Tuhan Allah so lia.

2 Timotius 3:3

Dorang tara sayang pa orang laeng, tara mau baku bawa bae deng orang, suka kase tara bae orang pe nama, deng tara mampo tahang diri. Dorang pe pikiran jahat skali, deng binci hal-hal yang butul.

2 Timotius 2:22

Orang muda banya yang dong pe keinginan tara bae, jadi jaga ngana pe diri bae-bae la jang iko sama deng dorang. Tapi ngana musti berusaha hidup butul pa Tuhan Allah pe muka, percaya pa Yesus, sayang pa orang laeng, deng hidup baku bawa bae-bae deng orang yang percaya pa Tuhan deng hati yang bersi.

Lukas 2:25

Waktu itu di Yerusalem, ada satu orang dia pe nama Simeon. Dia itu hidup butul pa Tuhan Allah pe muka deng dia dengar-dengaran pa Tuhan Allah. Deng dia ada tunggu waktu yang nanti Tuhan Allah mo kase slamat pa bangsa Israel. Kong Roh Kudus salalu sama-sama deng dia.

Kisah Para Rasul 24:25

Paulus me bicara tentang bagimana supaya orang mo hidup butul pa Tuhan pe muka, tentang bagimana mo jaga diri la tara biking dosa, deng tentang hari kiamat, waktu Tuhan mo adili pa samua orang. Pe dengar itu, gubernur Feliks jadi tako kong bilang, “So bole dulu, kong pigi suda skarang. Nanti kalu ada waktu, baru kita mo pangge ulang pa ngana.”