Titus 1:5 - Perjanjian Baru Bahasa Melayu Maluku Utara

⁵ Titus, kita kase tinggal pa ngana di pulo Kreta itu, supaya ngana bole ator babarapa hal yang bolong selesai di jemaat, deng ngana pigi di kota-kota la lantik penatua-penatua jemaat, sama deng yang kita so suru pa ngana.

Titus 1:5 Referans Kwoze

Kisah Para Rasul 14:23

Pe abis bilang bagitu, Paulus deng Barnabas tunju penatua-penatua untuk tiap-tiap jemaat. Dorang bapuasa deng berdoa, kong serakan penatua-penatua itu pa Tuhan yang dong percaya itu supaya Dia pake pa dorang.

1 Timotius 1:3

Waktu kita so kase tinggal pa ngana di kota Efesus kong pigi di Makedonia, kita minta ngana tinggal di situ dulu karna di Efesus ada orang-orang yang kase ajar ajaran sesat, jadi ngana musti kase nasehat pa dorang la dong berenti kase ajar ajaran itu.

1 Korintus 14:40

Tapi waktu ngoni baibada, ngoni musti biking itu bae-bae, supaya jang kaco.

2 Timotius 2:2

Ngana so dengar samua ajaran yang kita ajar pa orang banya. Ngana musti kase ajar ajaran itu pa orang laeng yang ngana bisa percaya deng yang pande mangajar. Deng bagitu dorang jadi tau kong ajar lagi ajaran itu pa orang laeng.

1 Korintus 11:34

Kalu ada yang lapar, lebe bae dia baalas dulu dari ruma. Deng bagitu, waktu ngoni bakumpul iko perjamuan, ngoni tara dapa hukuman dari Tuhan. Kong tentang hal-hal yang laeng lagi, nanti kita datang baru kita bilang.

Kisah Para Rasul 27:21

So barapa hari itu, samua orang di atas kapal tara makang apa-apa. Karna itu, Paulus pigi ka sana pa orang kapal kong bilang, “Sudara-sudara, kalu tuhari ngoni dengar pa kita supaya torang tara balayar dari pulo Kreta, bagini torang tara dapa susa deng tara rugi macam deng skarang ini.

Kisah Para Rasul 27:12

Memang, di pelabuhan itu kalu musim omba deng dingin, kapal tara bisa balabu. Jadi, banya dari torang yang di kapal setuju, torang balayar turus sampe di kota Feniks di pulo Kreta la balabu di sana selama musim omba deng dingin itu. Kota Feniks itu kota pelabuhan yang tapele dari angin, barang mangada di barat daya deng barat laut.

Kisah Para Rasul 27:7

So barapa hari torang balayar tapi kapal itu bajalang palang skali karna angin kancang dari muka. Torang balayar pe stenga mati, tapi cuma sampe di kota Knidus pe muka. Angin itu masi batiop kuat skali, jadi terpaksa torang bapotong iko tanjung Salmone di Pulo Kreta supaya tapele deng angin.

Kisah Para Rasul 11:30

Abis kumpul doi itu, dorang tunju pa Barnabas deng Saulus bawa doi itu la kase pa penatua-penatua di daera Yudea.

Kolose 2:5

Barang, biar lagi kita tara sama-sama deng ngoni di sana, tapi kita tetap inga pa ngoni, jadi anggap saja kita ada sama-sama deng ngoni. Kita sanang lagi, dapa dengar ngoni so satu hati kong ngoni pe percaya tetap kuat pa Yesus Kristus.

Kisah Para Rasul 2:11

dari torang bangsa Yahudi deng yang bukang bangsa Yahudi tapi yang so maso agama Yahudi. Ada lagi orang Kreta deng orang Arab. Tapi torang samua dengar dorang bicara pake tong pe bahasa masing-masing, dong kase tau hal-hal luar biasa yang Tuhan Allah so biking.”

Kisah Para Rasul 27:13

Waktu itu, angin selatan batiop palang-palang. Karna itu, orang kapal kira dong so bole balayar sampe di kota Feniks. Jadi dorang kase nae jangkar kong balayar palang-palang iko pinggir pante di pulo Kreta.

1 Korintus 4:17

Itu suda yang biking sampe kita utus Timotius pa ngoni, la dia kase inga ulang pa ngoni, bagimana kita pe cara hidup yang iko pa Kristus Yesus. Cara hidup itu yang kita so kase ajar pa samua jemaat di samua tampa yang kita pigi. Timotius itu kita so anggap kita pe ana. Dia kita sayang, deng dia lagi setia pa Tuhan.

Titus 1:12

Memang dorang pe orang sandiri yang jadi nabi perna bilang bagini, “Orang-orang dari pulo Kreta pangbafoya, deng dorang pe sifat sama deng binatang yang jahat yang golojo deng pamalas.”