Titus 1:3 - Perjanjian Baru Bahasa Melayu Maluku Utara

³ Kong pas di waktu yang Tuhan Allah so tentukan, Dia kase tau Kabar Bae itu la orang tau cara mo dapa hidup deng Dia slama-lamanya. Kabar Bae ini yang Tuhan Allah so kase percaya pa kita la kita kase tau pa orang-orang. Tuhan Allah itu yang kase slamat pa torang.

Titus 1:3 Referans Kwoze

1 Timotius 1:11

Ajaran yang butul itu, Kabar Bae dari Tuhan Allah. Tuhan Allah itu hebat kong pantas orang puji. Dia yang kase percaya pa kita la kase tau pa orang-orang Kabar Bae itu.

1 Timotius 1:1

Timotius, salam dari kita Paulus, Kristus Yesus pe utusan yang orang sebut rasul. Kita jadi rasul, itu karna iko Tuhan Allah deng Kristus Yesus pe parenta. Tuhan Allah itu yang kase slamat pa torang, deng Kristus Yesus itu yang jadi torang pe harapan.

Titus 2:10

Dorang tara bole ambe dong pe tuang pe barang, biar cuma sadiki. Dorang musti biking barang yang bae supaya dong pe tuang percaya pa dorang. Kalu dorang jujur bagitu, orang laeng jadi suka deng torang pe ajaran yang dari Tuhan Allah. Tuhan Allah itu yang kase slamat pa torang.

Titus 2:13

Sementara torang biking samua itu, torang batunggu hari yang nanti biking torang paling sanang waktu Tuhan Yesus Kristus datang lagi deng Dia pe kuasa yang luar biasa. Dia itu suda torang pe Tuhan Allah Yang Paling Berkuasa, deng yang kase slamat pa torang. Torang pe harapan cuma pa Dia.

1 Timotius 4:10

Karna itu, torang berusaha karas layani pa Tuhan Allah. Torang biking bagitu karna torang baharap deng yakin pa Tuhan Allah yang hidup. Dia itu yang kase slamat pa samua orang, lebe kusus untuk orang yang percaya pa Dia.

1 Timotius 2:3

Kalu torang berdoa untuk samua orang, itu yang bagus, deng yang biking Tuhan Allah sanang. Dia itu yang kase slamat pa torang,

1 Tesalonika 2:4

Mala, torang kase tau pa ngoni Kabar Bae itu karna Tuhan Allah lia torang pantas kase tau itu, jadi Dia kase percaya itu pa torang. Biar ada orang yang tara sanang deng Kabar Bae itu, torang tetap kase tau saja, karna yang penting Tuhan Allah yang rasa sanang! Barang, Dia yang uji torang pe hati.

Kolose 1:23

Yang penting, ngoni tetap percaya pa Yesus Kristus deng jang ragu. Percaya turus Kabar Bae tentang Yesus Kristus yang ngoni so dengar itu. Kabar Bae itu suda yang biking torang yakin, torang mo dapa apa yang Tuhan Allah so janji pa Dia pe umat. Kabar Bae itu so tasiar di seluru dunia, kong kita ini, Paulus yang Tuhan Allah so pili untuk kase tau Kabar Bae itu.

Kolose 1:6

Kong Kabar Bae yang datang pa ngoni itu so tasiar di seluru dunia, sampe banya orang so percaya pa Tuhan kong dong pe hidup beruba. Bagitu lagi yang jadi pa ngoni waktu ngoni mulai dengar Kabar Bae itu kong mangarti butul Tuhan Allah pe bae pa manusia.

Efesus 2:17

Itu yang biking sampe Yesus Kristus datang di dunia ini. Dia datang kase tau Kabar Bae yang biking orang bole baku bae deng Tuhan Allah. Dia kase tau itu pa orang-orang bukang Yahudi yang dulu jao dari Tuhan Allah deng pa orang-orang Yahudi yang dulu dekat deng Tuhan Allah.

Galatia 4:4

Tapi, bagitu waktu yang Tuhan Allah tentukan so sampe, Tuhan Allah utus Dia pe Anak datang di dunia. Anak itu yang lahir dari parampuang satu, kong Anak itu, hidup iko agama Yahudi pe aturan-aturan yang ada di lima kitab Musa.

1 Korintus 9:17

Barang, kalu kita kase tau Kabar Bae itu karna kita pe mau sandiri, kita me harap dapa balasan dari kita pe suar lala itu. Tapi yang kita biking itu bukang kita pe mau sandiri. Kita kase tau Kabar Bae itu, barang Tuhan Allah yang kase percaya pa kita untuk kita biking itu.

Filipi 1:13

sampe tentara-tentara yang bajaga di raja basar Roma pe istana deng samua orang laeng di kota Roma ini me so jadi tau, kita dapa kase maso di penjara ini karna kita biking apa yang Yesus Kristus suru.

Roma 16:26

tapi skarang baru Tuhan Allah kase tau pa torang manusia. Kabar Bae itu, Tuhan Allah so janji pa nabi-nabi dulu kong Dia suru dorang tulis itu supaya samua orang yang dari samua suku bangsa tau, kong dorang bole jadi percaya deng iko pa Yesus. Tuhan Allah itu salalu ada sampe slama-lamanya.

Roma 15:19

Deng Tuhan Allah pe Roh pe kuasa, kita biking mujizat-mujizat deng tanda-tanda yang biking orang herang. Kita so kase tau Kabar Bae tentang Yesus Kristus pa orang-orang di samua kota yang kita pigi, mulai dari kota Yerusalem sampe di daera Ilirikum.

Roma 5:6

Tuhan Allah pe sayang pa torang itu bagini: waktu torang tara bisa biking apa-apa la bebas dari dosa-dosa, Yesus Kristus mati untuk torang yang hidup tara iko Tuhan Allah pe mau. Yesus Kristus mati, pas di waktu yang Tuhan Allah so tentukan.

Kisah Para Rasul 17:26

Tuhan Allah biking kamuka satu orang. Dari orang itu pe turunan, Dia kase jadi samua suku bangsa la dorang tinggal di bumi. Dia so ator torang samua pe waktu di dunia, deng Dia me so kase bagi-bagi tampa di dunia untuk torang tinggal.

Kisah Para Rasul 10:36

Ngoni pasti so tau Kabar Bae yang Tuhan Allah bilang pa orang-orang Israel: Yesus Kristus itu Raja yang mo kase slamat pa manusia, Dia yang bole biking manusia pe hubungan deng Tuhan Allah jadi bae. Yesus Kristus itu yang jadi Tuhan untuk samua orang.

Lukas 1:47

Kita pe hati sanang skali, karna Tuhan Allah yang kase slamat pa Kita.

Markus 16:15

Abis itu Yesus bilang pa dorang, “Pigi suda di seluru dunia ini, la kase tau Kabar Bae dari Tuhan Allah pa samua orang.

Markus 13:10

Barang, samua suku bangsa musti dengar dulu Kabar Bae itu, baru kiamat.

Wahyu 14:16

Jadi Dia yang dudu di atas awan itu, angka Dia pe parang sabit di bumi untuk bapanen, kong ambe dia pe hasil-hasil.

Efesus 1:10

Dia pe rencana itu bagini: kalu so sampe dia pe waktu yang Tuhan Allah so tentukan, Dia mo biking samua yang ada di sorga deng di bumi jadi satu, kong Yesus Kristus yang berkuasa pa samua itu.

Markus 1:15

Dia bilang bagini, “Dia pe waktu yang Tuhan Allah tentukan so sampe. Tuhan Allah so mo Berkuasa sebagai Raja pa orang-orang yang percaya pa Dia. Jadi, bertobat suda deng percaya Kabar Bae itu.”

Roma 16:25

Mari suda puji pa Tuhan Allah! Dia itu yang ada kuasa untuk biking ngoni pe percaya lebe tamba kuat, karna ngoni so dengar Kabar Bae tentang Yesus Kristus yang kita jaga kase tau pa orang-orang. Kabar Bae itu so lama skali, so deng ratus-ratus taong orang bolong tau,

2 Timotius 4:17

Biar dorang kase tinggal pa kita, Tuhan Allah tetap sama-sama deng kita. Dia kase kuat pa kita supaya kita bole kase tau samua Kabar Bae tentang Yesus Kristus, deng supaya samua orang yang bukang Yahudi dengar. Dia kase slamat pa kita dari bahaya kematian, sama deng kita bebas dari singa pe mulu.