Roma 8:21 - Perjanjian Baru Bahasa Melayu Maluku Utara

²¹ Dunia deng samua dia pe isi yang Tuhan Allah so kutuk, ada yang mo jadi busu, ada yang mo jadi rusak, deng ada yang mo mati. Tapi nanti Tuhan Allah mo kase bebas samua dari kutuk itu supaya tara mo jadi bagitu lagi. Sampe nanti dunia deng samua dia pe isi mo dapa rasa sanang yang luar biasa sama-sama deng Tuhan Allah pe ana-ana.

Roma 8:21 Referans Kwoze

Kisah Para Rasul 3:21

Tapi skarang, Yesus Kristus musti tetap tinggal di sorga, sampe dia pe waktu Tuhan Allah biking samua jadi baru. Samua itu Tuhan Allah so janji pa torang dari dulu pake Dia pe nabi-nabi yang kudus.

Wahyu 21:1

Abis itu, kita lia langit deng bumi yang baru, karna langit deng bumi yang pertama so tarada. Bagitu lagi deng laut.

2 Petrus 3:13

Tapi untuk torang orang percaya, Tuhan Allah so janji Dia akan biking langit deng bumi yang baru, kong torang ada tunggu itu. Di situ nanti mo jadi tampa tinggal untuk orang-orang yang cuma biking barang yang butul pa Tuhan Allah pe muka.

Roma 8:19

Karna itu, samua yang Tuhan Allah so cipta di dunia ini, ada tunggu-tunggu waktu Tuhan Allah mo kase tunju sapa Dia pe ana-ana.

Roma 8:30

Kong dorang yang Tuhan Allah so pili dari dulu itu, Dia pangge pa dorang jadi Dia pe umat. Dorang itu, Tuhan Allah biking jadi orang yang tara sala pa Dia pe muka. Kong nanti dorang itu mo dapa puji deng hormat sama-sama deng Dia.

1 Korintus 15:42

Bagitu lagi yang mo jadi pa orang mati pe badan waktu mo hidup ulang. Waktu orang mati pe badan dapa kubur, badan itu mo ancor. Tapi waktu dia hidup ulang, badan itu tara akan mati lagi.

Ibrani 12:27

Waktu Tuhan Allah bilang, “Satu kali lagi”, itu pe arti, samua yang Tuhan Allah biking di dunia ini mo dapa goyang deng ancor. Kong yang akan tatinggal itu cuma apa yang tara dapa goyang deng ancor.