Roma 8:16 - Perjanjian Baru Bahasa Melayu Maluku Utara

¹⁶ Torang tau, tong ini Tuhan Allah pe ana-ana karna Dia pe Roh yang biking torang yakin pa tong pe hati.

Roma 8:16 Referans Kwoze

1 Yohanes 4:13

Tuhan Allah so kase Dia pe Roh pa torang supaya torang bole tau, Tuhan Allah tetap ada di torang pe hati, kong torang tetap jadi satu hati deng Dia.

2 Korintus 1:22

Dia me kase Roh Kudus tinggal dalam tong samua pe hati, la tong yakin samua yang Tuhan janji, pasti Dia kase. Dia kase Roh Kudus itu jadi tanda pa torang, torang itu Dia punya.

2 Korintus 5:5

Tuhan Allah sandiri yang so kase siap tong pe badan yang baru itu untuk hidup di sorga. Kong Dia lagi yang so kase Roh Kudus pa torang di dunia ini, supaya jadi tanda, pasti torang mo dapa badan yang baru itu.

Efesus 1:13

Kong ngoni orang-orang yang bukang Yahudi, skarang ngoni me so dengar ajaran yang butul kong so jadi percaya pa Yesus Kristus. Ajaran yang butul itu, Kabar Bae tentang Yesus Kristus yang so kase slamat pa ngoni dari dosa-dosa. Kong waktu ngoni percaya pa Yesus Kristus, Tuhan Allah kase Roh Kudus pa ngoni supaya jadi tanda ngoni itu so jadi Tuhan Allah punya. Roh Kudus itu suda yang Tuhan Allah so janji dari dulu.

Roma 8:26

Bagitu lagi Tuhan Allah pe Roh mo tolong pa torang kase kuat torang pe hati waktu torang rasa tong pe percaya tara kuat. Jadi waktu torang berdoa, torang tara tau apa yang Tuhan Allah mau supaya torang mo bilang, tapi Tuhan Allah pe Roh yang tolong pa torang untuk kase turus pa Tuhan Allah apa yang torang mo bilang pa Tuhan Allah deng cara yang torang sandiri tara mampo bilang deng kata-kata.

Efesus 4:30

Jang sampe deng ngoni pe bicara yang tara bae itu, ngoni biking Tuhan Allah pe Roh Kudus jadi sedi. Inga, Tuhan Allah pe Roh Kudus yang ada pa torang itu jadi tanda, torang ini Tuhan Allah punya, sampe di waktu Dia datang ulang untuk kase slamat pa torang.

2 Korintus 1:12

Sudara-sudara, yang biking torang pe hati sanang, itu karna tong pe dalam hati sandiri yang kase tau ini butul: torang pe kalakuang pa samua orang di dunia itu bae deng lebe-lebe lagi tong pe hubungan deng ngoni me bae. Torang pe hidup jujur, deng tong pe tujuan butul iko Tuhan Allah pe mau. Kong samua yang tong biking itu bukang karna tong iko manusia pe pande, tapi karna Tuhan Allah pe bae sampe tong mampo biking samua itu.

Roma 8:23

Kong bukang cuma dunia deng dia pe isi saja yang tunggu dia pe hari itu, tapi torang lagi yang so percaya ada mengelu susa deng sengsara sementara tunggu Tuhan Allah mo kase Dia pe janji pa torang yang jadi Dia pe ana-ana. Tuhan Allah so kase Dia pe Roh kamuka pa torang, kong torang tunggu-tunggu Dia mo kase badan yang baru pa torang di sorga. Badan baru itu yang tara perna mo saki deng tara perna mo mati.

1 Yohanes 5:10

Sapa saja yang percaya pa Anak Allah, di dia pe hati dia so tarima apa yang Tuhan Allah so kase tau tentang Dia pe Anak. Tapi sapa saja yang tara percaya pa Tuhan Allah, dia biking Tuhan Allah sama deng pangbafoya, barang dia tara percaya apa yang Tuhan Allah so kase tau tentang Dia pe Anak.

Matius 5:9

Paling sanang suda orang-orang yang kase baku dame pa orang laeng, karna Tuhan Allah akan bilang dong itu Dia pe ana-ana.

Lukas 20:36

Barang, dorang so hidup sama deng malaekat-malaekat deng dong so tara mati lagi. Dorang itu so jadi Tuhan Allah pe ana-ana karna Dia so kase hidup ulang pa dorang.

Yohanes 1:12

Tapi biar bagitu, ada orang yang tarima pa Dia deng percaya pa Dia. Pa dorang itu, Dia kase kuasa supaya dorang jadi Tuhan Allah pe ana-ana.

Kisah Para Rasul 5:32

Torang ini yang jadi saksi tentang samua itu, barang torang so lia deng torang pe mata kapala sandiri. Roh Kudus me tau samua itu butul. Roh Kudus itu yang Tuhan Allah so kase pa samua orang yang dengar-dengaran pa Dia.”

Roma 8:14

Orang-orang yang Tuhan Allah pe Roh pimpin, dorang itu suda Tuhan Allah pe ana-ana.

Roma 8:19

Karna itu, samua yang Tuhan Allah so cipta di dunia ini, ada tunggu-tunggu waktu Tuhan Allah mo kase tunju sapa Dia pe ana-ana.

Roma 9:8

Itu berarti, tara samua Abraham pe turunan yang Tuhan Allah biking jadi Dia pe ana-ana, tapi cuma orang yang percaya pa Tuhan Allah pe janji saja, dorang itu yang Tuhan Allah biking jadi Dia pe ana-ana.

Roma 9:26

Kong ada lagi tatulis bagini tentang orang-orang yang bukang Yahudi, “Di daera yang dulu Kita bilang dorang bukang Kita pe umat, di situ me nanti Kita bilang dorang itu Kita pe ana-ana. Kita itu Tuhan Allah yang hidup.”

2 Korintus 6:18

Kita akan jadi ngoni pe Bapa, deng ngoni lagi mo jadi Kita pe ana-ana laki-laki deng Kita pe ana-ana parampuang.” Itu yang Tuhan Allah bilang di Kitab Suci. Dia itu yang Paling Berkuasa.

Galatia 3:26

Jadi sudara-sudara, ngoni so jadi Tuhan Allah pe ana-ana karna ngoni so percaya pa Yesus Kristus.

Galatia 4:6

Kong karna torang so jadi Tuhan Allah pe ana-ana, Tuhan Allah so suru pa Dia pe Anak pe Roh tinggal di torang pe hati, kong Roh yang ada di torang pe hati itu bakarja deng biking torang bole pangge pa Tuhan Allah itu, “Papa e, ya Bapa!”

1 Yohanes 3:1

Coba ngoni pikir, pe basar skali Tuhan Allah torang pe Bapa pe sayang pa torang, sampe Dia bilang torang ini Dia pe ana-ana! Deng memang torang ini Dia pe ana-ana! Karna itu, orang-orang yang jaga iko dunia pe mau, dorang tara tau torang ini Dia pe ana-ana, barang dorang me tara kanal pa Tuhan Allah.

1 Yohanes 3:2

Sudara-sudara yang kita sayang, skarang torang ini Tuhan Allah pe ana-ana. Jadi torang tau, nanti waktu Yesus Kristus, Raja yang Tuhan Allah pili itu so datang ulang, torang mo jadi sama deng Dia, barang torang mo lia pa Dia yang sebenarnya. Tapi tentang torang pe hidup nanti bagimana, Dia bolong kase tau samua pa torang.

1 Yohanes 3:10

Torang bisa tau sapa yang jadi Tuhan Allah pe ana-ana deng sapa yang jadi Iblis pe ana-ana. Orang yang tara biking Tuhan Allah pe mau deng tara sayang pa dia pe sudara yang percaya pa Tuhan, dia itu bukang Tuhan Allah pe ana.

Wahyu 21:7

Sapa yang menang dari pengaru jahat, dia mo dapa samua yang Kita bilang tadi. Deng Kita mo jadi dia pe Tuhan Allah, kong dia mo jadi Kita pe ana.