Roma 6:10 - Perjanjian Baru Bahasa Melayu Maluku Utara

¹⁰ karna Dia so mati untuk kase kala dosa pe kuasa. Dia mati itu cuma satu kali untuk slama-lamanya. Turus, skarang Dia so hidup ulang, supaya Tuhan Allah dapa puji.

Roma 6:10 Referans Kwoze

2 Korintus 5:21

Yesus Kristus tara perna biking dosa, tapi Tuhan Allah so kase hukuman pa Dia untuk ganti pa torang yang berdosa, supaya torang yang percaya pa Yesus Kristus, Tuhan Allah biking torang jadi orang yang tara sala pa Dia pe muka.

1 Petrus 4:6

Itu dia pe sebab sampe Kabar Bae tentang Yesus Kristus ada kase tau lagi pa orang-orang yang so mati, supaya biar dorang pe badan so mati sama deng samua orang di dunia ini akan dapa, tapi dorang pe roh mo hidup di sorga. Tuhan Allah pe Roh Kudus mo kase dorang hidup deng Tuhan Allah slama-lamanya.

1 Petrus 3:18

Barang, Yesus Kristus me so dapa siksa, biar Dia tara biking sala. Dia lagi so mati satu kali untuk hapus torang samua pe dosa. Dia itu salalu biking barang yang butul, untuk orang-orang yang biking barang yang tara butul, supaya Dia bole kase bae-bae ulang torang pe hubungan deng Tuhan Allah. Dia dapa bunu waktu Dia jadi manusia, tapi Roh Kudus so kase hidup ulang pa Dia.

2 Korintus 5:15

Yesus Kristus so mati untuk samua orang, supaya orang-orang percaya yang masi hidup di dunia ini, tara hidup lagi untuk kase sanang dong pe diri sandiri, tapi supaya dorang bole hidup untuk kase sanang pa Yesus Kristus, yang so mati deng hidup ulang untuk dorang.

Roma 8:3

Kalu torang iko aturan-aturan di lima kitab Musa, tara mungkin torang dapa slamat, karna torang ini manusia yang tara mampo biking samua aturan itu. Tapi torang bole dapa slamat karna Tuhan Allah. Tuhan Allah kase slamat pa torang deng cara Dia utus Dia pe Anak sandiri datang di dunia ini. Dia pe Anak pe badan itu, sama deng torang manusia berdosa pe badan. Kong Dia pe Anak itu mati supaya hapus torang pe dosa. Deng Dia kase Dia pe Anak mati bagitu, itu pe arti, Dia pe Anak so kase kala dosa pe kuasa.

Roma 6:11

Bagitu lagi deng ngoni, ngoni musti pikir, ngoni so sama deng orang yang so mati, jadi ngoni so tarada hubungan lagi deng dosa karna ngoni so satu hati deng Kristus Yesus. Jadi skarang, dosa so tara kuasai lagi pa ngoni, tapi ngoni cuma hidup untuk Tuhan Allah.

Lukas 20:38

Waktu Tuhan Allah bilang bagitu, Abraham, Ishak, deng Yakub so mati. Tapi biar dorang so mati, dorang so hidup ulang deng Tuhan Allah. Deng bagitu, jelas, Tuhan Allah itu bukang orang mati pe Tuhan, tapi orang hidup pe Tuhan.”

Roma 6:9

Torang bole percaya torang akan hidup sama-sama deng Dia karna torang tau, deng Yesus Kristus so hidup ulang, Dia so tara akan mati lagi. Kong tarada satu kuasa laeng yang bisa biking Dia mati,