Roma 5:11 - Perjanjian Baru Bahasa Melayu Maluku Utara

¹¹ Deng torang sanang bukang cuma karna dapa slamat saja, tapi torang sanang karna torang ada hubungan bae deng Tuhan Allah. Torang pe hubungan deng Tuhan Allah so jadi bae ulang karna Yesus Kristus torang pe Tuhan.

Roma 5:11 Referans Kwoze

Roma 5:10

Karna dulu, waktu torang masi pangmalawang pa Tuhan Allah, Tuhan Allah sandiri yang kase bae-bae ulang torang pe hubungan deng Dia, deng cara Dia kase Dia pe Anak supaya mati untuk torang. Kong karna torang deng Dia pe hubungan so bae-bae ulang skarang, torang tau, torang pasti akan dapa slamat dari dosa-dosa karna Dia pe Anak so hidup ulang.

Filipi 4:4

Ngoni pe hati musti salalu sanang karna ngoni so satu hati deng Tuhan! Kita bilang satu kali lagi: ngoni sanang suda!

Galatia 4:9

Tapi skarang ngoni so kanal pa Tuhan Allah, atau lebe bae kita bilang, Tuhan Allah yang so kanal pa ngoni ini. Jadi bikiapa kong ngoni bale lagi untuk jadi aturan-aturan di dunia ini pe suru-suru? Aturan-aturan itu tarada dia pe guna deng tara bisa kase slamat pa ngoni.

1 Petrus 1:8

Biar ngoni bolong perna lia pa Yesus Kristus, tapi ngoni sayang pa Dia. Deng biar lagi skarang ngoni tara lia pa Dia, tapi ngoni percaya pa Dia. Ngoni sanang skali, sampe tara bisa bilang pake kata-kata lagi tentang ngoni pe sanang itu.

Kolose 2:6

Sudara-sudara, ngoni so tarima pa Kristus Yesus jadi ngoni pe Tuhan, jadi ngoni musti tetap hidup satu hati deng Dia.

Filipi 3:3

Ngoni musti ati-ati deng dorang, karna bukang dorang, tapi torang ini suda yang jadi Tuhan Allah pe umat, torang yang semba pa Dia pake Dia pe Roh pe kuasa yang ada di torang pe hati. Torang sama skali tara percaya sama deng dorang yang pikir kata, dorang bole jadi orang yang butul pa Tuhan Allah pe muka karna apa yang manusia biking, macam deng sunat itu. Tapi torang puji pa Kristus Yesus saja, barang cuma karna Dia, torang bole slamat.

Filipi 3:1

Sudara-sudara, ada lagi yang kita mo bilang pa ngoni: ngoni sanang suda karna ngoni so percaya pa Tuhan. Kita tara rasa barát untuk kase tau ulang apa yang kita so perna tulis, karna kita mo jaga pa ngoni supaya tara ada yang mo biking ngoni iko ajaran yang tara butul.

Galatia 5:22

Tapi orang yang Roh Kudus kuasai itu dapa lia dari dorang pe hidup macam bagini: pangsayang, hati sanang, hati tenang, pangsabar, pangbae, biking barang yang bae, setia,

1 Korintus 10:16

Waktu torang iko perjamuan, torang minum anggur dari cawan kong bilang tarimakasi pa Tuhan. Deng torang minum anggur itu, itu pe arti, Tuhan Allah so biking torang jadi satu deng Yesus Kristus pe dara yang tatumpa di kayu salib. Kong waktu torang pela-pela roti kong makang, itu pe arti, Tuhan Allah so biking torang jadi satu deng Yesus Kristus pe badan yang tapaku di kayu salib.

Roma 11:15

Kita pe maksut bagini, waktu Tuhan Allah tara tarima pa orang Yahudi yang tara percaya, itu kase kesempatan pa orang-orang yang bukang Yahudi supaya dorang percaya pa Yesus Kristus la jadi baku bae deng Tuhan Allah. Jadi, lebe bagus lagi kalu nanti Tuhan Allah tarima pa orang Yahudi lagi, itu sama deng dorang so mati kong hidup ulang.

Roma 2:17

Torang orang Yahudi, torang ini orang-orang yang Tuhan Allah pili kakamuka jadi Dia pe umat, deng yang Tuhan Allah so kase aturan di lima kitab Musa. Karna itu, ada dari torang yang jadi sombong, gara-gara dorang pikir dorang itu pe hubungan yang lebe dekat deng Tuhan Allah.

Yohanes 1:12

Tapi biar bagitu, ada orang yang tarima pa Dia deng percaya pa Dia. Pa dorang itu, Dia kase kuasa supaya dorang jadi Tuhan Allah pe ana-ana.

Lukas 1:46

Kong Maria bilang bagini, “Kita puji pa Tuhan.

Roma 5:1

Tuhan Allah so biking torang jadi orang yang tara sala pa Dia pe muka karna torang percaya pa Yesus Kristus. Jadi torang deng Tuhan Allah pe hubungan so bae-bae ulang karna apa yang torang pe Tuhan Yesus Kristus so biking.

Roma 5:3

Kong bukang cuma itu saja, torang me sanang lagi waktu torang dapa siksa, karna torang tau, siksa itu biking torang jadi batahang percaya.

Roma 8:23

Kong bukang cuma dunia deng dia pe isi saja yang tunggu dia pe hari itu, tapi torang lagi yang so percaya ada mengelu susa deng sengsara sementara tunggu Tuhan Allah mo kase Dia pe janji pa torang yang jadi Dia pe ana-ana. Tuhan Allah so kase Dia pe Roh kamuka pa torang, kong torang tunggu-tunggu Dia mo kase badan yang baru pa torang di sorga. Badan baru itu yang tara perna mo saki deng tara perna mo mati.

Roma 9:10

Deng bukang cuma itu saja. Ada conto laeng lagi waktu Ribka melahirkan ana laki-laki kambar. Dorang pe papa itu Ishak, Ishak itu torang pe orang tua dulu-dulu.

2 Korintus 8:19

Bukang cuma karna itu sampe torang utus pa dia, tapi karna jemaat-jemaat yang pili pa dia untuk antar doi sumbangan pa orang-orang percaya di Yerusalem. Torang biking samua itu supaya Tuhan bole dapa puji deng hormat, deng supaya orang bole tau, torang memang suka bantu orang.