Roma 4:21 - Perjanjian Baru Bahasa Melayu Maluku Utara

²¹ Abraham yakin skali Tuhan Allah akan biking Dia pe janji itu.

Roma 4:21 Referans Kwoze

Lukas 1:37

Samua itu bole jadi, karna Tuhan Allah bisa biking apa saja.”

Ibrani 11:19

Abraham mau saja kase Ishak jadi korban persembahan, barang Abraham yakin Tuhan Allah ada kuasa untuk kase hidup ulang pa Ishak. Deng memang, Tuhan Allah tara kase biar Abraham kase mati pa Ishak. Itu sama deng Tuhan Allah so kase hidup ulang pa Ishak dari kematian.

2 Timotius 1:12

Kong karna kita kase tau Kabar Bae itu, kita dapa siksa dari orang-orang yang tara suka Kabar Bae itu sampe dong kase maso pa kita di penjara. Tapi biar bagitu me, kita tara malu, karna kita tau butul Tuhan yang kita percaya itu, deng kita yakin Dia pe kuasa ada pa kita turus untuk jaga tugas yang Dia so kase percaya pa kita sampe Dia datang ulang yang kedua kali.

Lukas 1:45

Ngana paling sanang suda karna ngana so percaya apa yang Tuhan bilang itu mo jadi.”

Matius 19:26

Yesus haga pa dorang kong bilang, “Manusia tara mungkin mo kase slamat dia pe diri sandiri. Cuma Tuhan Allah saja yang bole kase slamat pa manusia, karna untuk Tuhan Allah apa saja bisa jadi.”

2 Korintus 9:8

Kong karna Tuhan Allah pe bae yang talebe-lebe, Dia mampo kase lengkap ngoni pe perlu. Deng bagitu, dalam hal apa saja ngoni tara kurang apa-apa, deng ngoni akan mampo biking banya hal yang bae untuk bantu pa orang laeng.

Roma 14:4

Tuhan itu torang samua pe Tuang. Jadi torang tarada hak mo kase sala pa orang laeng pe orang karja. Cuma Tuhan saja yang ada hak untuk kase sala pa Dia pe orang karja. Deng Tuhan pasti mo tolong pa orang karja itu supaya bole hidup butul.

Roma 8:38

Kita yakin skali, tara ada satu yang bisa kase pisa pa torang dari Yesus Kristus pe sayang. Jadi biar torang masi hidup atau so mati, Tuhan tetap sayang pa torang. Malaekat-malaekat deng setang-setang me tarada kuasa untuk mo kase pisa pa torang dari Tuhan pe sayang. Apa saja yang mo jadi skarang atau nanti, Tuhan tetap sayang pa torang.

Ibrani 11:13

Orang tua dulu-dulu yang tadi kita so bilang itu tetap percaya pa Tuhan Allah sampe dorang mati. Waktu dorang masi hidup, memang dorang bolong tarima apa yang Tuhan Allah janji pa dorang. Tapi dorang yakin dong akan tarima itu, jadi bole kase sama deng dorang ada balia dari jao apa yang Tuhan Allah janji pa dorang kong dorang sambut itu. Kong sementara dorang tunggu Tuhan pe janji mo jadi pa dorang, dong jaga bilang dong pe diri di dunia itu sama deng tamu deng pendatang saja yang tinggal tara lama di dunia ini.

Lukas 1:1

Bapa Teofilus yang kita hormati. Banya orang so tulis carita tentang apa yang Yesus biking waktu Dia masi sama-sama deng torang.

Roma 14:5

Ada conto laeng lagi bagini: ada orang yang pikir kata, ada hari yang lebe penting dari hari yang laeng. Ada lagi yang bilang samua hari sama saja. Tapi sebenarnya hari apa saja yang torang pili untuk semba pa Tuhan Allah, torang musti yakin, apa yang torang biking itu Tuhan Allah anggap butul.