Roma 3:10 - Perjanjian Baru Bahasa Melayu Maluku Utara

¹⁰ Sama deng yang tatulis di Kitab Suci bagini, “Tarada orang yang butul pa Tuhan Allah pe muka, biar cuma satu lagi.

Roma 3:10 Referans Kwoze

Roma 3:23

Barang, samua orang so biking dosa, kong so tara dapa lia lagi Tuhan Allah pe kuasa yang luar biasa dalam dorang pe hidup.

Matius 15:19

Barang, dari manusia pe dalam hati, timbul samua yang jahat: pikiran yang jahat, bunu orang, baku suka deng orang yang bukang dia pe laki atau dia pe bini, baseks sabarang, bapancuri, jadi saksi yang tara butul, deng kase tara bae orang pe nama.

Titus 3:3

Barang, dulu waktu torang bolong percaya pa Yesus, torang tara mangarti apa-apa. Jadi torang malawang pa Tuhan, torang me tapengaru deng hal-hal yang jahat. Napsu deng keinginan yang tara bae so kuasai di torang pe hati kong torang hidup baku mangiri deng orang laeng. Torang jahat pa orang deng torang salalu baku binci.

Markus 10:18

Yesus bilang pa dia, “Tara satu orang yang bae, cuma Tuhan Allah saja yang bae. Tapi bikiapa kong ngana bilang Kita bae?

1 Petrus 1:16

Karna di Kitab Suci so tatulis bagini, “Kita ini kudus. Karna itu ngoni me musti kudus.”

Roma 3:4

Yang pasti tara bagitu! Biar samua orang tukang bafoya, Tuhan Allah tetap setia deng Dia pe janji. Tuhan Allah itu salalu butul sama deng yang ada tatulis di Kitab Suci, “Samua yang Tuhan Allah bilang itu butul, kong kalu ada yang mo kase sala pa Dia, Tuhan Allah pasti menang.”

Wahyu 22:15

Tapi ada orang-orang yang tara bole maso di kota itu. Dorang itu: orang yang tara percaya pa Tuhan, orang yang jaga pake tiop-tiop, orang yang baseks sabarang, orang yang jaga bunu orang, orang yang semba dong pe puji-puji, deng tiap orang yang suka bafoya kong biking itu turus-turus.

Wahyu 21:8

Tapi ada orang-orang yang dapa hukum, dorang itu: orang yang stenga-stenga hati iko pa Tuhan, yang tara percaya, yang jaga biking hal-hal tara bae, yang jaga bunu orang, yang baseks sabarang, yang pake tiop-tiop, yang jaga semba pa dong pe puji-puji, deng samua orang yang pangbafoya. Dorang samua akan dapa hukum, dapa buang di api belerang yang luas deng mamanyala. Itu dia pe nama kematian yang kedua.”

Roma 11:8

Dorang sama deng yang so tatulis di Kitab Suci bagini, “Tuhan Allah biking dorang pe hati deng pikiran sama deng orang yang so tasono. Dia biking dorang pe mata so tara bisa lia apa-apa, deng biking dorang pe talinga so tara bisa dapa dengar. Jadi, sampe hari ini dorang tara mangarti apa yang butul.”

Roma 3:11

Tarada satu orang yang tau apa yang butul, deng tarada satu orang yang cari pa Tuhan Allah.