Roma 2:13 - Perjanjian Baru Bahasa Melayu Maluku Utara

¹³ Karna bukang orang-orang yang dengar aturan di lima kitab Musa yang Tuhan Allah bilang dorang itu orang butul, tapi orang-orang yang biking aturan itu.

Roma 2:13 Referans Kwoze

1 Yohanes 3:7

Jadi, ngoni yang kita sayang sama deng kita pa ana-ana, ngoni jaga diri bae-bae, jang sampe orang tipu pa ngoni kong ngoni iko ajaran yang tara butul. Sapa yang biking barang yang butul, dia itu orang yang hidup butul sama deng Yesus Kristus itu butul.

Roma 2:25

Torang orang Yahudi, torang dapa sunat supaya jadi tanda, Tuhan Allah pili pa torang jadi Dia pe umat. Kalu torang biking aturan di lima kitab Musa, sunat itu ada arti torang itu butul-butul Tuhan Allah punya. Tapi kalu torang tara iko aturan di lima kitab Musa, sunat itu jadi tarada arti.

Galatia 2:16

Tapi biar bagitu, torang tau, Tuhan Allah biking orang jadi tara sala pa Dia pe muka bukang karna dorang iko aturan di lima kitab Musa, tapi karna dorang percaya pa Kristus Yesus. Karna itu, torang orang Yahudi, torang me percaya pa Kristus Yesus supaya deng torang pe percaya itu, Tuhan Allah biking torang jadi orang yang tara sala pa Dia pe muka, bukang karna torang ada biking aturan-aturan di lima kitab Musa. Karna di Kitab Suci ada tatulis bagini, “Tara ada orang yang jadi butul pa Tuhan Allah pe muka gara-gara dia ada biking aturan-aturan di lima kitab Musa.”

1 Yohanes 2:29

Ngoni tau Dia itu butul, jadi ngoni me musti tau, tiap orang yang jaga biking barang yang butul, orang itu so jadi Tuhan Allah pe ana.

Roma 10:5

Dulu nabi Musa so tulis tentang orang yang mo jadi butul pa Tuhan Allah pe muka iko aturan yang ada di lima kitab Musa, dia tulis bagini, “Sapa yang biking aturan-aturan itu, dia akan hidup deng Tuhan Allah slama-lamanya.”

Lukas 8:21

Kong Yesus bilang, “Sapa yang dengar deng biking Tuhan Allah pe firman, dorang itu suda Kita pe mama deng Kita pe sudara-sudara.”

Roma 3:30

Tuhan Allah memang cuma satu. Dia mo biking orang-orang yang so percaya pa Yesus jadi orang yang tara sala pa Dia pe muka, biar dia itu orang Yahudi atau bukang Yahudi lagi.

Kisah Para Rasul 13:39

Jadi sapa yang percaya pa Yesus, orang itu so jadi tara sala pa Tuhan Allah pe muka. Tapi kalu torang cuma iko aturan-aturan di lima kitab Musa, torang tara bisa jadi orang yang butul pa Tuhan Allah pe muka.

Lukas 18:14

Jadi ini yang Kita mo bilang pa ngoni: tukang tagi pajak itu pulang pa dia pe ruma, kong Tuhan Allah biking dia jadi orang yang tara sala pa Tuhan Allah pe muka, tapi orang dari aliran Farisi itu, tarada. Barang, sapa saja yang baangka diri, Tuhan Allah mo biking dia jadi orang yang tara arti apa-apa. Tapi sapa yang anggap dia pe diri tara arti apa-apa pa Tuhan Allah pe muka, Tuhan Allah mo angka pa dia jadi orang yang penting.”

Galatia 5:4

Kalu ngoni mau iko aturan-aturan di lima kitab Musa untuk jadi orang yang butul pa Tuhan Allah pe muka, itu berarti, ngoni pe hubungan deng Yesus Kristus so taputus. Karna Tuhan Allah so kase Dia pe bae pa ngoni deng cara biking ngoni jadi orang yang tara sala pa Dia pe muka. Jadi kalu ngoni sandiri mo usaha jadi orang yang butul, ngoni so tolak Dia pe bae itu.

Roma 3:23

Barang, samua orang so biking dosa, kong so tara dapa lia lagi Tuhan Allah pe kuasa yang luar biasa dalam dorang pe hidup.

Roma 3:20

Barang, tarada satu orang yang jadi orang yang butul pa Tuhan Allah pe muka karna dia iko aturan-aturan di lima kitab Musa. Mala dari aturan itu, torang jadi tau, torang berdosa.

Yohanes 13:17

Skarang ini, ngoni so tau yang Kita so kase ajar pa ngoni, jadi ngoni lagi musti iko Kita pe conto untuk layani orang supaya ngoni butul-butul sanang.

1 Korintus 4:4

Barang, di kita pe hati, kita rasa kita so biking kita pe tugas bae-bae sama deng yang Tuhan Allah suru. Tapi itu tara berarti kita ini orang yang butul. Nanti Tuhan Allah sandiri yang nilai kong bilang, kita butul ka tarada.

Yakobus 1:27

Tapi ibada yang butul yang torang musti biking pa Tuhan Allah, torang pe Bapa pe muka itu, bagini: tolong pa ana-ana yang dong pe orang tua so tarada, tolong pa janda-janda yang susa, deng jaga diri bae-bae la tara tagoda iko dunia pe mau yang jahat.