Roma 16:5 - Perjanjian Baru Bahasa Melayu Maluku Utara

⁵ Kirim salam lagi pa jemaat yang jaga bakumpul baibada pa dong Priskila deng Akwila pe ruma. Kirim salam lagi pa Epenetus, sudara yang percaya yang kita sayang. Dia itu yang kakamuka percaya pa Yesus Kristus di daera Asia Kecil.

Roma 16:5 Referans Kwoze

Kolose 4:15

Ngoni jemaat di Kolose, tolong kase tau torang pe salam pa torang pe sudara-sudara yang percaya di Laodikia, deng pa tong pe sudara yang percaya yang dia pe nama Nimfa, deng pa jemaat yang jaga bakumpul baibada di dia pe ruma.

Filemon 1:2

Surat ini torang tulis lagi pa Apfia, torang pe sudara parampuang yang sama-sama percaya pa Tuhan, deng pa Arkhipus, torang pe tamang yang sama-sama karja karas untuk kase tau tentang Tuhan Yesus pa orang-orang. Deng surat ini lagi untuk jemaat yang biasa jaga bakumpul untuk sambayang di ngana pe ruma.

1 Korintus 16:19

Jemaat-jemaat di daera Asia Kecil ada kirim salam pa ngoni samua. Akwila deng dia pe bini Priskila, deng jemaat yang jaga bakumpul pa dorang pe ruma, ada kirim salam banya-banya pa ngoni.

1 Korintus 16:15

Sudara-sudara, ngoni pasti so tau, Stefanus deng dia pe keluarga yang kakamuka percaya pa Yesus Kristus di daera Akhaya. Kong ngoni me tau lagi, dorang yang kase dong pe diri deng sunggu-sunggu untuk layani pa orang-orang yang so jadi Tuhan pe umat. Karna itu, kita minta pa ngoni,

Matius 18:20

Barang, kalu ada dua atau tiga orang bakumpul karna percaya pa Kita, di situ suda Kita ada sama-sama deng dorang.”

Wahyu 14:4

Dorang itu pe hidup bersi pa Tuhan Allah pe muka, itu sama deng laki-laki yang tara perna tidor deng parampuang. Dorang itu jaga iko pa Anak Domba itu di mana saja Dia pigi. Tuhan Allah so tebus pa dorang kamuka dari samua orang, jadi dorang itu so jadi sama deng korban persembahan yang pertama untuk Tuhan Allah deng Anak Domba.

3 Yohanes 1:1

Kita pe tamang Gayus, yang butul-butul kita sayang. Salam dari kita Yohanes, penatua di jemaat.

Yakobus 1:18

Tuhan Allah biking torang jadi Dia pe ana-ana itu iko Dia pe mau sandiri, karna torang percaya Dia pe ajaran yang butul. Dia biking torang jadi Dia pe ana-ana supaya torang jadi yang paling penting dari samua yang Dia cipta.

2 Korintus 9:2

karna kita so tau ngoni suka mo bantu pa dorang. Jadi kita puji pa ngoni di jemaat-jemaat di daera Makedonia bagini, “Torang pe sudara-sudara yang percaya di daera Akhaya, dari taong lalu dorang so siap untuk kase doi sumbangan.” Jadi deng ngoni smangat bakase doi sumbangan itu, banya orang di daera Makedonia yang jadi lebe tamba smangat lagi untuk bantu sama deng yang ngoni biking itu.

2 Korintus 1:1

Sudara-sudara Tuhan Allah pe jemaat yang ada di kota Korintus, deng ngoni samua orang yang so jadi Tuhan Allah pe umat yang ada di seluru daera Akhaya. Salam dari kita Paulus, deng dari Timotius, torang pe sudara yang percaya. Kita ini Kristus Yesus pe utusan yang orang sebut rasul. Kita jadi rasul, itu karna Tuhan Allah pe mau.

Roma 16:12

Kirim salam lagi pa Trifena deng Trifosa, dua sudara parampuang yang so karja karas untuk Tuhan. Kong salam lagi pa Persis, sudara parampuang yang kita sayang. Dia lagi so karja karas untuk Tuhan.

Roma 16:8

Kirim salam pa Ampliatus yang kita sayang. Dia yang sama-sama percaya pa Tuhan.

Roma 15:26

Karna jemaat-jemaat dari daera Makedonia deng Akhaya, dorang deng sanang hati so kumpul doi untuk kase sumbangan pa orang-orang yang so jadi Tuhan Allah pe umat di Yerusalem.

Roma 11:16

Torang pe orang tua dulu-dulu, Abraham, Ishak deng Yakub, so jadi Tuhan Allah punya, jadi pasti torang lagi so jadi Tuhan Allah punya. Sama deng conto bagini, kalu torang orang Yahudi biking roti, tong pe biasa kase adonan yang pertama pa Tuhan Allah, itu berarti, samua adonan yang ada itu Tuhan Allah punya. Bagitu lagi kalu torang mo tanam pohong. Pasti dia pe akar yang torang mo serakan pa Tuhan Allah. Itu berarti, akar deng pohong itu satu kali so jadi Tuhan Allah punya.

Kisah Para Rasul 18:27

Abis Apolos tau Yesus pe ajaran yang lengkap, dia suka mo pigi di daera Akhaya la dia ajar Kabar Bae tentang Yesus Kristus pa orang-orang di situ. Orang-orang percaya di Efesus dukung dia pe rencana itu, jadi dorang tulis surat pa orang-orang percaya di Akhaya la dorang tarima deng bae-bae pa Apolos. Waktu Apolos sampe di situ, Tuhan tolong pa Apolos sampe dia butul-butul bantu pa orang-orang percaya di situ.

Kisah Para Rasul 18:12

Tapi waktu Galio so jadi gubernur di daera Akhaya, orang-orang Yahudi baku kompak kong tangka pa Paulus, turus dorang bawa pa dia di pengadilan.

Kisah Para Rasul 2:9

Torang ini ada yang dari negara Partia, Media, Elam, deng Mesir. Ada lagi dari daera Mesopotamia, Yudea, Kapadokia, Pontus, deng Asia Kecil,

Kisah Para Rasul 16:6

Paulus deng dia pe tamang-tamang cuma lewat di daera Frigia deng Galatia di daera Asia Kecil. Barang, Roh Kudus bilang pa dorang, jang dulu kase tau Kabar Bae pa orang-orang yang ada di daera Asia Kecil.

Roma 16:4

Dorang dua itu perna sampe amper mati waktu kase slamat pa kita. Kita bilang tarimakasi banya pa dorang dua. Kong bukang cuma kita saja, tapi samua jemaat yang bukang Yahudi me ada bilang tarimakasi banya pa dong dua.

Roma 16:6

Kirim salam lagi pa Maria yang so karja karas untuk ngoni pe bae.