Roma 14:1 - Perjanjian Baru Bahasa Melayu Maluku Utara

¹ Ada orang-orang yang so percaya pa Tuhan tapi dorang pe percaya bolong kuat. Dorang itu bolong talalu tau bagimana mo hidup butul pa Tuhan Allah pe muka. Ngoni musti tarima pa dorang, jang baku malawang deng dorang tentang dong pe pendapat.

Roma 14:1 Referans Kwoze

Roma 15:1

Torang yang pe percaya so kuat pa Tuhan, torang musti sabar pa orang-orang yang pe percaya bolong kuat pa Tuhan. Jang torang cuma cari tong pe sanang sandiri.

1 Korintus 9:22

Waktu kita sama-sama deng orang yang dong pe percaya pa Tuhan Yesus bolong kuat, kita batamang deng dorang kong tara biking apa-apa yang dong anggap tara bagus, supaya kita bole pengaru pa dorang la jadi percaya kuat pa Tuhan Yesus, biar cuma sadiki orang dari dorang yang iko.

Roma 15:7

Karna itu, ngoni musti tarima satu deng yang laeng, sama deng Yesus Kristus me so tarima pa torang, supaya Tuhan Allah dapa puji deng hormat.

Roma 14:21

Lebe bae jang ngoni makang daging atau minum anggur atau biking apa-apa, kalu itu cuma biking ngoni pe sudara yang percaya jadi berdosa.

2 Yohanes 1:10

Jadi kalu ada orang datang kase tau pa ngoni ajaran yang tara sama deng Yesus Kristus pe ajaran, jang ngoni tarima pa dia di ngoni pe ruma deng jang kase salam pa dia.

Roma 4:19

Waktu itu, Abraham pe umur kira-kira so saratus taong, jadi dia so talalu tua mo dapa ana. Deng dia pe bini, Sara, tara bisa dapa ana. Tapi biar Abraham tau samua itu, dia pe percaya tetap kuat.

Lukas 17:2

Lebe bae ika orang itu pe leher deng gantong batu basar satu pa dia, kong buang pa dia di dalam laut. Lebe bae dia mati bagitu, daripada dia biking satu dari orang yang pe percaya bolong kuat jadi berdosa.

Matius 14:31

Kong Yesus capat-capat pegang Petrus pe tangan, turus angka pa dia. Yesus bilang, “Ee, ngana yang kurang percaya, bikiapa kong ngana ragu?”

Matius 12:20

Dia bae pa orang-orang yang lema, itu sama deng Dia tara kase putus bulu yang so pata, sama lagi deng Dia tara mo kase mati pelita yang dia pe manyala so kacil. Dia mo pimpin pa manusia sampe yang adil menang dari yang tara adil.

Filipi 2:29

Jadi, kita minta pa ngoni, tarima suda pa dia deng hati yang paling sanang, karna dia itu ngoni pe sudara yang sama-sama deng ngoni so satu hati deng Tuhan. Ngoni me musti hormati pa orang-orang yang sama deng dia itu.

Yohanes 13:20

Inga bae-bae yang Kita bilang ini. Sapa saja yang tarima pa orang-orang yang Kita utus, itu berarti dia so tarima lagi pa Kita. Kong sapa saja yang tarima pa Kita, itu berarti orang itu so tarima pa Bapa yang utus pa Kita.

Matius 18:10

Yesus bilang lagi, “Inga bae-bae, jang ngoni pandang enteng pa orang biasa-biasa yang sama deng ana-ana kacil ini, karna orang-orang itu ada dong pe malaekat yang salalu ada deng Tuhan Allah di sorga. [

Markus 7:19

Barang, makanang itu tara maso di hati, tapi maso di dalam puru, turus buang kaluar di kakus.” Deng bilang bagitu, Yesus pe maksut samua makanang itu halal.

Kisah Para Rasul 28:2

Orang-orang di situ bae skali pa torang. Waktu itu, so mulai ujang deng dingin skali. Jadi, dorang biking api kong pangge pa torang ka sana barahu.

Roma 11:15

Kita pe maksut bagini, waktu Tuhan Allah tara tarima pa orang Yahudi yang tara percaya, itu kase kesempatan pa orang-orang yang bukang Yahudi supaya dorang percaya pa Yesus Kristus la jadi baku bae deng Tuhan Allah. Jadi, lebe bagus lagi kalu nanti Tuhan Allah tarima pa orang Yahudi lagi, itu sama deng dorang so mati kong hidup ulang.

Roma 14:2

Ada conto bagini: orang yang pe percaya so kuat pa Tuhan, dorang itu so tau tarada makanang yang haram lagi. Tapi orang yang pe percaya bolong kuat pa Tuhan, dorang tako makang daging, dong cuma makang sayor saja.

Roma 14:3

Jadi, orang yang makang samua macam makanang, jang pandang enteng pa orang-orang yang cuma makang sayor saja, karna Tuhan Allah so tarima pa dorang. Kong orang yang cuma makang sayor, jang kase sala pa orang-orang yang bole makang samua macam makanang, karna Tuhan Allah me so tarima pa dorang.

1 Tesalonika 5:14

Torang minta lagi pa ngoni, togor bae-bae pa orang yang pamalas supaya dong rajin bakarja, kase kuat orang yang panako pe hati supaya percaya butul-butul pa Tuhan, tolong orang yang perlu mo dapa tolong, deng sabar pa samua orang.

Ibrani 5:14

Tapi, sapa yang salalu lati dia pe diri sampe bisa kase beda mana yang butul deng mana yang sala, dia itu bole kase sama deng orang basar yang so bole makang makanang karas.