Roma 13:6 - Perjanjian Baru Bahasa Melayu Maluku Utara

⁶ Itu dia pe sebab bikiapa sampe ngoni bayar pajak. Deng ngoni bayar pajak, ngoni biking pemerinta bole biking dong pe tugas yang Tuhan Allah so kase pa dorang.

Roma 13:6 Referans Kwoze

Lukas 23:2

Di situ dorang mulai tudu pa Dia, bilang bagini, “Dia ini so pengaru torang pe orang-orang satu bangsa la jang bayar pajak pa pemerinta Roma. Dia bilang lagi Dia itu Kristus, yang pe arti, Raja yang Tuhan Allah janji mo kase slamat pa manusia.”

Roma 12:8

Kalu Tuhan Allah so kase karunia pa torang untuk kase smangat orang, torang musti biking itu. Kalu Tuhan Allah so kase karunia pa torang untuk kase pa orang apa yang torang punya, torang musti kase itu deng tulus. Kalu Tuhan Allah so kase karunia pa torang untuk jadi pemimpin, torang musti bapimpin bae-bae. Kong kalu Tuhan Allah so kase karunia pa torang untuk kasiang la tolong pa orang yang susa, torang musti biking itu deng hati sanang.

Roma 13:5

Karna itu, ngoni musti dengar-dengaran pa pemerinta. Ngoni dengar-dengaran pa dorang bukang cuma karna ngoni tako Tuhan Allah mara kong mo kase hukuman, tapi ngoni dengar-dengaran, karna ngoni so tau di ngoni pe hati, itu suda yang butul yang ngoni musti biking.

Roma 13:7

Jadi ngoni bayar suda apa yang pantas ngoni bayar pa samua orang: ngoni musti bayar pajak, deng bayar yang laeng lagi pa pemerinta yang ada hak mo tarima itu. Deng ngoni musti dengar-dengaran kong musti hormati pa sapa saja yang pimpin pa ngoni.