Roma 12:7 - Perjanjian Baru Bahasa Melayu Maluku Utara

⁷ Kalu Tuhan Allah so kase karunia pa torang untuk tolong orang, torang musti tolong orang. Kalu Tuhan Allah so kase karunia pa torang untuk mangajar, torang musti mangajar.

Roma 12:7 Referans Kwoze

Efesus 4:11

Yesus Kristus itu suda yang kase kemampuan pa Dia pe umat yang baku-baku beda: ada yang jadi Yesus Kristus pe utusan-utusan yang orang sebut rasul-rasul, ada yang jadi nabi-nabi yang jaga kase turus Tuhan Allah pe pasáng, ada yang kase tau Kabar Bae tentang Yesus Kristus di tampa yang orang-orang bolong dengar, ada yang jadi pemimpin di jemaat sama deng gembala jaga dia pe domba bae-bae, deng ada lagi yang mangajar di jemaat.

2 Timotius 4:2

kase tau Tuhan Allah pe firman pa orang-orang. Ngana musti salalu siap kase tau firman itu di tiap waktu, biar orang mau dengar atau tarada. Kalu dorang biking sala, ngana togor pa dorang la dorang berenti. Turus ngana kase kuat dong pe hati la dong iko ajaran yang butul. Deng sementara ngana biking samua itu, ngana musti kase ajar bae-bae pa dorang deng sabar.

1 Timotius 5:17

Penatua-penatua jemaat yang biking dong pe tugas deng butul, dorang itu pantas dapa hormati deng kase honor dua kali lipa, lebe-lebe lagi deng dorang yang rajin kase tau Kabar Bae dari Tuhan Allah deng mangajar di jemaat.

Kisah Para Rasul 13:1

Di jemaat yang ada di kota Antiokhia itu, ada babarapa orang yang Tuhan Allah pake untuk jaga kase turus Dia pe pasáng deng untuk jaga mangajar tentang Yesus pa orang-orang. Dorang itu: Barnabas, Simeon (yang orang jaga pangge Niger), Lukius (orang Kirene), Menahem (yang dapa piara dari kacil sama-sama deng raja Herodes), deng Saulus.

2 Timotius 2:24

Torang yang karja untuk Tuhan tara pantas baku malawang. Mala torang musti bae-bae pa samua orang, ajar bae-bae pa orang-orang, deng sabar pa samua orang.

2 Timotius 2:2

Ngana so dengar samua ajaran yang kita ajar pa orang banya. Ngana musti kase ajar ajaran itu pa orang laeng yang ngana bisa percaya deng yang pande mangajar. Deng bagitu dorang jadi tau kong ajar lagi ajaran itu pa orang laeng.

1 Timotius 4:16

Ngana musti jaga bae-bae ngana pe cara hidup, deng jaga supaya ngana cuma ajar ajaran yang butul. Ngana musti biking samua itu turus. Kalu ngana biking samua itu, Tuhan Allah mo kase slamat pa ngana deng orang-orang yang dengar pa ngana.

1 Timotius 3:2

Karna itu, ada sarat-sarat untuk orang-orang yang pimpin jemaat. Dorang itu pe cara hidup musti bagini: hidup butul, dia pe bini cuma satu, dia bisa batahang diri, dia tau ator hal bae-bae, dia sopan, dia suka tarima orang di dia pe ruma, dia pande mangajar,

1 Timotius 2:7

Untuk kase tau pa orang-orang Kabar Bae itu, Tuhan Allah pili pa kita jadi Dia pe utusan yang orang sebut rasul. Dia suru pa kita pigi kase tau deng kase ajar pa orang-orang yang bukang Yahudi, supaya dorang percaya pa Yesus deng iko ajaran yang butul. Samua yang kita bilang ini butul, kita tara bafoya.

Kolose 4:17

Kong nanti ngoni bilang pa Arkhipus supaya dia kase selesai dia pe pelayanan yang dia so tarima karna dia so percaya pa Tuhan.

Galatia 6:6

Tiap orang yang dapa kase ajar Tuhan Allah pe firman, dia itu musti barbage dia pe hasil karja pa orang yang so kase ajar Tuhan Allah pe firman itu.

1 Korintus 12:28

Jadi Tuhan Allah so kase pa ngoni tiap-tiap orang di jemaat, dia pe tugas masing-masing macam bagini: pertama, ada Yesus Kristus pe utusan-utusan yang kase tau Kabar Bae pa orang-orang, dorang itu orang sebut rasul-rasul. Kedua, ada yang jaga kase turus Tuhan Allah pe pasáng, dorang itu orang sebut nabi-nabi. Ketiga, ada yang jadi guru yang kase ajar Tuhan pe ajaran. Turus, ada orang-orang yang Tuhan kase karunia untuk biking mujizat, yang laeng Dia kase karunia untuk kase sembu orang saki, yang laeng Dia kase karunia untuk tolong pa orang-orang, deng yang laeng lagi dapa karunia untuk pimpin Tuhan Allah pe jemaat. Kong ada lagi yang dapa karunia untuk bicara pake macam-macam bahasa yang Roh Kudus kase.

Kisah Para Rasul 20:28

Karna itu sudara-sudara, ngoni musti jaga bae-bae ngoni pe diri, deng jemaat yang Roh Kudus so kase pa ngoni untuk ngoni jaga. Ngoni jaga Tuhan Allah pe jemaat sama deng gembala yang jaga dia pe domba. Jemaat-jemaat itu so jadi Tuhan Allah punya, barang Dia pe Anak Yesus so mati di kayu salib untuk tebus pa torang.

Kisah Para Rasul 20:20

Biar bagitu me, kita tetap kase tau deng kase ajar Tuhan pe mau pa ngoni di orang banya pe muka deng dari ruma ka ruma. Kita tolong bagitu pa ngoni la ngoni pe percaya tamba kuat.

Kisah Para Rasul 6:1

Waktu itu, orang-orang yang percaya pa Tuhan Yesus so tatamba banya, kong dorang samua orang Yahudi. Ada yang tinggal di Yerusalem yang pake bahasa Ibrani, deng ada lagi yang tinggal di luar Yerusalem yang pake bahasa Yunani. Tapi, di antara dorang itu, ada masala. Yang pake bahasa Yunani tara sanang pa orang-orang yang pake bahasa Ibrani, gara-gara tiap hari waktu orang-orang percaya kase bage makanang pa janda-janda, dorang pe janda-janda tara dapa bagian yang sama deng orang-orang yang pake bahasa Ibrani pe janda-janda.

Yohanes 3:2

Satu kali bagini, dia datang pa Yesus malam-malam, kong bilang bagini, “Guru, torang tau, Guru ini yang Tuhan Allah utus untuk kase ajar pa torang. Barang, tara ada satu orang yang bisa biking mujizat-mujizat macam deng yang Guru biking, kalu Tuhan Allah tara sama-sama deng dia.”

Matius 28:19

Karna itu, ngoni pigi suda kong biking samua bangsa jadi Kita pe murit. Ngoni baptis pa dorang dalam nama Bapa, Anak deng Roh Kudus.

1 Korintus 12:5

Kong ada macam-macam cara untuk layani pa Tuhan, tapi Tuhan yang torang layani itu cuma satu saja.

1 Korintus 14:26

Jadi bagini sudara-sudara, kalu ngoni bakumpul sama-sama untuk baibada, lebe bae ngoni masing-masing ambe bagian: ada yang manyanyi puji pa Tuhan, ada yang mangajar, ada yang kase jelas apa yang Tuhan Allah so kase tunju pa dia, ada yang bicara pake bahasa roh, deng ada lagi yang kase mangarti bahasa roh itu untuk jemaat. Ngoni biking samua itu untuk kase kuat jemaat.