Roma 12:5 - Perjanjian Baru Bahasa Melayu Maluku Utara

⁵ Bagitu lagi deng torang. Biar torang banya orang, tapi tong so jadi satu sama deng torang ini satu badan karna torang so percaya pa Yesus Kristus. Kong torang samua baku perlu satu deng laeng, sama deng kaki, tangan deng yang laeng-laeng baku perlu.

Roma 12:5 Referans Kwoze

1 Korintus 12:20

Memang manusia pe badan itu ada kaki, tangan, mata deng banya yang laeng lagi, tapi dia pe badan itu cuma satu saja.

1 Korintus 10:17

Roti itu cuma satu kong ada pela-pela, baru torang makang sama-sama dari roti itu. Jadi, biar torang banya orang tapi torang samua sama deng so jadi satu badan karna torang pe hubungan deng Yesus Kristus itu.

Efesus 4:25

Jadi, berenti suda bicara yang foya-foya, tapi bicara suda yang butul-butul satu deng yang laeng, karna torang orang percaya ini so taika jadi satu sama deng kaki, tangan, deng samua-samua yang ada pa torang pe badan.

Kolose 2:19

Orang-orang macam bagitu so tara butul-butul lagi iko pa Yesus Kristus. Padahal Yesus Kristus itu Kapala dari samua Dia pe umat. Dia yang biking pa torang jadi satu, deng supaya torang pe percaya pa Tuhan lebe tamba kuat. Ini bole kase sama deng kapala deng badan yang jadi satu karna ada sendi-sendi yang tara biking tapisa satu deng yang laeng.

Efesus 5:30

Dia jaga deng sayang pa Dia pe jemaat karna torang ini sama deng Dia pe kaki, tangan, deng samua-samua yang ada pa Dia pe badan.

Kolose 1:24

Skarang ini kita pe hati sanang saja, karna siksa yang kita dapa waktu kase tau Kabar Bae tentang Yesus Kristus, itu untuk ngoni pe bae. Siksa itu memang musti kita rasa, karna kita karja untuk Yesus Kristus. Deng kalu kita dapa siksa, itu sama saja deng kita ambe bagian dalam siksa yang Yesus Kristus rasa untuk tolong Dia pe jemaat. Jemaat itu sama deng Dia pe badan sandiri.

Efesus 1:23

Kong orang-orang percaya itu bole kase sama deng Dia pe badan. Dia itu sama deng torang pe kapala yang biking torang ini jadi lengkap. Jadi, Yesus Kristus itu suda yang kase apa yang Dia punya pa Dia pe jemaat. Kong Dia me yang berkuasa pa samua-samua yang ada di mana saja.

1 Korintus 10:33

Ngoni biking suda sama deng yang kita jaga biking: di samua hal yang kita biking, kita biking samua itu bae-bae supaya samua orang sanang deng apa yang kita biking itu. Apa saja yang kita biking, itu bukang untuk kita pe bae sandiri, tapi untuk orang banya pe bae, supaya dorang me bole dapa slamat.

Roma 12:4

Ambe conto dari torang pe badan. Pa torang pe badan ini, ada kaki, tangan deng laeng-laeng lagi, kong samua itu ada dia pe tugas masing-masing.

Efesus 5:23

karna laki itu bini pe pemimpin, sama deng Yesus Kristus jadi kapala untuk pimpin jemaat. Kong jemaat itu bole kase sama deng Yesus Kristus pe badan, karna Yesus Kristus yang kase slamat pa jemaat dari dosa-dosa.

Yohanes 17:11

Kita tara lama lagi di dunia ini karna Kita mo pigi pa Bapa, tapi dorang akan tetap ada di dunia ini. Ya Bapa yang kudus, tolong jaga pa dorang pake Bapa pe kuasa yang Bapa so kase pa Kita, supaya dorang bole jadi satu hati satu deng yang laeng, sama deng Kita deng Bapa lagi so satu.

1 Korintus 6:15

Ngoni tau ka tarada, waktu ngoni jadi percaya pa Yesus Kristus, ngoni so jadi satu deng Dia. Karna itu, ngoni tara bole pake ngoni pe badan untuk baseks sabarang. Kalu ngoni biking bagitu, itu sama deng ngoni pake Yesus Kristus pe badan untuk baseks sabarang. Ngoni tara bole bagitu!

Efesus 4:12

Yesus Kristus kase Dia pe kemampuan pa dorang itu, supaya dorang bole tolong pa orang-orang yang so jadi Tuhan Allah pe umat. Tuhan Allah pe umat itu sama deng Yesus Kristus pe badan. Kalu Tuhan Allah pe umat dapa tolong bagitu, Dia pe umat bole biking dorang pe tugas, deng dorang lagi bole baku kase kuat dong pe percaya,