Roma 12:10 - Perjanjian Baru Bahasa Melayu Maluku Utara

¹⁰ Ngoni so sama deng basudara, jadi ngoni musti baku-baku sayang. Kong tiap orang musti lebe kamuka hormati turus-turus pa orang laeng lebe dari yang orang laeng biking.

Roma 12:10 Referans Kwoze

Filipi 2:3

Jang ngoni biking satu barang cuma untuk kase sanang ngoni pe diri sandiri, atau supaya ngoni dapa puji. Tapi lebe bae, ngoni hidup tara basombong. Yang satu musti anggap yang laeng lebe penting dari dia pe diri.

Ibrani 13:1

Ngoni musti tetap baku-baku sayang turus e, karna ngoni orang yang sama-sama percaya pa Tuhan!

1 Yohanes 4:11

Sudara-sudara yang kita sayang, karna Tuhan Allah sayang skali pa torang, torang me musti baku sayang.

1 Petrus 1:22

Jadi karna ngoni so iko ajaran yang butul tentang Yesus Kristus, ngoni pe hati so jadi bersi. Deng bagitu, ngoni bisa baku sayang deng hati yang tulus di antara ngoni sudara-sudara yang sama-sama percaya. Karna itu, ngoni musti sunggu-sunggu baku sayang satu deng yang laeng deng hati yang tulus,

1 Petrus 2:17

Ngoni musti hormati pa samua orang deng sayang pa ngoni pe sudara-sudara yang sama-sama percaya. Ngoni me musti tako pa Tuhan Allah, deng hormati pa raja basar Roma.

1 Tesalonika 4:9

Turus tentang bagimana cara ngoni hidup baku sayang deng sudara-sudara yang percaya, kita rasa itu so tara perlu torang mo kase ajar lagi, barang Tuhan Allah sandiri so kase ajar pa ngoni.

Galatia 5:13

Sudara-sudara, Tuhan Allah so pangge pa ngoni iko pa Dia, deng bagitu ngoni bisa bebas dari aturan-aturan di lima kitab Musa untuk dapa slamat. Cuma jang ngoni pikir ngoni so bebas, turus ngoni bole biking kalakuang yang tara bagus iko apa saja yang ngoni suka. Bukang bagitu. Tapi yang butul yang musti biking itu, ngoni musti baku-baku layani karna ngoni baku sayang.

Galatia 5:22

Tapi orang yang Roh Kudus kuasai itu dapa lia dari dorang pe hidup macam bagini: pangsayang, hati sanang, hati tenang, pangsabar, pangbae, biking barang yang bae, setia,

1 Yohanes 4:20

Kalu ada orang bilang, “Kita sayang pa Tuhan Allah,” tapi dia binci dia pe sudara yang percaya, itu dia bafoya. Karna sapa saja yang tara sayang pa orang laeng yang dia lia, tara mungkin dia sayang pa Tuhan Allah yang dia tara dapa lia.

2 Petrus 1:7

kong kalu ngoni so hidup iko Dia pe mau, ngoni me musti sayang pa ngoni pe sudara-sudara yang percaya, deng ngoni me musti sayang pa samua orang.

1 Petrus 5:5

Bagitu lagi deng ngoni yang masi muda, ngoni musti dengar-dengaran pa orang-orang yang lebe tua. Ngoni samua musti baku bantu deng jang basombong satu deng yang laeng, karna ada tatulis di Kitab Suci bagini, “Tuhan Allah tara suka deng orang yang sombong, tapi Dia kase Dia pe bae pa orang yang tara sombong.”

Yohanes 15:17

Jadi, Kita bilang ulang Kita pe parenta pa ngoni: ngoni ini musti baku-baku sayang.”

Roma 13:7

Jadi ngoni bayar suda apa yang pantas ngoni bayar pa samua orang: ngoni musti bayar pajak, deng bayar yang laeng lagi pa pemerinta yang ada hak mo tarima itu. Deng ngoni musti dengar-dengaran kong musti hormati pa sapa saja yang pimpin pa ngoni.

Kisah Para Rasul 4:32

Samua orang yang percaya pa Yesus, dorang hidup satu hati deng satu pikiran. Tarada satu orang yang bilang dia pe harta cuma untuk dia pe diri sandiri saja, tapi jadi samua orang punya.

Lukas 14:10

Jadi, kalu ngoni dapa undang di orang pe acara, lebe bae ngoni dudu di balakang. Sapa tau tuang pesta itu datang kong bilang pa ngoni bagini, ‘Mari, dudu di muka.’ Deng bagitu, ngoni mo dapa hormat di muka samua tamu yang ada, yang makang sama-sama deng ngoni.

Matius 20:26

Tapi ngoni tara bole bagitu! Sapa dari ngoni samua yang suka mo jadi hebat pa Tuhan pe muka, dia musti jadi sama deng orang biasa-biasa saja yang layani pa ngoni.

2 Tesalonika 1:3

Sudara-sudara, torang salalu bilang tarimakasi pa Tuhan Allah untuk ngoni. Torang memang musti biking bagitu karna ngoni pe percaya pa Yesus Kristus lebe tatamba, deng karna ngoni lebe tamba baku sayang.

Kolose 1:4

Barang, torang so dengar tentang ngoni pe percaya pa Kristus Yesus deng tentang ngoni pe sayang pa samua orang yang so jadi Tuhan Allah pe umat.

Galatia 5:6

Karna untuk torang yang so sama-sama percaya pa Kristus Yesus, torang mo iko aturan sunat itu ka, tarada ka, itu tara penting, tapi yang paling penting torang pe percaya pa Yesus Kristus yang dapa lia dari torang pe sayang pa orang laeng.

Yohanes 17:21

Bapa, Kita minta supaya dorang itu jadi satu hati satu deng yang laeng, sama deng Kita lagi jadi satu deng Bapa kong Bapa jadi satu deng Kita. Kita minta dorang jadi satu hati satu deng yang laeng supaya dorang lagi jadi satu deng Torang. Kita minta bagitu supaya kalu torang samua jadi satu, samua orang di dunia ini jadi percaya, Bapa yang utus pa Kita.