Roma 11:9 - Perjanjian Baru Bahasa Melayu Maluku Utara

⁹ Raja Daud dulu me ada bilang tentang orang Israel yang kapala batu itu bagini, “Tuhan, kita minta, kase biar saja dorang sanang-sanang turus deng dorang pe pesta sampe dorang tara sadar Tuhan tara suka deng dorang pe kajahatan, kage-kage dorang so dapa hukum. Sama deng dorang so taika di dodeso, sama deng dong tagate di batu. Itu yang jadi balasan untuk dorang pe kapala batu itu.

Roma 11:9 Referans Kwoze

Ibrani 2:2

Barang, ajaran yang ada di lima kitab Musa, malaekat-malaekat kase tau pa torang orang Israel pe orang tua dulu-dulu, kong ajaran itu memang butul. Turus, tiap orang yang tara iko atau tara biking ajaran itu, orang itu mo dapa hukuman iko apa yang dia langgar.

Lukas 12:20

Tapi Tuhan Allah bilang pa dia, ‘Woe, ngana ini bodo. Malam ini suda ngana akan mati. Kong harta yang ngana so simpang banya-banya itu mo jadi orang laeng punya.’

Matius 16:23

Tapi Yesus babale kong togor pa Petrus, “Badiam ngana! Ngana pe bicara sama deng Iblis pe bicara. Ngana halangi Kita untuk biking Tuhan Allah pe mau. Barang, ngana cuma pikir apa yang manusia pikir, bukang apa yang Tuhan Allah pikir.”

Roma 14:13

Nanti Tuhan Allah mo adili pa torang samua, jadi jang torang baku kase sala lagi. Tapi lebe bae torang ati-ati supaya jang torang biking barang yang biking sampe torang pe sudara jatu dalam dosa!