Roma 11:5 - Perjanjian Baru Bahasa Melayu Maluku Utara

⁵ Jadi bagitu lagi deng skarang ini, biar cuma sadiki, tetap masi ada lagi orang Yahudi yang setia. Dorang itu yang Tuhan Allah pili dari dulu karna Dia pe bae pa dorang.

Roma 11:5 Referans Kwoze

Roma 9:27

Tapi tentang orang Yahudi, Tuhan Allah togor karas pa dorang, kong ada tatulis di kitab nabi Yesaya bagini, “Biar orang Israel pe turunan banya sama deng paser di laut, tapi nanti cuma sadiki saja yang mo slamat dari dosa-dosa.

Roma 9:11

Waktu ana dua itu bolong lahir, kong dorang bolong tau biking barang yang bae deng yang jahat, Tuhan Allah so bilang bagini pa Ribka, “Ngana pe ana yang bongso nanti mo jadi tuang pa dia pe kaka.” Tuhan Allah pe maksut supaya torang bole lia, Dia pili bukang iko apa yang dorang dua ada biking, tapi iko Tuhan Allah pe mau.

Roma 11:28

Biar bagitu me, banya dari kita pe sudara bangsa Yahudi yang tara percaya Kabar Bae tentang Yesus Kristus, karna itu dorang so jadi Tuhan Allah pe musu. Tapi karna dorang tara percaya Kabar Bae itu, biking ngoni untung, skarang Tuhan Allah so tarima pa ngoni. Cuma biar bagitu, orang-orang Yahudi tetap Tuhan Allah sayang, barang Tuhan Allah so pili pa dorang jadi Dia pe umat. Itu Dia pe janji dari dulu pa dorang pe orang tua dulu-dulu.