Roma 10:16 - Perjanjian Baru Bahasa Melayu Maluku Utara

¹⁶ Tapi tara samua orang yang dengar Kabar Bae itu jadi percaya. Barang, nabi Yesaya dulu perna tulis, “Tuhan, amper-amper tarada orang yang percaya kabar yang torang kase tau to?”

Roma 10:16 Referans Kwoze

Roma 3:3

Tapi ada dari torang orang Yahudi yang tara setia pa Tuhan Allah. Kalu bagitu, apa Tuhan Allah tara mau setia lagi deng Dia pe janji?

Ibrani 4:2

Barang, torang me so dengar kabar yang bae tentang bisa baistrahat sama-sama deng Tuhan Allah, sama deng torang pe orang tua dulu-dulu so dengar. Tapi kabar yang torang pe orang tua dulu-dulu dengar itu tara ada guna, barang dorang tara percaya butul-butul.

2 Tesalonika 1:8

Kong Dia mo hukum orang-orang yang tara mau kanal pa Tuhan Allah deng yang tara mau iko Kabar Bae tentang Yesus Kristus, torang pe Tuhan.

Galatia 5:7

Dulu, pe bagus skali ngoni iko pa Tuhan Yesus, ngoni bole mo kase sama deng orang yang iko lomba lari kong ada lari bae-bae. Tapi skarang ini, ngoni so tara sama deng yang dulu lagi. Sapa yang so pengaru pa ngoni sampe ngoni so tara iko lagi ajaran yang butul?

1 Petrus 2:8

Kong ada lagi yang tatulis bagini, “Batu itu yang biking banya orang tagate, kong dorang cilaka.” Jadi bagini: orang-orang yang tara mau iko Tuhan Allah pe firman tentang Yesus, dorang itu sama deng orang-orang yang tagate di batu kong cilaka. Tuhan Allah so ator memang apa yang jadi itu pa dorang.

Ibrani 11:8

Bagitu lagi deng Abraham. Karna Abraham percaya pa Tuhan Allah, dia iko Tuhan Allah pe parenta kong pigi jao di tana yang Tuhan Allah so janji mo kase pa dia. Biar dia bolong tau mo pigi ka mana, dia iko saja Tuhan Allah pe parenta itu.

Ibrani 5:9

Deng Yesus biking bagitu, Tuhan Allah so biking Dia jadi sempurna, supaya Dia yang bisa kase slamat pa sapa saja yang dengar-dengaran pa Dia untuk slama-lamanya.

Roma 6:17

Kita bilang tarimakasi pa Tuhan Allah. Karna, biar dulu dosa jadi sama deng ngoni pe tuang, tapi skarang ngoni so butul-butul iko ajaran yang torang so kase ajar pa ngoni.

Roma 2:8

Tapi ada lagi orang-orang yang cuma pikir dong pe diri sandiri saja. Dorang tara mau iko Tuhan Allah pe ajaran, dorang cuma iko dong pe mau sandiri yang suka biking jahat. Tuhan Allah mo mara skali, kong hukum pa dorang.

1 Petrus 3:1

Bagitu lagi deng ngoni bini-bini, ngoni musti dengar-dengaran pa ngoni pe laki. Deng bagitu, kalu ada dari ngoni pe laki yang tara percaya Tuhan pe firman, ngoni tara perlu bilang apa-apa pa dorang, tapi ngoni pe cara hidup yang bae itu yang jadi conto la biking dong jadi percaya.

1 Petrus 1:22

Jadi karna ngoni so iko ajaran yang butul tentang Yesus Kristus, ngoni pe hati so jadi bersi. Deng bagitu, ngoni bisa baku sayang deng hati yang tulus di antara ngoni sudara-sudara yang sama-sama percaya. Karna itu, ngoni musti sunggu-sunggu baku sayang satu deng yang laeng deng hati yang tulus,

Galatia 3:1

Ee ngoni orang-orang percaya di Galatia! Tuhari, kita so kase tau deng jelas di ngoni pe muka-muka to, Yesus Kristus mati di kayu salib untuk tebus torang pe dosa. Tapi skarang orang so kase tipu pa ngoni untuk iko dorang pe ajaran yang sala, kata, musti iko aturan-aturan di lima kitab Musa baru dapa slamat. Ngoni memang bodo!

Roma 16:26

tapi skarang baru Tuhan Allah kase tau pa torang manusia. Kabar Bae itu, Tuhan Allah so janji pa nabi-nabi dulu kong Dia suru dorang tulis itu supaya samua orang yang dari samua suku bangsa tau, kong dorang bole jadi percaya deng iko pa Yesus. Tuhan Allah itu salalu ada sampe slama-lamanya.

Roma 11:17

Tapi orang Yahudi yang tara percaya pa Yesus Kristus, dorang itu sama deng cabang-cabang yang dapa potong dari pohong zaitun yang ada tanam di kobong. Kong orang yang bukang Yahudi, kalu dorang percaya pa Yesus Kristus, dong itu sama deng cabang-cabang dari pohong zaitun yang batumbu sandiri kong tuang kobong datang potong cabang-cabang itu turus kase malakat di pohong zaitun yang ada tanam di kobong itu. Deng bagitu, cabang dari pohong yang batumbu sandiri dapa hidup dari pohong yang ada tanam di kobong itu. Cabang itu sama deng ngoni orang yang bukang Yahudi, ngoni ini yang so percaya, jadi ngoni so tarima Tuhan Allah pe janji yang dulu Dia so kase pa orang Yahudi.

Roma 1:5

Kong karna Yesus Kristus itu, Tuhan Allah kase Dia pe bae pa kita sampe Dia pili pa kita jadi rasul untuk kase tau Kabar Bae tentang Yesus Kristus pa samua suku bangsa, supaya samua orang bole percaya, deng bole iko Yesus Kristus pe mau.

Kisah Para Rasul 28:24

Dari apa yang Paulus bilang itu, ada orang-orang di situ yang percaya, tapi ada yang tara percaya.

Yohanes 10:26

Tapi ngoni tara percaya, karna ngoni bukang Kita pe umat, sama deng domba yang bukang dia pe gembala punya.

Matius 13:14

Apa yang jadi pa orang-orang ini, Tuhan Allah so perna bilang dulu pa nabi Yesaya bagini, ‘Biar ngoni dengar ulang-ulang, tapi ngoni tetap tara mangarti. Biar ngoni lia ulang-ulang, tapi ngoni tara tau dia pe arti.