Roma 10:12 - Perjanjian Baru Bahasa Melayu Maluku Utara

¹² Samua orang bole dapa slamat, barang orang Yahudi deng orang yang bukang Yahudi tarada dia pe beda, karna Tuhan Allah itu samua orang pe Tuhan. Dia itu paling bae pa samua orang yang minta tolong pa Dia.

Roma 10:12 Referans Kwoze

Filipi 4:19

Kita pe Tuhan Allah kaya dalam sagala hal, deng Dia itu hebat, jadi Dia akan kase apa saja yang ngoni perlu, karna ngoni so satu hati deng Kristus Yesus.

Wahyu 17:14

Dorang mo baku prang deng Anak Domba. Tapi Anak Domba itu sama-sama deng Dia pe umat mo kase kala pa dorang, karna Anak Domba itu, Tuhan dari samua tuhan, deng Raja dari samua raja. Kong orang-orang yang sama-sama deng Anak Domba, dorang itu yang Tuhan so pangge, so pili deng yang setia pa Dia.”

Roma 3:22

torang bole jadi orang yang tara sala pa Dia pe muka karna torang percaya pa Yesus Kristus. Itu mo jadi pa samua orang yang percaya, karna Tuhan Allah tara pili-pili orang.

Galatia 3:28

Karna itu, samua orang yang so percaya pa Yesus Kristus so tarada beda pa Tuhan Allah pe muka. Biar ngoni itu orang Yahudi atau orang bukang Yahudi, biar ngoni orang karja yang tara bebas atau orang bebas, deng biar ngoni itu laki-laki atau parampuang, Tuhan Allah lia ngoni samua itu sama, karna ngoni itu orang-orang yang so sama-sama percaya pa Kristus Yesus.

Kolose 3:11

Ngoni yang so percaya, ngoni pe hidup so beruba jadi baru, jadi tara penting kalu ngoni itu orang Yahudi ka, bukang Yahudi ka, ngoni so sunat ka, tarada ka, atau biar ngoni orang luar ka, orang yang cuma tinggal di utang ka, atau ngoni orang karja yang orang so bili ka, tarada ka, itu tara penting. Tapi yang paling penting itu percaya pa Yesus Kristus. Dia itu ada sama-sama deng torang samua yang percaya pa Dia.

1 Timotius 2:5

Barang, Tuhan Allah itu cuma satu. Deng cuma ada satu saja yang bisa kase bae-bae ulang Tuhan Allah deng manusia pe hubungan. Dia itu Kristus Yesus yang jadi manusia.

Filipi 2:11

Dorang samua mo mangaku, “Yesus Kristus itu suda Tuhan.” Deng bagitu Tuhan Allah torang pe Bapa, mo dapa puji deng hormat!

Efesus 3:6

Tuhan Allah pe rencana itu bagini: ngoni orang-orang yang bukang Yahudi akan percaya Kabar Bae tentang Yesus Kristus, jadi ngoni me bole sama-sama deng orang-orang Yahudi jadi Dia pe ana-ana yang tarima samua yang Tuhan Allah so janji. Ngoni orang bukang Yahudi deng torang orang Yahudi so jadi satu sama deng jadi satu badan. Kong torang samua itu mo dapa yang Tuhan Allah janji pa torang yang so percaya pa Kristus Yesus.

Wahyu 19:16

Di Dia pe juba deng Dia pe paha ada tatulis nama, ‘Raja dari samua raja, deng Tuhan dari samua tuhan’.

Efesus 1:7

Barang, deng Yesus Kristus mati kong Dia pe dara tatumpa untuk tebus pa torang, torang bole dapa ampun dari torang pe dosa-dosa. Samua itu torang dapa, karna Tuhan Allah pe bae yang basar skali pa torang.

Roma 14:9

Karna untuk itu suda, Yesus Kristus so mati kong hidup ulang, supaya Dia jadi samua orang pe Tuhan, orang-orang yang masi hidup deng orang-orang yang so mati.

Roma 2:4

Ngoni so tau Tuhan Allah pe hati itu bae skali, Dia itu sabar deng Dia pe sayang itu tara abis-abis. Tapi jang ngoni pandang enteng kong bilang kata, ngoni so butul jadi tara usa suda ngoni bertobat. Pasti ngoni so tau, Tuhan Allah pe sabar deng pe bae pa ngoni itu ada dia pe maksut, Dia mau supaya ngoni bertobat.

Kolose 1:27

Yang Tuhan Allah kase mangarti pa dorang itu, Dia pe rencana yang paling hebat deng luar biasa pa ngoni orang-orang bukang Yahudi. Dia pe rencana itu bagini: Yesus Kristus tinggal di ngoni pe hati, jadi ngoni bole baharap deng yakin, nanti ngoni me sama-sama deng Dia di Dia pe tampa yang luar biasa.

2 Korintus 8:9

Sebenarnya kita tara perlu suru ngoni bantu pa dorang, barang ngoni so tau Yesus Kristus torang pe Tuhan pe bae yang Dia so kase pa ngoni. Biar Dia punya samua-samua yang ada, tapi karna Dia sayang pa torang, Dia kase tinggal samua itu supaya jadi manusia yang tara punya apa-apa. Dia biking bagitu la torang dapa banya yang bae dari Tuhan Allah.

1 Korintus 15:47

Manusia pertama Tuhan Allah biking dari tana, dia pe asal dari dunia ini. Tapi manusia yang kedua, yang torang bilang Yesus Kristus itu, Dia pe asal dari sorga.

1 Korintus 1:2

Kita tulis surat ini untuk ngoni Tuhan Allah pe jemaat yang ada di kota Korintus. Dia so biking ngoni jadi Dia pe umat sandiri yang bersi dari dosa, karna ngoni so percaya pa Yesus Kristus. Dia pangge pa ngoni untuk jadi Dia pe umat, sama-sama deng samua orang percaya di sagala tampa, yang salalu semba deng puji pa Yesus Kristus, torang samua pe Tuhan.

Efesus 2:7

Tuhan Allah biking bagitu, supaya mulai dari sini ka sana orang-orang bole dapa tau Tuhan Allah pe bae deng pe sayang yang talebe-lebe, yang Dia kase pa torang karna torang so satu hati deng Kristus Yesus.

Efesus 2:4

Tapi Tuhan Allah pe rasa kasiang pa torang itu basar skali. Karna itu, Dia sayang skali pa torang.

Roma 15:12

Kong nabi Yesaya me tulis Tuhan Allah pe janji di Kitab Suci bagini, “Nanti dari Isai pe turunan, ada yang jadi Raja pa orang-orang yang bukang Yahudi. Kong dorang itu nanti pe tampa baharap pa Dia.”

Kisah Para Rasul 9:14

Kong skarang dia so ada di sini. Dia so dapa kuasa dari imam-imam kapala la mo tangka pa orang-orang yang percaya pa Tuhan di sini.”

Efesus 3:16

Kita minta pa Tuhan Allah yang paling hebat la Dia pe Roh pe kuasa kase kuat ngoni pe hati,

Efesus 3:8

Dari samua yang so jadi Tuhan Allah pe umat, kita ini suda yang paling tarada arti apa-apa. Tapi biar bagitu, Tuhan Allah kase Dia pe bae pa kita untuk kita kase tau Kabar Bae tentang Yesus Kristus pa orang-orang bukang Yahudi. Kita kase tau pa dorang tentang sagala hal yang talebe-lebe, yang Dia so rencana mo kase pa orang yang percaya pa Dia.

Kisah Para Rasul 7:59

Sementara dorang ada lempar pa Stefanus, Stefanus berdoa bagini, “Tuhan Yesus, tarima suda pa kita.”