Roma 10:10 - Perjanjian Baru Bahasa Melayu Maluku Utara

¹⁰ Karna kalu di ngoni pe hati ngoni percaya, Tuhan Allah mo biking ngoni jadi orang yang tara sala pa Dia pe muka. Deng kalu ngoni mangaku deng ngoni pe mulu, ngoni mo dapa slamat dari dosa-dosa.

Roma 10:10 Referans Kwoze

1 Yohanes 4:15

Sapa saja yang mangaku, Yesus itu Anak Allah, Tuhan Allah tetap ada di dia pe hati kong dia me tetap satu hati deng Tuhan Allah.

Roma 10:9

Barang, kalu ngoni mangaku deng ngoni pe mulu, Yesus itu Tuhan, kong di ngoni pe hati butul-butul percaya Tuhan Allah so kase hidup ulang pa Yesus, ngoni itu mo dapa slamat dari dosa-dosa.

Galatia 2:16

Tapi biar bagitu, torang tau, Tuhan Allah biking orang jadi tara sala pa Dia pe muka bukang karna dorang iko aturan di lima kitab Musa, tapi karna dorang percaya pa Kristus Yesus. Karna itu, torang orang Yahudi, torang me percaya pa Kristus Yesus supaya deng torang pe percaya itu, Tuhan Allah biking torang jadi orang yang tara sala pa Dia pe muka, bukang karna torang ada biking aturan-aturan di lima kitab Musa. Karna di Kitab Suci ada tatulis bagini, “Tara ada orang yang jadi butul pa Tuhan Allah pe muka gara-gara dia ada biking aturan-aturan di lima kitab Musa.”

Ibrani 10:22

Dia so biking torang pe hubungan deng Tuhan Allah jadi bae-bae ulang, jadi mari suda torang datang pa Tuhan Allah deng hati yang tara ragu deng percaya butul-butul pa Dia. Barang, torang pe hati so jadi bersi dari yang jahat, deng tong pe badan so dapa kase bersi deng aer bersi.

Lukas 8:15

Kong bibit yang jatu di tana yang subur, itu sama deng orang-orang yang so dengar firman, dorang simpang firman itu di dong pe hati yang bae, kong dorang biking firman itu turus-turus di dong pe hidup hari-hari.”

Ibrani 3:12

Jadi sudara-sudara, ngoni musti ati-ati. Jang sampe ada satu dari ngoni yang pe hati jahat sama deng itu, sampe so tara percaya deng tara iko lagi pa Tuhan Allah yang hidup.

Filipi 3:9

deng bole hidup satu hati deng Dia. Tuhan Allah biking kita jadi orang yang tara sala pa Dia pe muka, bukang karna kita berusaha iko aturan-aturan di lima kitab Musa, tapi itu cuma karna kita percaya pa Yesus Kristus. Jadi, cuma deng percaya saja pa Yesus Kristus, kita jadi orang yang tara sala pa Tuhan Allah pe muka.

Wahyu 2:13

Kita tau ngoni pe tampa tinggal. Ngoni tinggal di kota Pergamus, memang kota yang Iblis, setang-setang pe raja pe tampa berkuasa. Tapi biar bagitu, ngoni percaya turus pa Kita. Tempo hari, ada orang yang dia pe nama Antipas, Kita pe saksi yang setia, dia kase tau Tuhan Allah pe pasáng, kong dong bunu pa dia. Tapi biar dorang bunu pa dia di ngoni pe tenga-tenga, ngoni percaya turus pa Kita, ngoni tara manyangkal pa Kita.

Markus 9:23

Tapi Yesus bilang bagini, “Jang ngana bilang ‘kalu Kita dapa kase sembu!’ Samua bisa jadi kalu orang percaya pa Kita!”

Roma 10:11

Di Kitab Suci ada tatulis bagini, “Sapa saja yang percaya pa Tuhan Allah, dia tara akan kecewa.”

Kisah Para Rasul 8:37

Kong Filipus bilang, “Bole, asal bapa butul-butul percaya pa Yesus Kristus.” Pejabat itu bilang, “Kita butul-butul percaya, Yesus Kristus itu Anak Allah.”]