Roma 1:25 - Perjanjian Baru Bahasa Melayu Maluku Utara

²⁵ Apa yang butul dari Tuhan Allah, dorang tara iko. Dorang so tara puji deng semba pa Tuhan Allah yang so cipta langit deng bumi, mala dorang cuma puji deng semba pa apa yang Tuhan Allah so cipta. Padahal cuma Tuhan Allah saja yang pantas dapa puji slama-lamanya. Amin.

Roma 1:25 Referans Kwoze

2 Korintus 11:31

Yang kita bilang itu, butul. Tuhan Allah, torang pe Tuhan Yesus pe Bapa, Dia tau kita tara bafoya. Puji suda pa Dia sampe slama-lamanya.

Roma 9:5

Dorang itu me turunan dari Abraham, Ishak deng Yakub, kong dari turunan ini Yesus Kristus lahir sebagai manusia untuk mo kase slamat pa manusia. Yesus Kristus itu suda Tuhan Allah, Dia pe kuasa lebe basar dari samua yang ada. Jadi Dia yang pantas dapa puji sampe slama-lamanya. Amin.

1 Yohanes 5:20

Torang me tau Anak Allah so datang kong so biking torang mangarti la torang kanal Tuhan Allah yang Butul. Torang so hidup satu hati deng Tuhan Allah, karna torang so hidup satu hati deng Dia pe Anak Yesus Kristus. Dia itu suda Tuhan Allah yang Butul deng Dia yang biking orang bole dapa hidup deng Tuhan Allah slama-lamanya.

Roma 1:23

Dia pe ahir kabawa, dorang tara semba pa Tuhan Allah yang hebat deng yang hidup slama-lamanya. Mala dorang cuma semba pa patong yang cuma sementara saja ada di dunia ini. Patong itu pe model sama deng manusia, burung, binatang yang dia pe kaki ampa, deng binatang yang jaga maraya.

2 Timotius 3:4

Dorang suka bahianat, tara bapikir panjang, biking diri tau, deng lebe suka basanang-sanang iko dong pe mau sandiri daripada iko Tuhan Allah pe mau.

Roma 1:18

Tuhan Allah yang ada di sorga mara pa manusia yang tara iko Dia pe mau deng yang jaga biking barang yang jahat. Apalagi dorang pe kajahatan itu me biking orang laeng tara iko ajaran yang butul tentang Tuhan Allah.

Matius 6:24

Tarada satu orang yang bisa bakarja satu kali pa dua tuang. Karna kalu dia pe tuang dua, pasti dia binci tuang yang satu kong tuang yang laeng dia sayang. Atau dia mo lebe setia pa dia pe tuang yang satu dari dia pe tuang yang laeng. Bagitu lagi deng ngoni, kalu ngoni hidup cuma mo kumpul harta dunia, tara mungkin ngoni mo karja untuk Tuhan Allah deng sunggu-sunggu.”

1 Tesalonika 1:9

Orang-orang itu sandiri bacarita, ngoni tarima bae-bae pa torang waktu torang bawa Kabar Bae pa ngoni. Dorang me carita bagimana sampe ngoni so kase tinggal ngoni pe puji-puji, kong so semba pa Tuhan Allah yang hidup deng yang butul,

1 Timotius 1:17

Mari torang hormati pa Tuhan Allah. Dia itu Raja sagala jaman. Tarada yang bisa lia Dia, Dia ada slama-lamanya, deng Dia cuma satu saja. Puji deng hormat pa Dia sampe slama-lamanya. Amin.

1 Timotius 1:11

Ajaran yang butul itu, Kabar Bae dari Tuhan Allah. Tuhan Allah itu hebat kong pantas orang puji. Dia yang kase percaya pa kita la kase tau pa orang-orang Kabar Bae itu.

Matius 10:37

Sapa yang sayang dia pe papa deng mama lebe dari dia pe sayang pa Kita, dia itu tara pantas iko pa Kita. Kong sapa yang sayang dia pe ana laki-laki atau ana parampuang lebe dari dia pe sayang pa Kita, dia itu me tara pantas iko pa Kita.

Efesus 3:21

Jadi, torang yang so jadi Dia pe jemaat, torang yang so satu hati deng Kristus Yesus, mari suda torang puji deng hormat pa Dia sampe slama-lamanya. Amin.

Yohanes 2:8

Abis itu, Yesus bilang pa dorang, “Skarang falo suda sadiki aer itu di galas kong kase pa tuang pesta.” Kong dorang falo aer itu kong dong bawa pa tuang pesta.