Roma 1:11 - Perjanjian Baru Bahasa Melayu Maluku Utara

¹¹ Barang, kita ingin skali baku dapa deng ngoni untuk kase ajar pa ngoni apa yang Roh Kudus ada ajar pa kita, supaya ngoni pe percaya lebe tamba kuat.

Roma 1:11 Referans Kwoze

2 Petrus 1:12

Kong biar ngoni so tau samua itu, deng ngoni so kuat iko Tuhan pe ajaran yang ngoni so dengar, kita tetap mo kase inga turus pa ngoni.

Roma 16:25

Mari suda puji pa Tuhan Allah! Dia itu yang ada kuasa untuk biking ngoni pe percaya lebe tamba kuat, karna ngoni so dengar Kabar Bae tentang Yesus Kristus yang kita jaga kase tau pa orang-orang. Kabar Bae itu so lama skali, so deng ratus-ratus taong orang bolong tau,

2 Tesalonika 3:3

Tuhan Allah itu setia. Dia mo kase kuat ngoni pe hati deng jaga pa ngoni dari yang jahat.

Roma 15:29

Deng kita tau skali, waktu kita singga kong baku dapa deng ngoni di situ, nanti kita bawa banya berkat dari Yesus Kristus pa ngoni.

1 Petrus 5:12

Silwanus yang bantu pa kita tulis surat yang pende ini pa ngoni. Silwanus ini kita pe sudara yang percaya yang bisa kita percaya. Surat ini kita tulis untuk kase smangat pa ngoni supaya ngoni tetap percaya, deng untuk kase yakin pa ngoni tentang Tuhan Allah pe bae yang Dia salalu kase pa ngoni biar ngoni sementara dapa siksa. Ngoni musti tetap yakin Tuhan Allah pe bae itu, karna itu butul.

1 Petrus 5:10

Tapi siksa yang ngoni rasa itu cuma sementara saja. Nanti Tuhan Allah sandiri yang mo kase bae-bae ngoni pe keadaan, kase kuat ngoni pe hati, kase kuat ngoni pe percaya, deng biking ngoni tetap percaya pa Dia. Dia itu suda Tuhan Allah yang kase Dia pe bae pa manusia, yang so pangge pa ngoni untuk percaya pa Yesus Kristus, kong ngoni mo rasa Dia pe kuasa yang luar biasa untuk slama-lamanya.

2 Tesalonika 2:17

Jadi, torang berdoa supaya Tuhan kase hibur deng kase kuat ngoni samua pe hati supaya ngoni salalu bisa biking yang bae deng bicara yang bae.

Kisah Para Rasul 19:6

Kong waktu Paulus berdoa, dia taru dia pe tangan pa dong pe di atas kapala, turus Roh Kudus turung pa dorang sampe dorang bicara pake bahasa yang Roh Kudus kase. Roh Kudus me pake pa dorang untuk kase tau Tuhan Allah pe pasáng pa orang-orang di situ.

Kisah Para Rasul 16:5

Waktu jemaat-jemaat dengar keputusan-keputusan itu, dorang pe percaya pa Tuhan Yesus tatamba kuat. Kong tiap hari, orang-orang yang percaya pa Tuhan Yesus lebe tatamba banya.

1 Tesalonika 3:13

Torang minta bagitu, supaya nanti waktu torang pe Tuhan Yesus datang ulang sama-sama deng samua orang yang so jadi Dia pe umat, ngoni jadi orang yang pe hati bersi pa Tuhan Allah, torang pe Bapa pe muka, deng Dia tara dapa ngoni pe sala apa-apa.

1 Tesalonika 3:2

turus Timotius torang pe sudara yang sama-sama percaya, torang utus pigi pa ngoni. Timotius itu torang pe tamang karja yang sama-sama kase tau Tuhan Allah pe Kabar Bae tentang Yesus Kristus. Torang utus pa Timotius la kase kuat ngoni pe hati deng kase smangat pa ngoni supaya ngoni lebe tamba percaya pa Yesus.

Filipi 4:1

Jadi, sudara-sudara yang kita sayang deng yang kita rindu. Ngoni yang biking kita pe hati sanang, deng ngoni lagi yang biking kita bangga. Kita minta supaya ngoni tetap percaya turus pa Tuhan, sama deng yang tadi kita so bilang.

Filipi 2:26

Kita kirim dia pa ngoni, barang dia itu so inga skali pa ngoni samua di situ, kong dia lagi pe hati susa skali, karna ngoni so dengar kabar, dia ada saki.

Filipi 1:8

Tuhan Allah suda yang jadi kita pe saksi, kita ini paling rindu skali mo baku dapa deng ngoni, karna kita sayang pa ngoni sama deng Kristus Yesus sayang pa ngoni.

2 Korintus 9:14

Kong dorang me sayang pa ngoni sampe dorang kase berdoa lagi pa ngoni, karna dorang tau Tuhan Allah kase Dia pe bae pa ngoni deng cara Dia kase pa ngoni hati yang suka skali bakase pa orang, laeng.

2 Korintus 1:21

Barang, Tuhan Allah itu yang kase kuat pa torang deng ngoni pe hati, supaya torang samua bisa jadi satu hati deng Yesus Kristus. Dia itu Tuhan Allah yang so pili pa torang jadi Dia pe umat sandiri.

Roma 15:32

Ngoni berdoa bagitu untuk kita supaya abis kita biking kita pe tugas, kalu memang Tuhan Allah mau kita datang pa ngoni, kita bole datang deng hati sanang. Deng nanti kalu kita so ada sama-sama deng ngoni, kita pe hati bole jadi tenang.

Roma 15:23

Tapi skarang, kita pe tugas di tampa-tampa itu kita so kase selesai. Jadi karna so lama skali kita suka mo baku dapa deng ngoni, so deng taong-taong lagi,

Kisah Para Rasul 19:21

Abis itu, Roh Kudus tolong pa Paulus ambe keputusan mo pigi di daera Makedonia deng di daera Akhaya, kong mo turus di kota Yerusalem. Dia bilang, “Abis kita pigi di Yerusalem, kita me musti pigi di kota Roma.”

Ibrani 13:9

Jang ngoni iko ajaran-ajaran yang tara butul yang bole biking ngoni jadi sesat. Barang, kalu iko aturan tentang makanang yang halal deng haram, tarada dia pe guna untuk biking ngoni jadi sempurna pa Tuhan Allah pe muka. Cuma Tuhan Allah pe sayang deng pe bae yang bisa biking ngoni pe percaya pa Tuhan jadi kuat.

2 Korintus 11:4

Kita bicara bagitu, barang ngoni itu gampang skali tarima orang laeng, biar itu dorang ajar yang sala tentang Yesus Kristus, atau tentang roh yang baku beda deng Roh Kudus yang ngoni so tarima, atau tentang kabar bae yang baku beda deng Kabar Bae tentang Yesus Kristus yang ngoni so tarima dari torang.

Roma 1:12

Kita pe maksut, kalu kita ada sama-sama deng ngoni, torang bisa baku kase kuat torang pe percaya pa Yesus Kristus.

2 Korintus 1:15

Kong karna kita yakin ngoni rasa sanang deng torang, kita perna ada rencana mo pigi pa ngoni supaya ngoni bisa tarima samua yang bae lagi yang Tuhan mo kase pa ngoni waktu kita datang pa ngoni yang kedua kali.