Matius 9:6 - Perjanjian Baru Bahasa Melayu Maluku Utara

⁶ Jadi skarang Kita mo kase sembu pa dia, supaya ngoni tau, di dunia ini Anak Manusia yang dari sorga ada kuasa lagi untuk kase ampun orang pe dosa.” Turus Yesus bilang pa orang yang lumpu itu, “Bangun suda, angka ngana pe tikar, kong pulang suda pa ngana pe ruma!”

Matius 9:6 Referans Kwoze

Matius 9:5

Waktu Kita bilang pa orang lumpu ini, ‘Ngana pe dosa so dapa ampun’, ngoni ragu kalu orang itu pe dosa so dapa ampun. Tapi kalu Kita bilang, ‘Bangun kong bajalang suda’, ngoni bisa tau Kita ada kuasa karna nanti ngoni lia dia bajalang.

2 Korintus 2:10

jadi skarang, kita bilang pa ngoni, jang hukum lagi pa dia. Kalu ngoni kase ampun orang yang biking sala pa ngoni, kita me kase ampun pa dia. Kong kalu memang ada yang musti kita kase ampun, pasti kita kase ampun. Kita kase ampun orang itu untuk ngoni pe bae, kong Yesus Kristus yang jadi saksi kita kase ampun pa orang itu.

Kolose 3:13

Kalu ada orang yang biking sala pa ngoni, ngoni musti tahang jang sampe mara, deng kalu ada yang taru dendam pa ngoni, jang ngoni simpang hati, tapi ngoni musti baku kase ampun. Inga! Tuhan Allah so kase ampun ngoni pe dosa, jadi ngoni lagi musti kase ampun orang yang biking sala pa ngoni.

Efesus 4:32

Tapi lebe bae ngoni bae-bae pa orang laeng deng sayang pa dorang. Ngoni kase ampun suda pa orang yang biking sala pa ngoni, sama deng Tuhan Allah so kase ampun pa ngoni yang so percaya pa Yesus Kristus.

2 Korintus 5:20

Jadi torang biking tong pe tugas itu, Yesus Kristus yang utus pa torang. Torang kase tau tentang Dia, itu sama deng Tuhan Allah sandiri yang bicara pa ngoni pake torang pe kata-kata. Deng Yesus Kristus pe kuasa, tong dua minta supaya ngoni kase ngoni pe diri suda pa Tuhan Allah la Dia biking ngoni pe hubungan jadi bae-bae ulang deng Dia.

Kisah Para Rasul 9:34

Kong Petrus bilang pa dia, “Eneas, Yesus Kristus kase sembu pa ngana. Bangun suda la manyimpang ngana pe tampa tidor!” Waktu itu suda, Eneas langsung bangun.

Kisah Para Rasul 5:31

Yesus itu suda yang Tuhan Allah so angka kong taru di tampa yang terhormat pa Tuhan Allah pe sabla kanan. Skarang Yesus so jadi Pemimpin deng yang kase slamat pa torang orang Israel, supaya torang bertobat kong iko pa Tuhan Allah, deng bagitu Tuhan Allah mo kase ampun pa torang.

Yohanes 17:2

Barang, Bapa so kase kuasa pa Kita untuk berkuasa pa samua orang yang ada di dunia ini, supaya samua orang yang Bapa so kase pa Kita, Kita bole kase hidup deng Bapa slama-lamanya.

Yohanes 10:28

Kong Kita mo biking dorang hidup deng Tuhan Allah slama-lamanya deng dong pasti tara akan mati sampe slama-lamanya. Deng tarada satu orang yang bisa rampas pa dorang dari Kita pe tangan.

Lukas 5:21

Pe dengar Yesus bilang bagitu, guru-guru agama Yahudi yang ahli lima kitab Musa deng orang-orang Yahudi dari aliran Farisi bicara dalam hati bagini, “Dia ini sapa kong, sampe Dia biking diri sama deng Tuhan Allah? Barang, tarada orang yang bisa kase ampun orang pe dosa, yang bisa cuma Tuhan Allah.”

Markus 2:10

Jadi skarang Kita mo kase sembu pa dia supaya ngoni tau, di dunia ini Anak Manusia yang dari sorga ada kuasa lagi untuk kase ampun orang pe dosa.” Turus Yesus bilang pa orang yang lumpu itu,

Markus 2:7

“Dia tara bole bilang bagitu. Dia so biking diri sama deng Tuhan Allah. Barang, tarada orang yang bisa kase ampun orang pe dosa, yang bisa itu cuma Tuhan Allah.”

Matius 8:20

Yesus bilang pa dia pake umpama bagini, “Anjing utang ada dia pe tampa batidor. Bagitu lagi deng burung, ada dia pe sarang. Tapi Anak Manusia yang dari sorga, tara ada tampa untuk baistrahat.”

Matius 4:24

Dari situ, kabar tentang Yesus tasiar sampe di samua tampa di daera Siria. Jadi, dong bawa banya orang saki pa Dia. Orang-orang saki yang dong bawa pa Yesus itu pe panyake macam-macam: ada yang sengsara karna rasa saki, ada yang kemasukan setang, ada yang mati-mati ayam, deng ada yang lumpu, kong Yesus kase sembu pa dorang samua itu.

Matius 9:2

Kage bagini, ada babarapa orang bawa orang lumpu satu pa Yesus yang dong ada kase tidor di atas tikar. Waktu Yesus lia apa yang dorang biking itu, Dia tau dorang percaya pa Dia. Jadi Yesus bilang pa orang lumpu itu, “Sudara, ngana sanang suda. Ngana pe dosa so dapa ampun.”

Matius 9:7

Turus orang lumpu itu bangun, kong pulang pa dia pe ruma.

Yohanes 5:8

Yesus bilang pa dia, “Bangun suda, angka bapa pe tikar kong bajalang suda.”

Yohanes 5:27

Bapa so kase kuasa pa Dia pe Anak untuk adili orang, karna Dia pe Anak itu Anak Manusia yang dari sorga suda.