Matius 9:34 - Perjanjian Baru Bahasa Melayu Maluku Utara

³⁴ Tapi orang-orang Yahudi dari aliran Farisi baku bilang, “Dia pake setang-setang pe raja pe kuasa waktu user setang-setang itu.”

Matius 9:34 Referans Kwoze

Lukas 11:15

Tapi ada di antara dorang baku bilang bagini, “Pasti Dia pake Beelzebul, setang-setang pe raja pe kuasa, sampe Dia bisa user setang itu.”

Markus 3:22

Guru-guru agama Yahudi yang ahli lima kitab Musa datang dari Yerusalem, kong bilang bagini, “Orang ini so kemasukan Beelzebul, setang-setang pe raja. Itu yang biking sampe Dia bisa user setang!”

Yohanes 3:20

Barang, sapa saja yang suka biking barang yang jahat, dia binci tarang kong tara mau datang di tarang itu, supaya dia pe kalakuang-kalakuang yang jahat itu tara dapa lia.

Matius 10:25

So cukup suda kalu satu murit jadi sama deng dia pe guru, kong so cukup suda kalu satu orang karja mo jadi sama deng dia pe tuang. Kita ini sama deng ngoni pe tuang, kong ngoni ini Kita pe umat. Kalu orang-orang bilang Kita ini Beelzebul, setang-setang pe raja, lebe soe lagi ngoni yang iko pa Kita. Jadi ngoni musti ati-ati!”

Matius 11:18

Orang-orang skarang ini sama deng ana-ana itu, karna waktu Yohanes datang, dorang tara tarima pa dia. Dia jaga bapuasa deng tara minum anggur, tapi dorang bilang kata, ‘Dia kemasukan setang!’

Matius 12:22

Satu kali, ada yang bawa orang satu yang kemasukan setang pa Yesus. Orang itu buta deng mou. Turus Yesus kase sembu pa dia, kong orang itu langsung bisa bicara deng bisa dapa lia.

Matius 12:27

Ngoni bilang kata, Kita user setang-setang pake Beelzebul, setang-setang pe raja pe kuasa. Kalu butul bagitu, orang-orang yang iko pa ngoni orang Farisi, dorang itu user setang pake sapa pe kuasa? Kalu ngoni bilang dorang me pake Iblis pe kuasa, dorang sandiri akan bilang yang ngoni tudu pa dorang deng pa Kita itu sala!

Yohanes 7:20

Kong orang banya itu bilang pa Dia, “Ngana so kemasukan kaapa! Sapa yang cari mo bunu pa Ngana kong?”