Matius 5:24 - Perjanjian Baru Bahasa Melayu Maluku Utara

²⁴ ngoni kase tinggal dulu ngoni pe korban persembahan itu di tampa itu pe muka. Kong ngoni pigi suda pa orang itu la baku dame dulu deng dia, baru ngoni bale kase ngoni pe korban persembahan itu pa Tuhan Allah.

Matius 5:24 Referans Kwoze

Yakobus 5:16

Jadi lebe bae ngoni baku mangaku ngoni pe dosa deng baku kase berdoa, supaya ngoni jadi sembu. Orang yang hidup butul pa Tuhan Allah pe muka, dia pe doa ada kuasa basar skali sampe ada dia pe hasil.

1 Timotius 2:8

Karna itu, kita mau orang-orang percaya berdoa di mana-mana, yang laki-laki angka tangan kong puji pa Tuhan deng hati yang bersi. Dorang tara bole mara deng tara bole baku malawang deng orang laeng.

Matius 23:23

Cilaka suda ngoni guru-guru agama Yahudi yang ahli lima kitab Musa deng orang-orang Yahudi dari aliran Farisi! Ngoni munafik samua. Barang, ngoni jaga kase perpuluhan, sampe dari ngoni pe rampa-rampa yang paling kacil macam deng selasi, adas manis, deng jintan me ngoni buka dia pe perpuluhan. Tapi aturan yang paling penting yang ada di lima kitab Musa ngoni tara peduli, macam deng biking yang adil pa orang, kase tunju rasa kasiang pa orang, deng jadi orang yang setia. Sebenarnya, ngoni musti biking aturan-aturan yang penting itu, deng ngoni lagi jang berenti kase perpuluhan.

1 Korintus 11:28

Karna itu, lebe bae tiap orang lia dia pe diri sandiri dulu, baru abis itu dia iko perjamuan makang roti deng minum anggur itu.

Markus 9:50

Ngoni yang iko pa Kita musti ada guna sama deng garam. Garam pe guna untuk biking makanang jadi sadap, tapi kalu garam itu so jadi tawar, so tara mungkin lagi mo barasa garam. Bagitu lagi deng ngoni pe hidup di dunia ini, musti ada dia pe guna untuk orang di dunia ini deng ngoni me musti hidup baku bawa bae-bae satu deng yang laeng.”

Matius 5:23

Jadi, kalu ngoni ada bawa ngoni pe binatang korban persembahan pa Tuhan Allah di tampa bakar korban persembahan, kong waktu itu ngoni dapa inga ada orang yang hati saki pa ngoni,