Matius 4:24 - Perjanjian Baru Bahasa Melayu Maluku Utara

²⁴ Dari situ, kabar tentang Yesus tasiar sampe di samua tampa di daera Siria. Jadi, dong bawa banya orang saki pa Dia. Orang-orang saki yang dong bawa pa Yesus itu pe panyake macam-macam: ada yang sengsara karna rasa saki, ada yang kemasukan setang, ada yang mati-mati ayam, deng ada yang lumpu, kong Yesus kase sembu pa dorang samua itu.

Matius 4:24 Referans Kwoze

Matius 17:15

Orang itu bilang pa Yesus, “Bapa, tolong pa kita pe ana ka! Dia mati-mati ayam kong so menderita skali. Kalu dia amfal, dia jaga jatu di api atau di aer.

Matius 8:6

“Bapa, kita pe orang karja sementara saki di ruma. Dia pe badan so tara bisa bagará. Dia menderita skali.”

Lukas 5:15

Tapi biar Yesus so larang me, dia tetap carita tentang Yesus pe kuasa kase sembu panyake itu. Karna itu, berita itu tasiar di mana-mana. Jadi tamba banya orang yang datang dengar Yesus mangajar deng minta Dia kase sembu dorang pe panyake.

Lukas 2:2

Ini pertama kali pemerinta Roma kase daftar orang-orang waktu Kirenius jadi gubernur di daera Siria.

Matius 17:18

Waktu dorang bawa ana itu ka sana pa Yesus, Yesus parenta deng karas pa setang la kaluar dari ana itu. Kong waktu setang itu kaluar, ana itu langsung sembu.

Matius 15:22

Di situ ada ibu satu orang Kanaan yang pe asal dari daera itu, jadi dia bukang orang Yahudi. Ibu itu datang pa Yesus kong bamohon pa Yesus deng suara yang kuat, “Bapa, raja Daud pe turunan, kasiang pa kita ka! Kita pe ana parampuang ada kemasukan setang kong dia sengsara skali.”

Matius 12:22

Satu kali, ada yang bawa orang satu yang kemasukan setang pa Yesus. Orang itu buta deng mou. Turus Yesus kase sembu pa dia, kong orang itu langsung bisa bicara deng bisa dapa lia.

Kisah Para Rasul 10:38

Tuhan Allah pili pa Yesus dari Nazaret kong kase Dia pe Roh Kudus deng kase Dia pe kuasa. Abis itu, Yesus bajalang bakuliling kong biking banya barang yang bae, deng kase sembu pa orang-orang yang Iblis kuasai, barang Tuhan Allah ada sama-sama deng Dia.

Kisah Para Rasul 15:23

Kong rasul-rasul deng penatua-penatua kase titip surat pa dorang dua untuk orang-orang yang percaya di kota Antiokhia, daera Siria deng daera Kilikia. Surat itu pe isi bagini, “Salam pa sudara-sudara yang percaya dari bangsa-bangsa yang bukang Yahudi. Torang rasul-rasul deng penatua-penatua di Yerusalem ada kirim surat ini pa ngoni.

Markus 2:3

Waktu itu, ada ampa orang datang. Dorang bawa satu orang lumpu pa Yesus.

Markus 1:32

Waktu so mo malam, ada yang datang bawa samua orang yang saki deng yang kemasukan setang pa Yesus,

Matius 4:23

Abis itu, Yesus bakuliling di samua tampa di daera Galilea kong mangajar di ruma-ruma ibada agama Yahudi. Dia kase tau Kabar Bae tentang Tuhan Allah Berkuasa sebagai Raja pa orang-orang yang percaya. Dia me kase sembu pa orang-orang dari samua panyake deng kase sembu pa orang-orang cacat.

Kisah Para Rasul 15:41

Turus dorang barangkat bakuliling di daera Siria deng di daera Kilikia, kong di tampa-tampa itu dorang dua kase kuat jemaat-jemaat pe percaya.

Lukas 4:14

Abis itu, Yesus bale ulang di daera Galilea. Roh Kudus pe kuasa ada pa Dia, kong kabar tentang Dia tasiar pa samua orang di daera itu.

Markus 1:28

Dari situ, carita tentang Yesus itu capat skali tasiar sampe di samua tampa di daera Galilea.

Matius 14:1

Waktu itu, Herodes yang jadi raja di daera Galilea, dia dengar kabar tentang Yesus.

Yohanes 10:21

Kong yang laeng babilang, “Itu bukang orang yang kemasukan setang pe kata-kata, karna kalu Dia kemasukan, bikiapa kong Dia bisa biking orang buta bisa dapa lia?”

Matius 9:35

Yesus bakuliling di samua kota deng kampong, kong mangajar di ruma-ruma ibada agama Yahudi. Dia kase tau Kabar Bae tentang Tuhan Allah Berkuasa sebagai Raja pa orang-orang yang percaya. Dia me kase sembu pa orang-orang dari samua panyake deng kase sembu pa orang-orang cacat.

Matius 9:26

Kong samua yang jadi itu tasiar di seluru daera itu.

Matius 8:28

Pe sampe di sabla talaga, di orang Gadara pe daera, ada dua orang yang kemasukan setang kaluar dari kubur-kubur goa, datang pa Yesus. Dorang dua itu bahaya skali, sampe tarada orang yang barani mo iko di jalang itu.

Matius 8:33

Pe lia bagitu, orang-orang yang jaga babi-babi itu lari, kong pe sampe di kota, dorang carita samua yang jadi itu. Dorang me carita tentang apa yang jadi pa dua orang yang kemasukan itu.

Markus 2:4

Tapi karna so talalu banya orang, dorang tara bisa bawa orang itu pa Yesus. Jadi dorang bongkar ruma pe bagian atas, pas pa Yesus pe di atas kapala. Bagitu so tabuka, dorang kase turung orang lumpu itu, satu kali deng dia pe tikar yang dia pake tidor.

Markus 2:9

Waktu Kita bilang pa orang lumpu ini, ‘Ngana pe dosa so dapa ampun’, ngoni ragu kalu orang ini pe dosa so dapa ampun. Tapi kalu Kita bilang, ‘Bangun, angka ngana pe tikar kong bajalang suda’, ngoni bisa tau Kita ada kuasa karna nanti ngoni lia dia bajalang.

Lukas 4:38

Waktu dorang kaluar dari ruma ibada itu, Yesus pigi pa Simon pe ruma. Simon pe mama mantu ada damang tinggi. Jadi, dong minta Yesus kase sembu pa dia.

Lukas 5:24

Jadi skarang Kita mo kase sembu pa dia, supaya ngoni tau, di dunia ini Anak Manusia yang dari sorga ada kuasa lagi untuk kase ampun orang pe dosa.” Turus Yesus bilang pa orang lumpu itu, “Kita bilang pa bapa, bangun suda, angka bapa pe tikar, kong pulang suda pa bapa pe ruma!”

Kisah Para Rasul 8:7

Barang, ada banya orang yang kemasukan setang, kong Filipus user setang-setang dari dorang. Jadi setang-setang itu kaluar deng babataria. Deng, ada banya lagi orang lumpu deng orang tempang yang dapa kase sembu.

Lukas 7:17

Kabar tentang apa yang Yesus biking itu tasiar di samua tampa di daera Yudea deng samua daera-daera di dekat situ.

Kisah Para Rasul 28:9

Bagitu orang-orang saki laeng yang ada di pulo itu dengar, Publius pe papa so sembu, dorang datang pa Paulus, kong dorang lagi dapa kase sembu.