Matius 4:13 - Perjanjian Baru Bahasa Melayu Maluku Utara

¹³ Dari Nazaret, Dia pigi lagi kong tinggal di kota Kapernaum yang ada di pinggir talaga Galilea, di suku Zebulon deng suku Naftali pe daera.

Matius 4:13 Referans Kwoze

Yohanes 4:46

Abis itu, Yesus bale lagi di Kana, di daera Galilea. Kana itu tampa yang Dia perna biking mujizat aer jadi anggur. Tara jao dari Kana, di kota Kapernaum, ada pegawai istana satu. Dia pe ana laki-laki ada saki.

Markus 1:21

Yesus deng Dia pe murit-murit sampe di Kapernaum. Pas di hari Sabat, Yesus langsung maso di ruma ibada agama Yahudi kong mangajar di situ.

Matius 11:23

Kong ngoni orang-orang Kapernaum, ngoni kira Tuhan Allah mo angka pa ngoni di sorga? Tarada. Mala, Dia mo buang pa ngoni di neraka, karna ngoni so lia-lia Kita biking mujizat-mujizat tapi ngoni tetap tara mau bertobat. Padahal kalu jaman dulu mujizat-mujizat itu Kita biking di kota Sodom, pasti kota itu masi ada sampe skarang.

Yohanes 6:59

Yesus bilang samua ini di kota Kapernaum waktu Dia mangajar di ruma ibada agama Yahudi.

Yohanes 6:24

Jadi waktu orang banya yang cari pa Yesus lia Yesus deng Dia pe murit-murit tarada, dorang nae di parau-parau yang baru datang di situ kong dong pigi di kota Kapernaum untuk cari pa Yesus.

Yohanes 6:17

Dorang di situ sampe malam, tapi Yesus bolong datang-datang pa dorang. Karna itu, dorang nae di parau, turus menyebrang mo pigi di kota Kapernaum.

Yohanes 2:12

Abis pesta kawing itu, Yesus pigi di kota Kapernaum sama-sama deng Dia pe mama, Dia pe sudara-sudara deng Dia pe murit-murit lagi. Dorang tinggal di sana babarapa hari.

Matius 17:24

Waktu Yesus deng Dia pe murit-murit sampe di kota Kapernaum, orang-orang yang jaga batagi pajak untuk Ruma Ibada Pusat datang pa Petrus kong batanya pa dia, “Bapa pe Guru jaga bayar Ruma Ibada Pusat pe pajak ka tarada?”

Lukas 4:23

Turus Yesus bilang pa dorang, “Mangkali ngoni mo bilang bahasa satu pa Kita bagini, ‘Woe dokter, kase sembu ngana pe diri sandiri dulu.’ Ngoni bilang bagitu karna ngoni mo suru Kita biking mujizat di Kita pe kampong sandiri ini, sama deng Kita so biking di kampong Kapernaum.

Matius 4:14

Deng Yesus tinggal di Kapernaum itu, apa yang Tuhan Allah bilang pa nabi Yesaya dulu itu so jadi, bagini,

Matius 4:15

“Orang-orang yang tinggal di tana Zebulon deng tana Naftali, yang ada di talaga Galilea pe pinggir, deng di daera kali Yordan pe sabla, dorang yang tinggal di situ orang-orang bukang Yahudi.

Matius 9:1

Abis itu, Yesus deng Dia pe murit-murit nae di parau kong bale lagi di sabla talaga, di kota yang Dia tinggal.

Markus 2:1

Dia pe lewat barapa hari, Yesus bale ulang di kota Kapernaum. Kong orang-orang di sana dapa dengar Yesus ada di ruma.

Lukas 10:15

Deng ngoni orang-orang yang tinggal di kota Kapernaum, apa ngoni pikir Tuhan mo angka pa ngoni di sorga? Tarada! Mala, Dia mo buang pa ngoni di neraka.”