Matius 3:16 - Perjanjian Baru Bahasa Melayu Maluku Utara

¹⁶ Abis Yohanes baptis pa Yesus, Yesus kaluar dari aer. Waktu itu suda, langit tabala kong Yesus lia Tuhan Allah pe Roh sama deng burung pombo turung di atas pa Dia.

Matius 3:16 Referans Kwoze

Markus 1:10

Bagitu Yesus kaluar dari aer, Dia lia langit tabalá, kong Roh Kudus sama deng burung pombo turung di atas pa Dia.

Kisah Para Rasul 7:56

Turus Stefanus bilang bagini, “Coba lia! Kita lia sorga tabuka deng Anak Manusia badiri di tampa yang terhormat pa Tuhan Allah pe sabla kanan.”

Yohanes 3:34

Barang, Dia yang Tuhan Allah utus, Dia itu yang kase tau Tuhan Allah pe kata-kata, karna Tuhan Allah kase Dia pe Roh pa Dia tara abis-abis.

Yohanes 1:51

Kong Yesus bilang lagi, “Inga bae-bae yang Kita mo bilang ini, nanti ngoni akan lia langit tabalá kong Tuhan Allah pe malaekat-malaekat turung nae pigi pa Kita Anak Manusia.”

Kisah Para Rasul 1:22

mulai dari Yohanes baptis pa Yesus sampe Yesus taangka ka atas di sorga kase tinggal pa torang. Orang itu mo sama-sama deng torang untuk jadi saksi kase tau pa orang-orang, Yesus so hidup ulang.”

1 Yohanes 5:6

Yesus Kristus itu suda yang Tuhan Allah utus untuk datang di dunia ini. Dia dapa baptis, kong Dia lagi dapa salib sampe Dia pe dara tatumpa. Yesus bukang cuma dapa baptis saja, tapi dapa salib lagi supaya jadi jelas Dia itu dari Tuhan Allah, kong Tuhan Allah pe Roh bilang samua itu butul, barang Roh itu tara perna bafoya.