Matius 28:2 - Perjanjian Baru Bahasa Melayu Maluku Utara

² Kage-kage ada tana goyang kuat skali karna Tuhan Allah pe malaekat satu turung dari sorga. Malaekat itu guling batu yang kase tutu pintu kubur goa itu, kong dia dudu di atas batu itu.

Matius 28:2 Referans Kwoze

Kisah Para Rasul 16:26

Kage-kage, ada tana goyang kuat skali sampe penjara pe fandasi-fandasi me tagoyang. Kong, waktu itu suda, penjara pe pintu-pintu samua tabuka, deng rante-rante yang ika pa orang-orang tahanan me talapas.

1 Timotius 3:16

Ajaran yang Tuhan Allah kase pa torang itu butul, kong pe bagus skali, tarada yang bisa lawan! Biar dulu orang bolong tau ajaran itu, skarang Tuhan Allah so kase tau pa torang bagini: Yesus so datang jadi manusia. Roh Kudus yang kase tunju pa torang Dia itu Orang yang butul, deng malaekat-malaekat lia pa Dia. Dia pe Kabar so tasiar sampe di bangsa-bangsa laeng, kong orang-orang di dunia ini percaya pa Dia. Tuhan Allah so angka pa Dia di sorga deng cara yang luar biasa.

Yohanes 20:1

Pas hari minggu, waktu masi pagi-pagi skali, Maria orang Magdala pigi pa Yesus pe kubur goa. Pe sampe di kubur itu, dia lia batu yang ada kase tutu di kubur so taguling dari dia pe tampa.

Wahyu 11:19

Abis itu, kita dapa lia Tuhan Allah pe Ruma di sorga tabuka, kong di dalam itu kita dapa lia Tuhan Allah pe Kotak Perjanjian. Turus ada kilat deng guntur babunyi, tana goyang yang kuat, deng ujang es yang karas skali.

1 Petrus 1:12

Yesus Kristus pe Roh itu me yang kase tau pa nabi-nabi itu kalu pasáng yang dorang jaga kase tau itu bukang untuk dorang pe diri sandiri saja, tapi untuk ngoni skarang ini. Yang dorang kase tau itu, Kabar Bae tentang Yesus Kristus. Skarang, ngoni so dengar dari orang-orang yang kase tau Kabar Bae itu pa ngoni. Dorang kase tau itu deng kuasa Roh Kudus yang dari sorga. Kong yang dorang kase tau itu, itu yang malaekat-malaekat me suka cari tau.

Matius 27:60

Abis itu, dia taru Yesus pe mayat itu di kubur goa satu yang ada gale di bukit batu. Kubur itu dia punya, kong masi baru. Abis taru di situ, dia guling batu basar satu untuk tutu kubur goa itu pe pintu. Abis itu, baru Yusuf pulang.

Matius 27:66

Abis itu, dorang pigi di kubur itu. Kong dong taru tanda di batu yang kase tutu kubur itu pe pintu, supaya kalu orang buka batu itu, dorang dapa tau. Turus dorang suru tentara babarapa orang itu bajaga di muka kubur itu.

Kisah Para Rasul 5:19

Tapi dia pe malam itu saja, Tuhan pe malaekat satu datang kong buka penjara pe pintu-pintu, turus bawa pa dorang kaluar. Dia bilang,