Matius 27:16 - Perjanjian Baru Bahasa Melayu Maluku Utara

¹⁶ Waktu itu, di penjara ada orang jahat satu yang paling terkenal, dia pe nama Yesus Barabas.

Matius 27:16 Referans Kwoze

Markus 15:7

Waktu itu, ada orang jahat satu dia pe nama Barabas. Dia maso penjara sama-sama deng orang-orang laeng, barang dorang ada bunu orang waktu marontak pa pemerinta Roma.

Roma 1:32

Dorang itu so tau Tuhan Allah pe aturan yang bilang, “Orang yang jaga biking barang yang jahat itu, dorang pantas dapa hukuman mati.” Tapi biar dorang tau itu, dorang tetap biking barang yang jahat itu. Deng dorang me setuju orang laeng biking bagitu.

Kisah Para Rasul 3:14

Yesus itu yang Kudus deng yang Butul pa Tuhan Allah pe muka, tapi ngoni tetap tara tarima pa Dia. Mala ngoni minta gubernur kase bebas pa orang yang jaga bunu orang.

Yohanes 18:40

Kong dorang samua bataria, “Bukang Dia! Tapi kase bebas pa Barabas suda!” Barabas itu orang jahat yang marontak pa pemerinta Roma.

Lukas 23:25

Dia kase bebas pa Barabas iko dorang pe mau. Barabas itu orang yang ada dapa kase maso di penjara karna marontak pa pemerinta deng ada bunu orang. Tapi untuk Yesus dia serakan pa dorang, tersera dong mo biking apa pa Dia.

Matius 27:15

Tiap taong, waktu hari raya Paska, gubernur biasa kase bebas satu orang dari penjara. Orang yang dia mo kase bebas itu iko deng orang banya pe mau.

Matius 27:17

Jadi waktu orang banya itu so bakumpul pa gubernur pe istana, gubernur Pilatus tanya pa dorang, “Sapa yang ngoni suka kita kase bebas, Yesus Barabas atau Yesus yang orang jaga bilang Kristus?”

Roma 16:7

Kirim salam lagi pa Andronikus deng Yunias yang satu bangsa deng kita, kong yang perna maso penjara sama-sama deng kita. Waktu kita bolong percaya pa Yesus Kristus, dorang dua itu so percaya, kong samua Tuhan Allah pe utusan yang orang sebut rasul, so kanal bae pa dorang.