Matius 23:9 - Perjanjian Baru Bahasa Melayu Maluku Utara

⁹ Deng jang ngoni pangge pa orang laeng ‘bapa’, karna ngoni pe Bapa itu cuma satu, Dia itu Bapa yang ada di sorga.

Matius 23:9 Referans Kwoze

1 Yohanes 3:1

Coba ngoni pikir, pe basar skali Tuhan Allah torang pe Bapa pe sayang pa torang, sampe Dia bilang torang ini Dia pe ana-ana! Deng memang torang ini Dia pe ana-ana! Karna itu, orang-orang yang jaga iko dunia pe mau, dorang tara tau torang ini Dia pe ana-ana, barang dorang me tara kanal pa Tuhan Allah.

Ibrani 12:9

Memang torang pe papa di dunia jaga togor pa torang, kong torang hormati pa dia. Apalagi waktu torang pe Bapa di sorga togor pa torang, torang musti lebe hormati deng dengar-dengaran pa Dia, supaya torang bole dapa hidup deng Tuhan Allah slama-lamanya.

Matius 7:11

Jadi biar ngoni pe hati tara bae, tapi ngoni tau bagimana kase barang yang bae pa ngoni pe ana-ana. Apalagi ngoni pe Bapa yang di sorga! Dia pe hati paling bae, Dia pasti mo kase yang bae pa orang-orang yang minta pa Dia.

1 Korintus 4:15

Barang, biar lagi ngoni pe guru deng ribu yang ajar pa ngoni tentang Yesus Kristus, tapi cuma kita yang pertama kali kase tau Kabar Bae tentang Yesus Kristus itu pa ngoni, sampe ngoni jadi percaya, itu sama deng kita so jadi ngoni pe papa, tarada yang laeng.

2 Korintus 6:18

Kita akan jadi ngoni pe Bapa, deng ngoni lagi mo jadi Kita pe ana-ana laki-laki deng Kita pe ana-ana parampuang.” Itu yang Tuhan Allah bilang di Kitab Suci. Dia itu yang Paling Berkuasa.

Kisah Para Rasul 22:1

“Bapa-bapa deng sudara-sudara, coba ngoni dengar dulu yang kita mo bilang ini untuk babela kita pe diri!”

Matius 6:32

Karna cuma orang-orang yang tara percaya pa Tuhan Allah yang hawater tentang samua itu. Tapi ngoni, ngoni tara perlu hawater, karna ngoni pe Bapa di sorga tau ngoni perlu samua itu.

Matius 23:10

Jang lagi ngoni kase biar orang pangge pa ngoni ‘pemimpin’, karna ngoni pe Pemimpin cuma satu, Dia itu Mesias, Raja yang Tuhan Allah janji mo kase slamat pa manusia.