Matius 20:23 - Perjanjian Baru Bahasa Melayu Maluku Utara

²³ Turus Yesus bilang pa dorang, “Memang ngoni nanti menderita sama deng Kita. Tapi tentang sapa yang mo dudu di Kita pe sabla kanan deng sabla kiri, itu bukang Kita pe hak mo tentukan. Tampa itu Kita pe Bapa so sadia untuk orang-orang yang Dia so tentukan.”

Matius 20:23 Referans Kwoze

Wahyu 1:9

Kita Yohanes, ngoni pe sudara yang sama-sama dapa siksa karna percaya pa Yesus. Torang sama-sama percaya pa Yesus yang Berkuasa sebagai Raja pa torang pe hidup, deng biar dapa siksa, torang tahang mangada siksa itu. Kong kita ini dapa buang di pulo yang pe nama Patmos, karna kita kase tau Tuhan Allah pe firman deng kase tau Yesus pe pasáng pa orang-orang.

Kisah Para Rasul 12:2

Dia parenta supaya bunu pa Yohanes pe sudara Yakobus itu deng parang.

Markus 10:40

Tapi tentang sapa yang mo dudu di Kita pe sabla kanan deng sabla kiri, itu bukang Kita pe hak mo tentukan. Tampa itu Kita pe Bapa so sadia untuk orang-orang yang Dia so tentukan.”

Matius 25:34

Waktu itu, Anak Manusia yang so jadi Raja itu mo bilang pa orang-orang yang ada pa Dia pe sabla kanan, ‘Datang kamari suda ngoni yang Kita pe Bapa berkati! Datang suda di tampa yang Kita Berkuasa sebagai Raja, Kita so kase sadia tampa untuk ngoni di situ dari pertama waktu dunia ini jadi.

1 Korintus 2:9

Rencana itu sama deng yang tatulis di Kitab Suci, bagini: “Tuhan Allah so kase sadia banya hal untuk orang-orang yang sayang pa Dia. Yang Dia so kase sadia itu, bolong perna manusia lia deng dia pe mata, bolong perna manusia dengar deng dia pe talinga, deng bolong perna ada pa manusia pe pikiran.”

Roma 8:17

Deng karna torang ini so jadi Tuhan Allah pe ana-ana, nanti tong mo dapa warisan dari Dia, itu berarti, torang ini me ada hak dari samua yang Dia so kase sadia untuk Dia pe ana-ana. Kong torang mo dapa samua itu sama-sama deng Yesus Kristus. Tapi kalu torang mau dapa itu, tong lagi musti menderita iko pa Tuhan Allah sama deng Yesus Kristus so menderita, supaya torang nanti dapa puji deng hormat sama-sama deng Dia.

Ibrani 11:16

Tapi tampa tinggal yang dorang rindu itu, tampa tinggal yang lebe bagus. Tampa tinggal itu, sorga suda. Karna itu, Tuhan Allah tara malu waktu dorang bilang, Dia itu dorang pe Tuhan Allah, barang Dia so kase sadia kota itu untuk dorang tinggal.

Kolose 1:24

Skarang ini kita pe hati sanang saja, karna siksa yang kita dapa waktu kase tau Kabar Bae tentang Yesus Kristus, itu untuk ngoni pe bae. Siksa itu memang musti kita rasa, karna kita karja untuk Yesus Kristus. Deng kalu kita dapa siksa, itu sama saja deng kita ambe bagian dalam siksa yang Yesus Kristus rasa untuk tolong Dia pe jemaat. Jemaat itu sama deng Dia pe badan sandiri.

2 Korintus 1:7

Jadi torang yakin skali ngoni akan tetap batahang percaya pa Tuhan. Barang, ngoni so dapa sengsara sama deng sengsara yang tong rasa, jadi torang tau, pasti Tuhan kase kuat lagi ngoni pe hati sama deng yang torang rasa.

Matius 13:11

Kong Yesus jawab, “Tuhan Allah biking ngoni bisa tau rahasia tentang bagimana Tuhan Allah Berkuasa sebagai Raja, tapi pa orang laeng, tarada.

Matius 20:24

Waktu spulu murit yang laeng dengar apa yang dong dua minta itu, dorang hati saki pa dua sudara itu.