Matius 19:23 - Perjanjian Baru Bahasa Melayu Maluku Utara

²³ Abis itu, Yesus bilang pa Dia pe murit-murit, “Inga bae-bae yang Kita bilang pa ngoni e, memang pe susa skali orang kaya mo kase dia pe diri la Tuhan Allah Berkuasa sebagai Raja pa dia pe hidup.

Matius 19:23 Referans Kwoze

Matius 13:22

Bibit yang jatu di tana yang ada rumpu baduri, itu sama deng orang-orang yang so dengar firman, tapi dong pe hati tara tenang tentang dong pe hidup, deng dong cuma cari harta. Jadi firman yang dorang dengar itu dorang tara biking, sampe firman itu tara bawa hasil apa-apa.

Markus 10:23

Turus Yesus balia pa Dia pe murit-murit di kiri-kanan kong bilang bagini, “Pe susa skali orang kaya mo kase dia pe diri la Tuhan Allah Berkuasa sebagai Raja pa dia pe hidup.”

Lukas 18:24

Yesus haga pa dia kong tau dia sedi. Turus Yesus bilang bagini, “Pe susa skali orang kaya kase dia pe diri la Tuhan Allah Berkuasa sebagai Raja pa dia pe hidup.

1 Korintus 1:26

Sudara-sudara, coba ngoni inga ngoni pe hidup dulu waktu Tuhan Allah bolong pangge pa ngoni iko pa Dia. Waktu itu kalu manusia mo nilai, cuma sadiki ngoni yang pande, cuma sadiki ngoni yang jadi orang penting, deng cuma sadiki lagi ngoni yang dari keluarga penting.

Yohanes 3:3

Yesus bilang pa dia, “Inga bae-bae yang Kita mo bilang ini. Cuma orang yang lahir ulang, yang bisa jadi Tuhan Allah pe umat yang Dia Berkuasa sebagai Raja pa orang itu pe hidup.”

Yakobus 2:6

Tapi deng ngoni pili-pili orang bagitu, ngoni itu so hina pa orang-orang miskin. Padahal orang-orang kaya itu suda yang biking sengsara pa ngoni kong bawa di pengadilan untuk kase sala pa ngoni.

Kisah Para Rasul 14:22

Di tampa-tampa itu, Paulus deng Barnabas kase kuat orang-orang percaya pe hati deng kase nasehat supaya dorang tetap batahang percaya pa Tuhan Yesus. Paulus deng Barnabas bilang pa dorang, “Kalu torang mau jadi Tuhan Allah pe umat yang Dia Berkuasa sebagai Raja, torang akan dapa banya sengsara.”

Yohanes 3:5

Yesus bilang, “Inga bae-bae yang Kita mo bilang ini: tiap orang yang ingin jadi Tuhan Allah pe umat, dia musti lahir dari aer, deng lahir lagi dari Roh Kudus. Kalu tara bagitu, Tuhan Allah tara Berkuasa sebagai Raja pa dia pe hidup.

Matius 18:3

Turus, Dia bilang pa dorang, “Inga bae-bae yang Kita mo bilang pa ngoni ini: kalu ngoni tara ruba ngoni pe hidup jadi sama deng ana kacil yang tara sombong ini, ngoni tara akan jadi Tuhan Allah pe umat yang Dia Berkuasa sebagai Raja.

Matius 5:20

Jadi, dengar bae-bae yang Kita bilang ini. Guru-guru agama Yahudi yang ahli lima kitab Musa deng orang Yahudi dari aliran Farisi, dorang jaga iko Tuhan Allah pe aturan-aturan, cuma dorang tara biking yang butul pa Tuhan Allah pe muka. Tapi ngoni ini musti biking yang butul pa Tuhan Allah pe muka kalu ngoni mau jadi Tuhan Allah pe umat yang Dia Berkuasa sebagai Raja pa ngoni pe hidup.”

Matius 21:31

Jadi menurut ngoni, dari dua ana itu sapa yang biking dorang pe papa pe mau?” Pemimpin-pemimpin agama Yahudi itu jawab, “Ana yang tua.” Kong Yesus bilang pa dorang, “Karna itu, dengar yang Kita mo bilang pa ngoni ini, orang-orang berdosa yang dong pe karja tagi-tagi pajak, deng parampuang-parampuang tara bae, dorang itu yang kamuka dari ngoni mo jadi Tuhan Allah pe umat yang Dia Berkuasa sebagai Raja.

Matius 19:22

Waktu ana muda itu dengar Yesus bilang bagitu, dia pigi deng hati sedi, barang dia pe harta banya skali.