Matius 18:3 - Perjanjian Baru Bahasa Melayu Maluku Utara

³ Turus, Dia bilang pa dorang, “Inga bae-bae yang Kita mo bilang pa ngoni ini: kalu ngoni tara ruba ngoni pe hidup jadi sama deng ana kacil yang tara sombong ini, ngoni tara akan jadi Tuhan Allah pe umat yang Dia Berkuasa sebagai Raja.

Matius 18:3 Referans Kwoze

1 Petrus 2:2

Ngoni musti suka skali Tuhan pe Firman, sama deng bayi yang baru lahir yang suka skali minum dia pe mama pe aer susu. Deng bagitu, ngoni pe percaya pa Tuhan mo lebe tatamba kuat kong ngoni akan dapa slamat dari dosa-dosa.

Matius 19:14

Jadi Yesus bilang pa Dia pe murit-murit itu, “Kase biar suda ana-ana itu datang pa Kita. Jang larang pa dorang, karna orang-orang yang tara sombong deng yang capat percaya sama deng ana-ana kacil ini, dorang itu yang kase dong pe diri pa Tuhan Allah la Dia Berkuasa sebagai Raja pa dorang pe hidup.”

1 Korintus 14:20

Sudara-sudara, mangarti bae-bae yang kita bilang tentang karunia-karunia itu, deng jang ngoni pe pikiran sama deng ana-ana. Tapi tentang barang yang jahat, ngoni pe pikiran musti sama deng ana-ana supaya ngoni tara bapikir untuk biking yang jahat.

Yohanes 3:5

Yesus bilang, “Inga bae-bae yang Kita mo bilang ini: tiap orang yang ingin jadi Tuhan Allah pe umat, dia musti lahir dari aer, deng lahir lagi dari Roh Kudus. Kalu tara bagitu, Tuhan Allah tara Berkuasa sebagai Raja pa dia pe hidup.

Yohanes 3:3

Yesus bilang pa dia, “Inga bae-bae yang Kita mo bilang ini. Cuma orang yang lahir ulang, yang bisa jadi Tuhan Allah pe umat yang Dia Berkuasa sebagai Raja pa orang itu pe hidup.”

Lukas 13:24

Yesus bilang pa orang-orang di situ, “Ngoni berusaha suda maso iko pintu yang sempit! Barang, banya orang berusaha mo maso iko pintu itu, tapi dorang tara bisa maso.

Kisah Para Rasul 3:19

Jadi, ngoni bertobat suda kong percaya pa Tuhan Allah, supaya Dia kase ampun pa ngoni dari ngoni pe dosa-dosa.

Kisah Para Rasul 28:27

Karna orang-orang bangsa ini karas kapala. Dorang pe talinga tara mau badengar, deng dorang pe mata me dorang tutu kuat-kuat, supaya jang dorang lia deng dong pe mata, jang dorang dengar deng dong pe talinga, deng jang dorang mangarti deng dong pe hati. Jadi dorang tara mau bertobat, kong Kita tara akan kase slamat pa dorang.’ ”

Yohanes 1:51

Kong Yesus bilang lagi, “Inga bae-bae yang Kita mo bilang ini, nanti ngoni akan lia langit tabalá kong Tuhan Allah pe malaekat-malaekat turung nae pigi pa Kita Anak Manusia.”

Matius 5:20

Jadi, dengar bae-bae yang Kita bilang ini. Guru-guru agama Yahudi yang ahli lima kitab Musa deng orang Yahudi dari aliran Farisi, dorang jaga iko Tuhan Allah pe aturan-aturan, cuma dorang tara biking yang butul pa Tuhan Allah pe muka. Tapi ngoni ini musti biking yang butul pa Tuhan Allah pe muka kalu ngoni mau jadi Tuhan Allah pe umat yang Dia Berkuasa sebagai Raja pa ngoni pe hidup.”

Lukas 22:32

Tapi Kita so berdoa supaya ngana tetap percaya pa Kita. Ngana nanti bale balakang pa Kita, tapi waktu ngana pe percaya pa Kita so kuat ulang, ngana musti kase kuat pa ngana pe sudara-sudara pe hati lagi supaya dorang tetap percaya pa Kita.”

Markus 4:12

supaya apa yang Tuhan Allah perna bilang tentang dorang di Kitab Suci itu so jadi, ‘Biar dorang lia, dorang tara mangarti apa yang dorang lia. Biar dorang dengar, dorang tara mangarti apa yang dong dengar. Dorang tara mangarti jadi dorang tara bertobat deng tara dapa ampun.’ ”

2 Petrus 1:11

Deng bagitu, nanti Tuhan Allah akan buka pintu sorga untuk ngoni, Dia akan tarima pa ngoni di Tuhan Yesus Kristus pe tampa berkuasa sebagai Raja. Tuhan Yesus Kristus itu yang kase slamat pa torang, deng Dia itu yang jadi Raja slama-lamanya.

Kisah Para Rasul 14:22

Di tampa-tampa itu, Paulus deng Barnabas kase kuat orang-orang percaya pe hati deng kase nasehat supaya dorang tetap batahang percaya pa Tuhan Yesus. Paulus deng Barnabas bilang pa dorang, “Kalu torang mau jadi Tuhan Allah pe umat yang Dia Berkuasa sebagai Raja, torang akan dapa banya sengsara.”

Matius 19:23

Abis itu, Yesus bilang pa Dia pe murit-murit, “Inga bae-bae yang Kita bilang pa ngoni e, memang pe susa skali orang kaya mo kase dia pe diri la Tuhan Allah Berkuasa sebagai Raja pa dia pe hidup.

Matius 13:15

Karna orang-orang bangsa ini karas kapala. Dorang pe talinga tara mau badengar, deng dorang pe mata me dorang tutu kuat-kuat, supaya jang dorang lia deng dong pe mata, jang dorang dengar deng dong pe talinga, deng jang dorang mangarti deng dong pe hati. Jadi dorang tara mau bertobat, kong Kita tara akan kase slamat pa dorang.’

Matius 6:16

Yesus bilang lagi, “Kalu ngoni bapuasa, jang kase tunju muka suak sama deng orang munafik. Dorang sangaja kase tunju bagitu supaya orang laeng lia dong sementara bapuasa kong puji pa dorang. Ngoni dengar bae-bae e! Pujian yang dorang dapa dari manusia itu, itu suda dorang pe upah.

Matius 6:5

Yesus bilang lagi, “Kalu ngoni berdoa, jang berdoa sama deng orang munafik. Barang, dorang itu kalu berdoa suka badiri di ruma-ruma ibada agama Yahudi deng di muka umum, dong pe maksut supaya orang lia deng puji pa dorang. Dengar bae-bae e, pujian yang dorang dapa dari manusia itu, itu suda dorang pe upah.

Matius 6:2

Jadi, kalu ngoni mo bakase apa-apa la bantu pa orang-orang susa, jang kase dengar itu pa orang-orang, macam deng orang-orang munafik. Waktu dorang bakase doi di ruma-ruma ibada atau di jalang-jalang, dorang jaga tiop trompet la orang tau dorang ada bakase kong orang puji pa dorang. Dengar bae-bae, pujian yang dorang dapa dari manusia itu, itu suda dorang pe upah.

Matius 5:18

Ngoni dengar bae-bae e! Langit deng bumi pasti mo ancor, tapi aturan-aturan di lima kitab Musa deng di nabi-nabi laeng pe kitab itu tara akan ilang, biar satu huruf me. Samua itu tetap ada sampe yang Tuhan Allah bilang dulu itu so jadi samua.

Matius 18:2

Pe dengar itu, Yesus pangge ana kacil satu kong kase badiri ana itu pa dorang pe tenga-tenga.

Matius 18:4

Jadi, sapa yang anggap diri biasa-biasa saja sama deng ana kacil ini, dia itu suda yang Tuhan Allah anggap paling hebat di antara Tuhan Allah pe umat yang Dia Berkuasa sebagai Raja.