Matius 17:25 - Perjanjian Baru Bahasa Melayu Maluku Utara

²⁵ Kong dia bilang pa dorang, “Iyo, Dia salalu bayar.” Waktu Simon Petrus maso di ruma, Yesus tanya pa dia kamuka, “Simon, kalu menurut ngana, sapa yang musti bayar pajak pa raja-raja yang berkuasa di dunia ini? Dorang pe ana-ana sandiri atau orang laeng?”

Matius 17:25 Referans Kwoze

Matius 22:21

Dorang jawab, “Raja basar Roma pe gambar deng pe nama.” Kong Yesus bilang pa dorang, “Kalu bagitu, kase suda pa raja apa yang ngoni musti kase pa dia, deng kase suda pa Tuhan Allah apa yang ngoni musti kase pa Tuhan Allah!”

Matius 22:19

Coba ngoni kase tunju pa Kita doi yang ngoni jaga pake babayar pajak!” Kong dorang bawa pa Dia doi perak satu.

Matius 22:17

Jadi skarang torang mo tanya pa Guru, kalu iko torang pe aturan agama, bole ka tarada torang bayar pajak pa raja basar Roma?”

Matius 3:15

Tapi Yesus bilang pa dia, “Biar suda ngana yang baptis pa Kita. Barang, deng torang biking bagitu, torang so biking iko apa yang Tuhan Allah mau.” Pe dengar itu, Yohanes iko apa yang Yesus bilang.

Matius 17:26

Kong Petrus jawab, “Tantu orang laeng.” Turus, Yesus bilang pa dia, “Butul itu. Jadi dorang pe ana-ana sandiri tara perlu babayar pajak.

Lukas 20:22

Jadi skarang, torang mo tanya pa Guru, kalu iko torang pe aturan agama, bole ka tarada torang bayar pajak pa raja basar Roma?”