Matius 13:47 - Perjanjian Baru Bahasa Melayu Maluku Utara

⁴⁷ Yesus bilang lagi, “Tuhan Allah Berkuasa sebagai Raja pa Dia pe umat, itu bole kase sama deng umpama ini lagi: ada babarapa orang yang buang jala basar di talaga kong dorang dapa ikang macam-macam.

Matius 13:47 Referans Kwoze

Yohanes 15:6

Sapa saja yang hidup tara satu hati deng Kita, Tuhan Allah mo buang pa dia sama deng cabang yang tara babua yang so kiring, kong dong kumpul cabang itu, turus dong bakar.

Wahyu 3:1

Anak Manusia yang dari sorga bilang lagi pa kita, “Yohanes, tulis suda untuk malaekat yang jaga pa jemaat di kota Sardis. Ngana tulis bagini: Ini pasáng dari Anak Manusia yang punya tuju Roh dari Tuhan Allah, deng yang pegang tuju bintang itu: Kita tau samua yang ngoni jaga biking. Dari luar dapa lia ngoni pe hidup butul iko Kita pe mau, padahal yang sebenarnya tara bagitu. Itu sama deng dapa lia ngoni hidup padahal so mati!

Markus 1:17

Kong Yesus pangge pa dorang dua, “Mari, iko pa Kita! Ngoni biasa bacari ikang, tapi Kita mo ajar pa ngoni untuk cari orang supaya dorang iko pa Kita.”

Galatia 2:4

Memang ada babarapa orang laeng yang tantang supaya Titus dapa sunat. Dorang itu maso babadiam di jemaat, biking diri percaya pa Yesus Kristus sama deng torang, padahal dorang itu cuma mo cari tau pa torang. Dorang lia torang so bebas dari aturan-aturan di lima kitab Musa karna torang so percaya pa Kristus Yesus, kong dorang mo biking torang taika ulang deng aturan-aturan itu, sama deng orang karja yang taika pa dia pe tuang.

2 Korintus 11:26

So ulang-ulang kita pigi ka mana-mana kase tau Kabar Bae tentang Yesus Kristus, banya kali bahaya yang kita dapa yang biking kita amper mati macam deng bagini: kita dapa banjir, kita dapa rampok, kita dapa tantang dari orang-orang satu bangsa deng kita deng dari orang-orang yang bukang Yahudi lagi. Kita mangada lagi bahaya yang ada di kota deng bahaya di padang gurun, bahaya di laut, deng bahaya dari orang-orang yang bilang dong percaya pa Tuhan Yesus, padahal tarada.

Kisah Para Rasul 20:30

Mala dari ngoni sandiri nanti ada yang mo ajar ajaran yang tara butul supaya orang-orang yang percaya pa Tuhan Yesus jadi tara percaya lagi kong iko pa dorang.

Lukas 5:10

Bagitu lagi deng Simon pe tamang-tamang: Yakobus deng Yohanes, Zebedeus pe ana-ana. Dorang herang lia ikang pe banya itu. Kong Yesus bilang pa Simon, “Simon, jang ngana tako! Ngana biasa bacari ikang, tapi mulai skarang ngana mo cari orang supaya dorang iko pa Kita.”

Matius 4:19

Yesus pangge pa dorang dua, “Mari, iko pa Kita! Ngoni biasa bacari ikang, tapi Kita mo ajar pa ngoni untuk cari orang supaya dorang iko pa Kita.”

1 Korintus 11:19

Memang ngoni musti tapisa-pisa satu deng yang laeng, supaya jadi jelas, sapa yang butul-butul iko pa Tuhan deng sapa yang tarada.

Yohanes 15:2

Kong Kita pe umat sama deng anggur pe cabang-cabang. Cabang-cabang yang babua, Dia potong sadiki supaya bersi kong lebe banya babua lagi, baru cabang-cabang yang tara babua, Dia potong kong buang.

Matius 13:44

Yesus bilang lagi, “Kalu torang jadi Tuhan Allah pe umat yang Dia Berkuasa sebagai Raja, itu lebe berharga dari apa saja. Itu sama deng umpama ini: ada harta yang mahal skali yang so lama tasambunyi dalam tana di kobong. Satu hari, ada satu orang yang dapa harta yang mahal itu, kong dia tambung ulang deng tana. Orang itu sanang skali kong dia jual samua yang dia punya, turus dia pake doi itu untuk bili kobong yang ada tambung harta itu supaya jadi dia punya.”

Matius 13:46

Satu kali, dia dapa mutiara satu yang bagus deng mahal skali. Kong dia jual samua yang dia punya, turus doi itu dia pake untuk bili mutiara itu.”

Matius 13:48

Bagitu jala so ponong, dorang hela kong bawa jala itu di pinggir talaga. Abis itu dorang dudu kong kase pisa-pisa ikang yang bagus deng ikang yang tara bagus. Ikang yang bagus dorang taru di karanjang, tapi ikang yang tara bagus dorang buang.