Matius 11:5 - Perjanjian Baru Bahasa Melayu Maluku Utara

⁵ orang buta so bisa dapa lia, orang lumpu so bisa bajalang, orang lepra so sembu, orang pongo so bisa dengar, orang mati so hidup ulang, deng orang miskin so dengar Kabar Bae dari Tuhan Allah.”

Matius 11:5 Referans Kwoze

Lukas 4:18

“Tuhan Allah pe Roh ada pa Kita. Barang Dia so pili pa Kita untuk kase tau Kabar Bae pa orang-orang susa. Dia so utus pa Kita

Yakobus 2:5

Sudara-sudara yang kita sayang, dengar yang kita mo bilang ini: orang miskin yang ada di dunia ini, Tuhan Allah so pili pa dorang la butul-butul percaya pa Dia. Dorang itu yang mo jadi Tuhan Allah pe umat yang Dia Berkuasa sebagai Raja pa dorang pe hidup, sama deng yang Dia so janji pa samua orang yang sayang pa Dia.

Matius 21:14

Abis itu, orang-orang buta deng orang-orang tempang datang pa Yesus di Ruma Ibada Pusat pe kompleks. Kong Dia kase sembu pa dorang.

Yohanes 10:38

Tapi Kita ini jaga biking yang Kita pe Bapa suru. Jadi, biar ngoni tara mau percaya pa Kita, tapi paling tarada ngoni musti percaya mujizat-mujizat yang Kita so biking. Deng bagitu, ngoni akan jadi tau deng mangarti, Kita pe Bapa deng Kita itu satu.”

Yohanes 10:25

Kong Yesus bilang, “Kita so kase tau pa ngoni, tapi ngoni tara percaya. Kong Kita so biking banya mujizat pake Kita pe Bapa pe kuasa, itu suda yang kase tau deng jelas Kita ini sapa.

Yohanes 5:36

Tapi ada bukti yang lebe basar dari apa yang Yohanes kase tau tentang Kita, yang kase tunju pa orang, Kita ini memang Tuhan Allah yang utus. Bukti itu, Kita pe ajaran deng mujizat yang Kita pe Bapa suru Kita biking kong Kita biking skarang. Kita pe ajaran deng mujizat itu kase tunju pa orang, Kita ini memang yang Tuhan Allah utus.

Yohanes 3:2

Satu kali bagini, dia datang pa Yesus malam-malam, kong bilang bagini, “Guru, torang tau, Guru ini yang Tuhan Allah utus untuk kase ajar pa torang. Barang, tara ada satu orang yang bisa biking mujizat-mujizat macam deng yang Guru biking, kalu Tuhan Allah tara sama-sama deng dia.”

Yohanes 2:23

Waktu Yesus masi di Yerusalem iko agama Yahudi pe hari raya Paska itu, ada banya orang yang percaya pa Dia, karna dorang lia mujizat-mujizat yang Dia biking.

Markus 9:25

Yesus lia orang banya so mulai datang bakumpul pa Dia di situ, jadi Dia parenta deng karas pa setang yang ada maso pa ana itu bagini, “Woe setang yang biking orang jadi mou deng pongo. Ngana kaluar dari ana ini deng jang maso lagi pa dia!”

Markus 7:37

Orang-orang yang dengar carita itu, dorang herang deng kage skali kong dorang bilang, “Samua yang Dia biking itu bagus skali! Dia biking orang yang pongo bisa dengar, deng orang yang mou bisa bicara!”

Matius 10:8

Ngoni kase sembu suda pa orang-orang yang saki, kase hidup ulang pa orang-orang yang so mati, kase sembu pa orang yang saki lepra, deng user setang-setang dari orang-orang yang kemasukan. Ngoni tarima kuasa itu deng cuma-cuma, jadi ngoni me musti pake kuasa itu untuk tolong pa orang laeng deng cuma-cuma.

Matius 9:30

Waktu itu suda, dorang dua so bisa dapa lia. Kong Yesus bilang pa dorang deng tegas, “Jang ngoni kase tau pa sapa-sapa bagimana sampe ngoni bisa dapa lia.”

Matius 5:3

“Paling sanang suda orang-orang yang rasa dong pe diri tara pantas pa Tuhan Allah pe muka, karna dorang itu suda yang jadi Tuhan Allah pe umat yang Dia Berkuasa sebagai Raja.

Kisah Para Rasul 2:22

Turus Petrus bilang lagi, “Ee, sudara-sudara orang Israel! Dengar bae-bae yang kita mo bilang pa ngoni ini. Tuhan Allah yang utus pa Yesus orang Nazaret itu, kong itu so jelas waktu Yesus biking mujizat-mujizat deng tanda-tanda yang kase tunju Tuhan Allah pe kuasa sampe biking orang herang. Samua itu so jadi di ngoni pe tenga-tenga, sama deng yang ngoni so tau.

Matius 11:4

Kong Yesus bilang pa dorang, “Ngoni bale pa Yohanes kong kase tau pa dia apa yang ngoni so lia deng dengar:

Matius 12:13

Turus Yesus bilang pa orang yang dia pe tangan sabla mati itu, “Kase kamari ngana pe tangan!” Orang itu kase dia pe tangan, kong waktu itu suda dia pe tangan yang mati itu jadi sembu, sama deng dia pe tangan sabla yang tara cacat.

Yohanes 9:7

Kong Dia bilang pa orang buta itu, “Pigi suda, kong cuci ngana pe muka di kolam Siloam.” (Siloam itu pe arti, ‘Yang dapa utus’.) Pe dengar itu, orang itu pigi cuci dia pe muka di situ. Kong waktu dia mo bale pa dia pe ruma, dia so bisa dapa lia.