Matius 11:11 - Perjanjian Baru Bahasa Melayu Maluku Utara

¹¹ Yesus bilang lagi, “Inga bae-bae e, dari samua orang yang parampuang so kase lahir di dunia ini, tara ada satu yang lebe basar dari Yohanes Pembaptis. Tapi skarang, sapa saja, biar dia orang biasa-biasa saja, kalu Tuhan Allah Berkuasa sebagai Raja pa dia pe hidup, orang itu lebe basar dari Yohanes.

Matius 11:11 Referans Kwoze

Lukas 7:28

Yesus bilang lagi, “Inga bae-bae e, dari samua orang yang parampuang so kase lahir di dunia ini, tara ada satu yang lebe basar dari Yohanes Pembaptis. Tapi skarang, sapa saja, biar dia orang biasa-biasa saja, kalu Tuhan Allah Berkuasa sebagai Raja pa dia pe hidup, orang itu lebe basar dari Yohanes.”

Efesus 3:8

Dari samua yang so jadi Tuhan Allah pe umat, kita ini suda yang paling tarada arti apa-apa. Tapi biar bagitu, Tuhan Allah kase Dia pe bae pa kita untuk kita kase tau Kabar Bae tentang Yesus Kristus pa orang-orang bukang Yahudi. Kita kase tau pa dorang tentang sagala hal yang talebe-lebe, yang Dia so rencana mo kase pa orang yang percaya pa Dia.

Yohanes 1:15

Satu kali bagini, Yohanes Pembaptis kase tau pa orang-orang tentang Yesus, Firman itu. Yohanes kase tau pa dorang deng suara yang kuat, bagini, “Dia itu suda yang kita pe maksut waktu kita bilang, ‘Nanti ada yang mo datang abis kita, Dia lebe hebat dari kita. Barang sebelum kita ada di dunia ini, Dia so kamuka ada.’ ”

Matius 5:19

Karna itu, sapa yang langgar satu aturan saja, biar yang paling kacil, kong kase ajar pa orang laeng la iko sama deng dia, dia itu mo jadi orang yang paling tara penting di antara Tuhan Allah pe umat yang Tuhan Allah Berkuasa sebagai Raja. Tapi sapa yang iko samua aturan itu kong kase ajar pa orang laeng supaya orang laeng iko sama deng dia, dia itu mo jadi orang yang paling penting di antara Tuhan Allah pe umat yang Tuhan Allah Berkuasa sebagai Raja.

Matius 3:11

Kita baptis pa ngoni deng aer, tanda ngoni so bertobat kong iko pa Tuhan Allah. Tapi abis kita ini, ada satu Orang yang mo datang, Dia pe kuasa lebe basar dari kita. Kong mo jadi Dia pe suru-suru yang bawa Dia pe sandal saja me, kita tara pantas. Dia itu nanti yang mo baptis pa ngoni pake Roh Kudus deng api.

Lukas 9:48

Turus, Dia bilang pa dorang, “Sapa yang tarima pa orang biasa-biasa saja sama deng ana kacil ini karna orang itu percaya pa Kita, itu sama deng dia so tarima pa Kita. Deng sapa yang tarima pa Kita, dia me tarima pa Tuhan Allah yang utus pa Kita. Karna sapa yang anggap dia pe diri biasa-biasa saja dari antara ngoni, dia itu suda yang Tuhan Allah anggap paling hebat.”

1 Petrus 1:10

Slamat itu suda yang Tuhan Allah kase untuk ngoni cuma karna Dia pe bae. Kong tentang slamat itu, itu so dari dulu Tuhan Allah kase tau pa nabi-nabi. Tapi, biar waktu itu nabi-nabi bolong mangarti, dorang masi tetap cari tau deng cari mangarti bae-bae tentang slamat itu.

Ibrani 11:40

Barang, Tuhan Allah so kase sadia di sorga apa yang lebe bae untuk torang samua. Tuhan Allah tara mau dong dapa lebe kamuka, tapi Dia mau supaya torang deng dorang, torang samua sama-sama dapa apa yang Tuhan Allah so sadia di satu waktu, la torang samua jadi sempurna pa Tuhan Allah pe muka.

1 Korintus 15:9

Sebenarnya kita ini tara pantas dapa bilang rasul, barang dulu itu, so kita ini suda yang jaga siksa pa Tuhan Allah pe jemaat. Karna itu, dari samua rasul, kita ini suda yang paling tara arti.

1 Korintus 6:4

Jadi, kalu ada masala di antara ngoni orang yang percaya, dari ngoni jemaat suda yang urus masala itu. Jang ngoni bawa masala itu pa orang-orang yang tara percaya Tuhan, karna dorang itu bukang bagian dari ngoni.

Yohanes 10:41

Banya orang yang datang pa Yesus, kong dorang baku bilang, “Yohanes memang tara perna biking mujizat, tapi samua yang Yohanes bilang tentang Orang ini, itu butul.”

Yohanes 3:30

Dia musti jadi lebe tamba penting dari kita, kong kita musti lebe hari lebe tamba tara penting.”

Yohanes 5:35

Apa yang Yohanes kase tau tentang Kita itu, itu bole mo kase sama deng lampu yang manyala kong bacahaya tarang. Kong cahaya itu biking sanang pa ngoni tapi cuma rabu-rabu saja.

Yohanes 1:27

Dia itu yang datang abis kita, deng Dia lagi lebe hebat dari kita, sampe mo jadi Dia pe tukang suru-suru yang buka Dia pe tali sandal saja me, kita tara pantas.”

Yohanes 7:39

Waktu Yesus bilang tentang aer itu, Dia pe maksut Tuhan Allah pe Roh yang orang percaya mo tarima. Barang, waktu Yesus masi ada di dunia, orang-orang bolong tarima Tuhan Allah pe Roh, karna Yesus bolong mati kong hidup ulang supaya orang lia Tuhan Allah pe hebat.

Efesus 2:3

Dulu torang samua itu sama deng dorang lagi, torang hidup cuma iko manusia pe mau yang suka biking dosa, deng torang cuma iko torang pe keinginan deng pikiran yang tara bae. Sebenarnya torang pantas dapa hukum dari Tuhan Allah, karna yang torang biking itu jahat, sama deng samua orang di dunia jaga biking.

2 Timotius 1:10

Kong skarang Tuhan Allah so kase Dia pe bae itu pa torang. Yesus Kristus so datang deng kase slamat pa torang dari tong pe dosa, kong kase ancor kuasa yang biking sampe orang bisa mati slama-lamanya. Jadi sapa yang percaya Kabar Bae tentang Yesus Kristus, dia hidup deng Tuhan Allah sampe slama-lamanya.

Lukas 1:15

karna dia mo jadi orang basar pa Tuhan Allah pe muka. Selama dia hidup, dia tara akan minum anggur atau minuman laeng yang biking mabo. Waktu dia masi ada pa dia pe mama pe puru, Roh Kudus so kuasai pa dia.

Matius 3:1

Ada satu orang dia pe nama Yohanes, dia jaga baptis orang. Satu kali bagini, dia pigi di daera Yudea di padang gurun, tampa yang jao dari kampong. Di situ, dia jaga kase tau Tuhan Allah pe pasáng pa orang-orang. Dia bilang,

Matius 11:10

Karna so dari dulu di Kitab Suci ada tatulis tentang dia bagini, ‘Perhatikan e! Kita mo suru Kita pe utusan datang kamuka dari Ngana. Dia itu yang mo buka jalang untuk Ngana, supaya orang pe hati siap mo tarima pa Ngana.’ ”

Matius 11:12

Mulai dari Yohanes Pembaptis datang sampe skarang, ada orang-orang jahat yang malawang pa orang-orang yang so jadi Tuhan Allah pe umat supaya jang percaya lagi pa Tuhan Allah, deng dorang berusaha kuasai pa orang-orang itu.