Markus 1:5 - Perjanjian Baru Bahasa Melayu Maluku Utara

⁵ Kong banya skali orang dari kota Yerusalem deng samua tampa laeng di daera Yudea datang pa Yohanes. Dorang mangaku dong pe dosa, turus Yohanes baptis pa dorang di kali Yordan.

Markus 1:5 Referans Kwoze

Kisah Para Rasul 19:18

Banya orang dari dorang yang so jadi percaya itu datang mangaku di orang banya pe muka, kalakuang-kalakuang jahat yang dorang perna biking.

Kisah Para Rasul 2:38

Petrus bilang pa dorang, “Ngoni samua bertobat suda kong kase ngoni pe diri dapa baptis dalam nama Yesus Kristus, la jelas ngoni so percaya pa Dia. Kalu ngoni biking bagitu, Tuhan Allah mo kase ampun pa ngoni dari ngoni pe dosa-dosa, deng kase pa ngoni Roh Kudus.

Yohanes 3:23

Waktu Yesus masi di daera Yudea itu, Yohanes me ada baptis orang tapi di kampong Ainon, dekat Salim, barang banya aer di situ. Banya orang datang di situ untuk dapa baptis.

Yohanes 1:28

Yohanes bilang samua itu di kampong Betania, waktu dia di kali Yordan pe sabla timur, tampa yang Yohanes biasa baptis orang.

Matius 4:25

Mulai waktu itu, banya skali orang yang iko pa Yesus: orang-orang dari daera Galilea, dari daera Dekapolis, dari kota Yerusalem, dari daera Yudea, deng dari daera yang ada di kali Yordan pe sabla.

Markus 1:4

Tuhan pe utusan itu pe nama Yohanes Pembaptis. Dia datang di padang gurun, tampa yang jao dari kampong, kong di situ dia kase tau pa orang-orang bagini, “Bertobat suda kong iko pa Tuhan Allah, deng bagitu Tuhan Allah mo kase ampun pa ngoni. Kong kase suda ngoni pe diri la dapa baptis, itu tanda ngoni so bertobat.”

Markus 1:6

Yohanes pake juba dari unta pe bulu-bulu. Dia pe ban dari binatang pe kuli. Dia pe makanang boto-boto deng madu utang.

Yohanes 5:35

Apa yang Yohanes kase tau tentang Kita itu, itu bole mo kase sama deng lampu yang manyala kong bacahaya tarang. Kong cahaya itu biking sanang pa ngoni tapi cuma rabu-rabu saja.

Yakobus 5:16

Jadi lebe bae ngoni baku mangaku ngoni pe dosa deng baku kase berdoa, supaya ngoni jadi sembu. Orang yang hidup butul pa Tuhan Allah pe muka, dia pe doa ada kuasa basar skali sampe ada dia pe hasil.